نتائج المرحله الاخيره من مسابقه صوره في عين شاعر

[][ سما الدوحه ][]

مساكم ..ورد

اليوم..النتائج النهائيه للمرحله الاخيره من مسابقه صوره في عين شاعر..

واللي تأهل لها الشعراء التاليين..

الشاعر/سعود المجلاد

الشاعر/ محمد بن ضاوي

الشاعر/فيصل فرج العتيبي



الصوره التي طرحت لهذه المرحله..




والابيات كانت كالتالي..

سعود المجلاد

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عادت القلب المولع لانوى يبقى وحيد=أسرج حروفه قصيد وقام يرجي خيرته
هاضت الذكرى بقلبي ولوّحتلي من بعيد=وقف الخاطر يفكر ملتهي مع حيرته
يالهنوف شفيك هيضتي حنيني من جديد=وصورتك تكفخ بقلبي للزمان وديرته
طاري الأبل وسهول البر وأنتي و القصيد=أربعه خليتوا الأحساس يكتب سيرته
الصور منك رسايل والشعر ساعي البريد=وكن هالصحراء مدينه والابل أميرته[/poem]



محمد بن ضاوي

[poem=font="simplified Arabic,4,black,normal,normal" Bkcolor="transparent" Bkimage="" Border="none,4,gray" Type=0 Line=0 Align=center Use=ex Num="0,black"]
هذه الايام ملئا بالتجارب والعبر=والسعيد اللي تعلم من نهاية من غوى
يمشي العاقل ويدري بالكلام المعتبر=انما الاعمال نيه والمنوّي ومانوى
يحلم ويفرح ويحزن نوب ويهل العبر=مرتن يلقى هواه ومرتن ياكل هوى
رحلتني تمشي بنا لاوين؟ الا للقبر=ادري وتدري لكن الخاتمه ماهي سوى
ربي حسن الخاتمه لطفك ليا حان الخبر=يوم يعرف كل واحد عن رصيده وش حوى[/poem]

فيصل فرج العتيبي

[poem=font="simplified Arabic,4,black,normal,normal" Bkcolor="transparent" Bkimage="" Border="none,4,gray" Type=0 Line=0 Align=center Use=ex Num="0,black"]

حمر النعم والليالي سود=كم بيّضت وجه راعيها
ويوم الزمن طارد ومطرود=كم طاح راس ٍ طمع فيها
حليبها بلسم ٍ لكبود=ولحومها قوت اهاليها
البل عطايا الله المعبود=فكتابه الحق طاريها[/poem]



والنتائج كانت كالتالي..


سعود المجلاد..
تقييم اللجنه:

أحمد بن مناحي الشمري:7

مفرح بن مناحي:9

نياف العتيبي:8.25

التصويت:%61.54

النتيجه النهائيه:76,908

محمد بن ضاوي

أحمد بن مناحي الشمري:8

مفرح بن مناحي:7

نياف العتيبي:7,5

التصويت:7,69%

النتيجه النهائيه:61,538
فيصل فرج العتيبي
أحمد بمن مناحي الشمري:9

مفرح بن مناحي:8

نياف العتيبي:9,5

التصويت:30,77%

النتيجه النهائيه:76,754


وبذلك..يحصل على المركز الاول..

الشاعر..سعود المجلاد..


الف مبروك..سعود..ومبرك الديوان..



محمد بن ضاوي..وفيصل..

مشاركاتكم بحد ذاتها مكسب لنا..



تمنياتي بالتوفيق للجميع

[مفرح بن مناحي]

مبروك للشاعر الرائع / سعود المجلاد حصوله على المركز الأول

وبالنسبة للرائعين / محمد بن ضاوي / فيصل فرج العتيبي .. فقد كانت مشاركتهما في المسابقة عنصر قوة لها .. وقدما أبيات جميلة خلال مشوار المسابقة .

مشكورة يا سما الدوحة على المسابقة

وبالتوفيق للجميع

[أتـــراف]

مـــــبروووك مـــــــبروووك مليار
للــشـاعــر / ســـعود الـــمجـلاد

وكــفوياسعود بيـــض الله وجــهك ومنــها للأعلى إن شاءالله...

[سلمان الثوري]

ألــف مبروك للشاعر المميز والكبير / سعود المجلاد


والديوان مكسب لي ولأخواني جميعآ .. لأننا بنتابع شاعرنا بشكل مباشر .. وبيتحفنا بجديده واخباره وروائعه


وأبارك لأخواني / محمد بن ضاوي وفيصل بن فرج العتيبي لأنهم ما قصروا
ويستاهلون الطيب والعلم الغانم

واشكر جميع المشاركين واللجنه والاخت سماء الدوحه .

