[poem=font="Simplified Arabic,5,darkblue,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
السلام عليكـم ورحمـة الله وبركاتـه
مساء الخير
من بعد "ريما" كل غالـي اليـا غـاب=اقـول "ريمـا" قبلـه العـام غـابـت
مااحزن علي فراق القرايب والاصحاب=اللي يغيـب يغيـب والنفـس طابـت
هانوا علي من بعدهـا كـل الاحبـاب=كـن المشاعـر عقبهـا اليـوم تابـت
كنت اتمنـى غيابهـا يكـون باسبـاب=لاجل الغلا يبقى علـى سـاس ثابـت
قولوا لها عني تـرى الشـوق غـلاب=يمكنهـا اليـا درت بـي استجـابـت
قولوا لها ماعاد في خاطـري عتـاب=ثلوج تغلي من لظـي الشـوق ذابـت
قولوا لها انـي مـن البعـد منصـاب=وان القوافـي عقبهـا اليـوم شابـت
البارحه كـن الهـوى يطـرق البـاب=وقامـت هواجيسـي تـودي وجابـت
عرفت معنى الظن لا صار لـه نـاب=ينهـش معاليـق الوفـا واستـرابـت
قعدت افكر لوغـدى عندهـا احبـاب=فكره طرت لي منهـا النفـس هابـت
تدرين شا صعب من غيابك بلا اسبـاب=كان الهقاوي باقـرب النـاس خابـت
[/poem]
رد مع اقتباس
المشاركة الأصلية كتبت بواسطة أبوعبدالرحمن
