سلــــــــــــة اوجاعي

[عبدالرحمن العتيبي]

بــــــــــاقـــــــــات الســـــــله بقــــــــلمي


الباقه (1)

في سلة اوجاعي من الحزن باقات /////// لاظلم علي الليل دايم تجيني
باقة الم باقة حزن باقة اهـــــــــــــــات /////// من بين كل العالم تموت فيني

ارجعي لي لو ثواني

وشوفي كيف سوى بي زماني

ارجعي لي لو ثواني

وشوفي كيف الحظ فالدنيا عصاني

ارجعي لي لو ثواني

وشوفي كيف الوقت بين الجرح والدمعه رماني

ارجعي لي لو ثواني وكان قلبك مارحمني

اجرحيني جــــــــــــــــــــــــ ـــــــــــــرح ثـــــــــــــاني

[عبدالرحمن العتيبي]

(2)


مــــــــــــــــــابه جديـــــــــد


الا جرح بداخلي دايم يزيد


جرح خلاني اردد هالسؤال

وينه الحب الحقيقي

ليه في هالزمن ماله مجال

من هو فينا اللي تعذب ماستراح

هذا انا

ومن هو فينا اللي جرح واقفى وراح

هذا انتي

ومن هو اللي ذاق هو طعم العنا

هذا قلبي

ومن هو اللي عايشن هو في هنا

هذا قلبك

ومن هو غيري ساكنه فيه الجراح

[عبدالرحمن العتيبي]

(3)

اتعـــــــــــبتني

من كثر انا مافهمك


واعلمك

ان الهوى ماهو كلام وتسليات

انه مشاعر صادقه

ماهو بحلم وامنيات

واول طريق التضحيات

وانه بحر لاكن غزير

وانك على حمل الهوى

توك صغير

فاهم حبيبي ويش اقول

يعني اذا مافي وسط قلبك

حبيبي لي قبول

قلي ولاتخبي علي

مافيها شي

مانت اول اللي يجرحون

بس انت حاول لانويت

تطعن بسكين الغدر قلبي

تخفف بالطعون

[فايز آل بذال]

العتيبي عبد الرحمن

شدني الأسم ( سلة اوجاعي )

أذكر يوم كتبت قصيده بهذا الأسم من زمن

وقامت علي الدنيا وما قعدت

حتى انه وصلني ايميل من ابو روز سليمان المانع يستفسر

على نشر قصيده بإسم سبق ونشر به قصيدته الشهيره

سلة اوجاعي اللي تغنى بها للأسف المؤدي القطري .. نسيت اسمه والله

رغم ان محتوى القصيده وفكرتها وقوافيها وبحرها تختلف اختلاف كبير

لكن شاعر ومن حقه يحرص على اسماء قصايده

المهم اضطريت اغير اسمها الى صفحة اوجاعي

وهذا مطلعها

رسمت يالغلا صوره تثير وتذهل احبابك
................... ولكن للأسف كنتي مثل ما الناي للراعي
وشلتك غيمة ٍ تمطر وتسقي ناعس اهدابك
....................ولكن للأسف نمتي نسيتي جفني الواعي
ألا يا مصدر احزاني امانه قولي اش جابك
................... غرامك جابك او شوقك او انك قصدك اخضاعي


إلى ...

مثل ما عشت انا لجلك مثل ما موتي اسبابك
.....................مثل ما النار في صدري تقيد وتشعل اضلاعي
أبرحل في سما حرفي مثل ما اشقيتك اشقا بك
....................... أبرحل وجهتي غيرك وهذي فلة اشراعي


شكرا يا عبد الرحمن لأنك ذكرتني

بقصائد البدايات اللي لا يمكن تجاهلها


صح فكرك ومزيد من المحاولات ستصل حتما

[عبدالرحمن العتيبي]

الغالي فايز ال بذال

وكان لي شرف مصافحة اطلالتك الغاليه
والتي ازدانت بها سلتي دمت بخير وتقبل ارق التحايا

[وجن محمد]

.


سلـــة مثقلة بالآلام ..

ابدعــــت يا عبد الرحمـــن ..وقفت هنا اتامل واقرا بصمت .. وعدت مرة اخى للقراءة ..

شعور جميل حقاً ..


مشكووور وصح لسانكـ ,,

[زهرة الخزاما]

سلة الم رميت بها كثير هموم
عسي ربي يعين السله علي اوجاعي
كل ما هانت جد في الجديد علوم
وأصبحت انا وقلبي مثل الذيب والراعي

كل يوم افكر الوم فكري او ما الوم؟
تعبت الاقي في طبعك من أطباعي
تحديت نور الشمس بعد ما اتبددت الغيوم
كسر طرفي دمعه من كثر الاشعاعي



اخي العتيبي
صح لسانك علي نقل تلك الباقات الرااائعه
وصفها هنا الواحده تلو الاخري
لنرتوي من عبيرها الراائع

واسمح لي مجاراتي

دمت بكل خير

[عبدالرحمن العتيبي]

الغاليه رحيل العمر

كل الشكر لك على تشريفك لي من خلال اطلالتك العذبه

دمتي بخير وتقبلي خالص الود وابيض الورد وارق التحايا

[عبدالرحمن العتيبي]

الغاليه زهرة الخزاما

كل الشكر لك على تشريفك لي من خلال اطلالتك
ومجاراتك التي اكتمل بها عقد الابداع
دمتي بخير وتقبلي ارق التحايا

[عبدالرحمن العتيبي]

( 4 )