تحياتي للجميع

[احمد مناحي]

مبروووووك للجميع

مبروك لنا جميعا هذه المسابقه الناجحه من كل النواحي بداية من التنظيم الرائع

للرائعه سما الدوحه مرورا بالمشاركات الجميله والغنيه بالشعر من شعراءنا

المميزين والتفاعل الكبير والجميل من اعضاء غرابيل العنصر الاهم والاساس

لكل نجاح .

الف مبروك لاخي الشاعر القادم بقوه سعود المجلاد ويستاهل والقادم احلا

ان شاءالله ياسعود منها الى افضل منها .

كذلك مبروك لاخي الشاعر فيصل العتيبي الذي كانت كل مشاركاته جميله

ومميزه وتحمل من الابداع الكثير .

ومبروك لاخي الشاعر محمد بن ضاوي الرائع دائما في كل شي سواء من

مشاركات شعريه او تعليقات وردود .

شكرا لصاحب الفكره وشكرا لمن تبناها وشكرا لمن تعاون في انجاحها وشكرا

لمن تفاعل وشجع وتابع .

وعسى ان نكون قد وفقنا نحن اعضاء اللجنه لما يرضى الله اولا ثم يرضيكم

فقد بذلنا ما بوسعنا واجتهدنا قدر امكاننا لاعطاء كل ذي حق حقه .

وفق الله الجميع

[فيصل فرج العتيبي]

الف الف الف الف مبرووووووووووووووك سعود

تستاهل والله

شاعر مميز ولايهون اخوي محمد وجميع المشاركين اللي قبل

والديوان مثل ماقال اخوي سلمان مكسب لنا كلنا لاننا بنتابع ابداعك وشعرك الجميل

والحمد لله انا راضي عن نفسي وعن اللي قدمته في جميع المراحل

ويكفيني تقييم اللجنه لي حيث حزت على اعلى نسبة في جميع المراحل وهذا شرف لي


الف الف الف شكر لاعضاء اللجنة

والشكر موصول للاخت الرائعة سما الدوحة وجهدها الجبار وصبرها على ملاحظات الشعراء خاصة انا وتاخيري بعد ...

وما انسى اشكر كل من اعجب بابياتي وصوت لي وكل من اعجب فيها ولم يصوت لي وحتى اللي ماعجبته بعد هههههههههههههههههه


وان شاء الله القادم اجمل



* همسه *

ابن ضاوي لا انا ولا انت شفت كيف ربي قال بنا ؟؟

ههههههههههههههههههههههههه ه

[سعود المجلاد]

الله يبارك فيكم جميعاً ياغالين وصراحه ماكنت متوقع أفوز خاصه بوجود العمالقه
معي من الشعراء أمثال أخوي فيصل ومحمد واللي في بداية المراحل من أخواني الشعراء

وسلمنا من فيصل بهالفاصله اللي حسمت الفرق ههههههههههههه لو أنه بسيط بس أن دل يدل على أن أخوي فيصل شاعر يستاهل والله ديوان وأيضاً أخوي محمد

وأنا يمكن أكون أقلكم شعرياً بس التصويت يمكن خدمني وأيضاً أقولها بالفم المليان
يمكن الحظ بعد لأن الشاعر اللي معه كوكبه من المبدعين ويفوز صعب يفوز بسهوله والحمدلله على كل شي

في النهايه أشكر كل من صوتلي من الأحبه هنا وأشكر اللجنه الأستاذ مفرح بن مناحي
والأستاذ أحمد مناحي والأستاذ نياف العتيبي

اللي ساهموا في أنجاح هذه المسابقه
مع الأخت المتألقه دوماً سما الدوحه (الهنوف)

وأشكر كل من مر من هنا وبارك واقول الله يجملنا بعيونكم ياغالين

[نياف العتيبي]

سعود المجلاد


الف الف الف مبرووك وتستحق يالنشمي

وحظ اوفر لاخي فيصل العتيبي واخي محمد بن ضاوي

وبصراحه كلهم مبدعين ولكن يبقى الامر لابد من تتويج واحد فقط

اتمنى لشعرائنا التوفيق


وكل الشكر لاختي سما الدوحه

الناااااايف

[ليــن القســا]

أولا : تهنئة قلبية للأخت سما لدوحة ..على هذا التألق الذي استحقته ..نتيجة جهد وعمل دؤوب لايخفى على الجميع ..
وثانيا : مباركة وتهنئة حارة للأخ سعود المجلاد لحصوله على المركز الأول ..وليس الثاني والثالث ببعيد فهم شعراء استحقوا الصدارة والتميز منذ دخولهم المرحلة الأخيرة ..أطيب المنى وجل التهاني للجميع..

