صدق من قال الأمل سر الحياة الحياة بلا أمل مثل الروح بلاحب وبمناسبة الأمل أخترت لكم هذي الأبيات

يا حبيبي اسمك امل قلبي ومن طاول عناه
يا امل كل الرجا في وصالك والامل

هو يصير او ما يصير اجتماعٍ في الحياة
حبنا بين المحبين يضرب به مثل

رغبتي بمشاهدك يا هوى القلب ومناه
محتمل يحرق ضميري غرامك محتمل

خف من الله وارحم اللي حصل له ما كفاه
ما كمل شرط الغلا والمحبة ما كمل

صاحبي مضنون عيني ذبحني في غلاه
لو بغيت اصبر واجامل تبين بي خلل

صاب قلبي في سهوم الغرام اللي رماه
هو ربيع القلب لو ضرني عقب المحل

كن خده في الدجى بارقٍ يضوي سناه
او قمر خمسة عشر ما بوصفي له زلل

منزله وسط الحشا ما يطوله من بغاه
لين حله واستحله ثم سوا به محل
*******************************************
يا أمل عطشان .. في وادي الظما
لا تظن الغيث .. في كل السحاب
فرحة المشتاق .. في بُعْد السما
ورجعة الغايب .. يعانقها السراب

تعبت الأيام .. صبر وانتظار
دايم الأسفار .. لاهي في هواه
يا قمر ليلي .. ويا شمس النهار
عجزت الأيام .. تجمعني معاه

يا نصيبي في الهوى .. هوّن عليك
لا تزيد الشوق عندي .. والحنين
الوفا مبدأ .. يرجعني إليك
والسعادة في اللقا .. حلم السنين