[align=center]مساءكم سكر :
.
.
بلامقدمات .. شكراً من القلب لكل من مر أو مرت من هنا .. حيث أكون !!
.
.
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أطرد من التفكير أقسى حلومه = على أمل بعده تطيب النومه !!
والنوم وينه عن عيون ٍ شابت = مرت ( ثمان أشهر ) وهي محرومه !!
من المنام ومايريّح بالي = كن المنام لناظري ( جرثومه ) !!
وأوجد حالي وإنعدامي لمّا = يمرني وجه ٍ عشقت علومه !!
وجه الملاك اللي هواها فيني = أخلا معاليقي .. وحط رسومه !!
بنى بقلبي من شموخه دوله = لاهيب لاتترك .. ولامحكومه !!
لكنها تشبه وصوف الحاكم = همّه وهيبة وإهتمام وهومه !!
أحبها مامر في تفكيري = ذكرى فراق ٍ مانسيت وسومه !!
وأحبها ماحن ّ صوت الراعد = وأرخى على وجه التراب غيومه !!
وأحبها من صبح وجه ٍ غارق = بالذكريات المرة .. المشئومه !!
حتى مساءات الجديل الهادي = اللي يسولف للسهر من يومه !!
وأحبها والحب سم العاشق = يلبس سنين الحزن لبس هدومه !!
الليا تغلغل بالحنايا سمّه = وشلفاه لا صابت وهي مسمومه !!
تبدل أوضاع الخفوق السالي = من جنة السلوى لنار همومه !!
والغالية رغم إختلافي معها = لكن هوانا ( حاجة ٍ محسومه ) !!
رسمت في لوحة خيالي عنها = صورة لقا ورسالة ٍ مكلومه !!
تشرح لها كيف السهر خلاني = أسامر نجومه .. وأعد نجومه !!
وعلقت في بال الهنوف أشعاري = حتى غدت على شكل منظومه !!
يمكن الليا من الفراق أتعبها = والقلب طاحت بالرحيل عزومه !!
تحس في همي وفي تعذيبي = وتصير بسنين اللقا مغرومه !!
ويمكن نجوم الليل في غيبتها = ترسل لها عن ماجرى معلومه !!
عن حال خل ٍ مابقى له سيره = لو جاوب الورقا فلا أحد يلومه !!
الشوق أخذ عمره قبل مايفنى = قبل السهر مايحرمه من نومه !![/poem]
.
.
.
منصور الحربي ( مغترب )
16/3/2008م[/align]
رد مع اقتباس
هههه
المشاركة الأصلية كتبت بواسطة فوووووشي