[سعدالجميلي]

الف مبرووووووووووك لاخي سعودبن مجلاد



وحظ قادم للاخوان محمد وفيصل جميعهم شعراء جميلين

[محمد نايف العتيبي]

/

سعود المجلاد


الف الف مبروووك

وتستاهل كل خير يالغالي ..


والف مبروك للشعراء اللذين لم يحالفهم الحظ , بأكتشافنا لمواهبهم الثمينه ..

وللامانه الكل فائز والكل مبدع والى الامام ...



دمتم بخير


محمد بن نايف

[وجــــدان]

الأخت سما الدوحه

الله يوفقك يالهنوف

بصراحه جهد لافت للنظر بديتيه بالصور الجميله وبالتنظيم الروعه والختام كان مسك

يعطيك ألف عافيه وننتظر مسابقات ثانيه

الأخ الشاعر سعود المجلاد

ألف مبروك وماهو غريب تفوز بالمركز الأول الله لايضرك

حضورك من البدايات كان مميّز

عادت القلب المولع لانوى يبقـى وحيـد // أسرج حروفه قصيد وقام يرجي خيرتـه
هاضت الذكرى بقلبي ولوّحتلي من بعيـد // وقف الخاطر يفكر ملتهي مـع حيرتـه
يالهنوف شفيك هيضتي حنيني من جديـد // وصورتك تكفخ بقلبي للزمـان وديرتـه
طاري الأبل وسهول البر وأنتي و القصيد // أربعه خليتوا الأحسـاس يكتـب سيرتـه
الصور منك رسايل والشعر ساعي البريد // وكن هالصحراء مدينه والابـل أميرتـه

ماشاء الله عليك

لو ماقلت الا هالبيتين كفتك

يالهنوف شفيك هيضتي حنيني من جديـد // وصورتك تكفخ بقلبي للزمـان وديرتـه
طاري الأبل وسهول البر وأنتي و القصيد // أربعه خليتوا الأحسـاس يكتـب سيرتـه

نبيك تكملها مثل الاولى وهذا مطلب جماهيري ههههههههه

مبروك الفوز والديوان والشكر لادارة المنتدى لتشجيعها المتواصل للمبدعين

ولباقي المبدعين يعطيكم العافيه كنتم في منتهى الروعه وامتعتونا بهذا التنافس الرائع والفرق كان بسيط جداً وحظ أوفر مستقبلاً

تحيتي للكل

[سعود المجلاد]

الأخت سما الدوحه

الله يوفقك يالهنوف

بصراحه جهد لافت للنظر بديتيه بالصور الجميله وبالتنظيم الروعه والختام كان مسك

يعطيك ألف عافيه وننتظر مسابقات ثانيه

الأخ الشاعر سعود المجلاد

ألف مبروك وماهو غريب تفوز بالمركز الأول الله لايضرك

حضورك من البدايات كان مميّز

عادت القلب المولع لانوى يبقـى وحيـد // أسرج حروفه قصيد وقام يرجي خيرتـه
هاضت الذكرى بقلبي ولوّحتلي من بعيـد // وقف الخاطر يفكر ملتهي مـع حيرتـه
يالهنوف شفيك هيضتي حنيني من جديـد // وصورتك تكفخ بقلبي للزمـان وديرتـه
طاري الأبل وسهول البر وأنتي و القصيد // أربعه خليتوا الأحسـاس يكتـب سيرتـه
الصور منك رسايل والشعر ساعي البريد // وكن هالصحراء مدينه والابـل أميرتـه

ماشاء الله عليك

لو ماقلت الا هالبيتين كفتك

يالهنوف شفيك هيضتي حنيني من جديـد // وصورتك تكفخ بقلبي للزمـان وديرتـه
طاري الأبل وسهول البر وأنتي و القصيد // أربعه خليتوا الأحسـاس يكتـب سيرتـه

نبيك تكملها مثل الاولى وهذا مطلب جماهيري ههههههههه

مبروك الفوز والديوان والشكر لادارة المنتدى لتشجيعها المتواصل للمبدعين

ولباقي المبدعين يعطيكم العافيه كنتم في منتهى الروعه وامتعتونا بهذا التنافس الرائع والفرق كان بسيط جداً وحظ أوفر مستقبلاً

تحيتي للكل

وجدان تسلمين وكلك ذوق على كلامك الجميل والقصيده انشاء الله بكملها واهديها
لك بأذن الله

[سعود المجلاد]

كل من بارك اقوله من صميم القلب الله يبارك فيك وأخصكم فرداً فرداً

فأنا من دونكم لاشيء

[أبوعبدالرحمن]

ألف مبروك ياسعود

وألف مبروك لكل من شارك بهذه المسابقة

وكل الشكر للجنة التحكيم ولسما الدوحة