هذا هوى قلبي وهذا اشتياقه

[تركي الشيخ]

للتواصل هذي قصيده تعبر عن وجهة نظر شاعرها


اقول فيها:






صلو على النبي











[poem=font="simplified Arabic,4,darkblue,bold,normal" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
شعر الغزل كنسلت معه المواثيق=ولا بيني وبينـه ياحامـد علاقـه

خليته لبنت الهـوى والعشاشيـق=مادام ما لي فيـه ياخـوك فاقـه

اشوم عن نظمه بكـل الطواريـق=لن الفتى منشود عن كـل عاقـه

اتعب على اللي يرفع الراس ويليق=واعشق جزيلات المثايل عشاقـه

ولاني مكلف فالبشر والمخاليـق=كلن على ذوقـه يسيـر مذاقـه

انا غرامـي شوفتـي للمطاليـق=من نايـد العربـان والا الرفاقـه

عز الصديق وحافظين المواثيـق=شيالة اثقـال الحمـل والوساقـه

يومن ولد اللاش ييبس به الريـق=ولا له على شيل الثقيلات طاقـه

يقفون في الميقاف ماياقف طويق=مايخلفه هب الهـوى واصطفاقـه

شفي مجالسهم بعال الشواهيـق=واشفق على خوة كماهم شفاقـه

في خايعٍ فيـه الحبـارا مدانيـق=وايظاً عطايـا الله ثمانيـن ناقـه

منقية اللي ما اقتناهـن تفاريـق=جملة مغاتيرٍ مـن اطيـب نياقـه

بوصوفهن لاحولن ماش تفريـق=متخاشـراتٍ فالحـلا والحذاقـه

ودلالٍ تحالـي رقـاب الغرانيـق=رسلان فيها الكيف صافي مذاقـه

وسوالفٍ ماهي نميمـه وتلفيـق=ولاهي هروج اهل الهروج الدقاقه

مجالسٍ تجلي عن الخاطر الضيق=هذا هوى قلبـي وهـذا اشياقـه [/poem]

[خــــالـــــد]

[align=center]
تركي الشيخ
ـــــــــــــــــــــــــ ــــــ
صح لسـانك يا غالي

وبيض الله وجهك

قصيدة رائعة اعتدنا منك كل جميل

لاهنت يالغالي

واستمرّ بـ تميّزك !
ـــــــــــــــــــــــــ ــــــ
أخوكـ/خالد
[/align]

[محمد الروقي]

افا هذي دقه

فينا يالي قلوبهم حمر

مدري خضر هههههههه صح لساااانك يالجزل

تقبل مروري وتقديري

[][ سما الدوحه ][]

صح لسانك..


الله لا يضرك



سما

[يوسف عبدالله الغنامي]

تركي الشيخ


صح لسانك وعلا شانك

قصيده جزله من شاعر جزل

وعز الله أنك أخترت طريق الغانمين وأنت منهم يالغالي

[عبدالله بن راجس]

تركي الشيخ




الله الله عليك




في خايعٍ فيـه الحبـارا مدانيـق
وايظاً عطايـا الله ثمانيـن ناقـه

منقية اللي ما اقتناهـن تفاريـق
جملة مغاتيرٍ مـن اطيـب نياقـه

[مفرح بن مناحي]

صح لسانك يا تركي

قصيدة جزلة

وأبيات تعبّر عن شاعرها

لله درّك

وبانتظار جديدك يت مبدع

[تركي الشيخ]

[align=center]
تركي الشيخ
ـــــــــــــــــــــــــ ــــــ
صح لسـانك يا غالي

وبيض الله وجهك

قصيدة رائعة اعتدنا منك كل جميل

لاهنت يالغالي

واستمرّ بـ تميّزك !
ـــــــــــــــــــــــــ ــــــ
أخوكـ/خالد
[/align]

الاخ خالد

صح بدنك يالغالي ووجهك ابيض

الرائع هو تواجدك ومرورك الكريم

لاهنت اخوي

[تركي الشيخ]

محمد الروقي

هلابك

لا والله ماهيب بدقه ياهل القلوب الخضر


صح بدنك ولاهنت على حضورك يالقرم

[تركي الشيخ]

سما الدوحه

صح بدنك وشكرا لك على مرورك

[تركي الشيخ]

يوسف الغنامي

صح بدنك ولاهنت على مرورك الكريم وحضورك

لاهنت اخوي يوسف