مدام ان الهوى كذبه وحبك تاليته مزوح ///////// ابرحل عنك لديارن غلاها في شراييني
ابي ذيك الديار اللي غلاها في سماي يلوح //////// عشان القى بها بعض الحنان اللي يسليني
ابركب قبل ماغرق في بحر حبك سفينة نوح ///// عساي اسلم بروحي بعد مازدت الوجع فيني

[عبدالرحمن العتيبي]

(5)

قولي ماحبك ريحي ذيك الاهداب /////// اللي لعب فيها السهر من غيابك
قولي كذا مابيك لو مابه اسباب /////// خليني ارحل وابتعد عن عذابك
دام الامل مفقود والضن بك خاب ///// خلاص ابنسى عشق حضرت جنابك

[عبدالرحمن العتيبي]

(6)

البنــــــــــات=
آآآآه ياحب البنات=
حبهم يبدى بحلم وامنيات=
ويبتدي الحلم الصغير=
يكبر ويكبر ويكبر ثم يصير=
اكبر من الكون والاربع جهات=
فالبدايه كل ماتبغاه=
هو حب وحنان=
وفارس احلام يعيشها بأمان=
وتمشي الايام ويدور الزمان=
وتلتقي بالفارس اللي تحتريه=
وقبل حتى لاتعرف هي عليه=
يبتدي عذب الكلام=
ثم يذوب القلب في حكي الغرام=
وبعدها تقول للفارس ابيك=
انت حلمي كيف انا ما اهتويك=
واعشقك واموت فيك=
لين يصبح هو سجينن في هواها=
ويكثر بقلبه غلاها=
وهمه انه مايزعلها ويبحث عن رضاها=
حتى تصبح وحدها في قلب فارسها =
ولامعها شريك=
ويوم تضمن ان فارسها يبيها=
وان قلبه يهتويها=
وصار خاتم في يديها=
بعدها ست البنات=
تتركه ويصير قلبه عايش بغيره ونار=
كل ماكلم على جوالها شاف انتظار=
بين يوم وبين ليله=
ضاعت الاحلام هذيك الجميله=
حبها وشلون كان وكيف صار=
وين هو كلامها=
فالليال الماضيات=
ليه جتني دامها=
مالقت فيني صفات=
فارس لاحلامها=
وانتهى حلمي ومات=
وين راح الحب الاول=
ليه هو من قلبها بلحظه تحول=
ليه ماقالت من اول=
ان هذا الحب كله كان مزح وتسليات=
وين حبك يالعيون الناعسات=
مابقى لي غير جرحك=
صار هو اغلى واعز الذكريات=
آآآآآآآآآآآآه من حلم البنات =
حلمهم حب ورومنسيه وتاليها=
جروحن نازفات

[عبدالرحمن العتيبي]

(7)


ااااااااااااه ياقلبي وش يخفف صوابك=
كيف مايكثر عذابك=
دام صرت اليوم للاحزان بيت=
وكل هم يشد لديارك رحاله=
لين يقرب منك=
ثم يدق بابك=
وادري انك دوم ياقلبي كريم=
وعارفن وش هو =
جوابك=
كل ماياصلك هم=
تقول له يامرحبابك=
ماحسبت لشخص من فعلك تألم=
ولو يزيد الجرح =
وسطه ماتكلم=
كل هذا بس ياقلبي لأنه =
عارف انه=
لو تكلم معك ماتسمع كلامه=
وعارف انك=
ماتبيه يذوق طعم الابتسامه=
ولو همومك عنك هي راحت ثواني=
يااااااااااا اناني=
لازم انه يعشقك همن جديد=
ولبعيد=
كل ليله ياخذك رحله طويله=

ولكهوف الحزن ياقلبي سرابك=

ثم يرحل عنك ويخليك غارق في عذابك=

[عبدالرحمن العتيبي]

(8)

ان قلبك لي وطن=
وان غيري وسط قلبك ماسكن =
وكنت اضن=
ان حبك لي اكبر من ديار ومن مدن=
بس فجأه خاب ضني=
والسبب كله لأني=
رحت امشي في طريق الحب ما احسب حساب=
وقمت اطرد حبك اللي صار فالاخر سراب=
كان ودي انك تقولين اني موت احبك=
وما ابي فالكون هذا غير حبك=
وكان ودي ان تقولين انك عندي غالي=
وان قلبك هو ترى ملكي لحالي=
وانك انت بوسط قلبي دوم ساكن=
وكل ماقلت الك احبك قلتي اهديك الاماكن=
وكنت ابيك تقولي ان الحب يجري بدمنا=
والطريق اللي يسمونه طريق الحب صار يضمنا=
كان ضني=
فيك اكبر=
وكان قلبي مع جروحه منك يصبر=
كنت اضن مو بسهوله ياخذك انسان مني=
ياخساره فيك والله خاب ضني=

[سود العيون]

\


تسربتُ بعمقْ .. بينَ قشاتكَ النديـة .. فـوجدتُ سلّـتك مـع ما تحمـلهُ من وجعٍ وأوجاعْ ..


سلة َ كنزٍ فريد


فتكَت بـ ما أمـلكـهُ مـن روحٍ وتذوُق ..


حدّ الإغـتــيال !



عبدالرحـمن العتيـبـي ..


سلمتَ يا شاعرنـا ..

من الأوجاع ..


\

وواصل عُــنوانـِـك الشهـي ..


بحق الحرف / والفكر / وإحساسنـا ...



و


شُــكراً لك ..


كسمـاءٍ يلونها الفرح ، بـــ ( قوس قزح ) ..






\


سود العيون