نفوق الكهرب بوادي الدواسر

[محمد فراج الدوسري]

:زعلان:من يوم الأربعاء لاكهرباء لاماء
[poem=font="Simplified Arabic,6,black,bold,normal" bkcolor="red" bkimage="" border="none,4,gray" type=2 line=0 align=center use=ex num="0,black"]
نفوق نياقنا مرّت عصيبه=نفوق الكهربا اكبر مصيبه
شربنا المر في وادي الدواسر =وحنا مصدر الشهد وحليبه
سقاك الله يا ذيك الليالي=ليالي الزايديه وشتبيبه
تبعنا العاصمه والبعد ناسي=مشاكل مابها طبا طبيبه
نطالب بالرياسه والزعامه=على كل اربعه شيخ ونديبه
ضعنّا ما تجمعنا شتايت=حقوق إنساننا ماحدٍ دريبه
مابه صرف صحي ياوزاره=تأذينا من الريح وهبيبه
ولابه تحليه والبحر حنّا=غريبه يا عقيق الما غريبه
بحر من تحتنا نبع وضمينا=من الوايت شربنا من غبيبه
بلديه بدائيه وفوضا=نفايات وحكاياتٍ عجيبه
تكومها قريبه من بلدنا=وجانا الربو من شبة حطيبه
ولا به أمن يردع كل ظالم=كثير حقوفنا راحت نهيبه
مرور يخور لاخالف نعرفه=بن عمه وبن خاله قريبه
بلانا منا وفينا بلانا=تفاخرنا تناحرنا حريبه
حكومتنا رعاها الله رشيده=لاقاصي الكون مدتها رحيبه[/poem]

[صادق الإحساس]

[align=center]

:زعلان:من يوم الأربعاء لاكهرباء لاماء

والله الوضع خطير

حتى عندنا بجدة

ماسكين الناس سرى بالوايتات ومطاقة بالمشاعيب

من يسبق أول والساعة خمسة عصر ودك تصورالوضع

بشارع التحلية عند موقع الأشايب وتشوف الناس وبعد

حتى نساء بعبيهم واقفات ينتظرن الماء



بجد الوضع خطير وأنا خوك


ولا أدري الوزراء الداقين ببشوتهم بمجلس الوزراء

وش يسوون ويزعلون من برنامج طاش ما طاش الرائع

يوم يجسد الوضع على حقيقته ، الوضع هذا كل سنة برمضان

بجدة ومنذ عشر سنوات ولا تغيربجد أمر مؤلم أن تكون مدينة

جدة التي كانت بالأمس القريب حلم لكل إنسان أن يعيش بها لكنها

اليوم وأصبحت أكثر المدن التي يحب الرجل أن يرحل منها ومن

زحامها ومشاكلها وقلة خدماتها الضرورية !!


الله يحاسب اللي كان يرأس مصلحة المياة والصرف الصحي

منذ سنين حينما رحل وترك جدة متأخرة عشرين سنة ورى !!

والسبب النفوذ والسلطة التي كان يتمتع بهما ولا حسيب ولا رقيب

[poem=font="Simplified Arabic,6,black,bold,normal" bkcolor="red" bkimage="" border="none,4,gray" type=2 line=0 align=center use=ex num="0,black"]
شربنا المر في وادي الدواسر =وحنا مصدر الشهد وحليبه
سقاك الله يا ذيك الليالي=ليالي الزايديه وشتبيبه[/poem]

لا يشوفك زميلنا الشاعر عبدالله مطلق الزايدي

ثم يرد عليك بقصيدة هجائية هههههههههه


أمزح معك يالذيب



صح ألسانك


الشاعر الرائع

والمواطن المخلص

محمد فراج الدوسري


كثر الله من أمثالك المخلصين


قصيدة في محلها

ومؤيد لك مائة في المائة

وآن الآوان لشعراء النبط الشرفاء أمثالك أن يتحدثوا

عن الواقع المرير وأن لا نتخفى ونضع رؤسنا في الرمال

ونظل نطبل ونزمر على غير حقيقة


وضع فعلا

ماسوي ولا يجب الصمت عليه ونرى وزراء لا يتم محاسبتهم

وإلاّ أصبح المجيد والعامل كالمسيء والعاطل وهذا ظلم بعينه !!



الصدق من صفات المؤمنين

مثلما الكذب من صفات المنافقين



شكرا على هذه القصيدة الشامخة والصريحة والمجسدة للواقع



لك

ودي وحبي وتقديري العظيم



صادق الإحساس



[/align]

[نـواف الشمــري]

أبو فرااج




صح الله لسانك ولا هنت



تقبل تحياتي

[فالح المصعوك الغنّامي]

:زعلان:من يوم الأربعاء لاكهرباء لاماء
[poem=font="Simplified Arabic,6,black,bold,normal" bkcolor="red" bkimage="" border="none,4,gray" type=2 line=0 align=center use=ex num="0,black"]
نفوق نياقنا مرّت عصيبه=نفوق الكهربا اكبر مصيبه
شربنا المر في وادي الدواسر =وحنا مصدر الشهد وحليبه
سقاك الله يا ذيك الليالي=ليالي الزايديه وشتبيبه
تبعنا العاصمه والبعد ناسي=مشاكل مابها طبا طبيبه
نطالب بالرياسه والزعامه=على كل اربعه شيخ ونديبه
ضعنّا ما تجمعنا شتايت=حقوق إنساننا ماحدٍ دريبه
مابه صرف صحي ياوزاره=تأذينا من الريح وهبيبه
ولابه تحليه والبحر حنّا=غريبه يا عقيق الما غريبه
بحر من تحتنا نبع وضمينا=من الوايت شربنا من غبيبه
بلديه بدائيه وفوضا=نفايات وحكاياتٍ عجيبه
تكومها قريبه من بلدنا=وجانا الربو من شبة حطيبه
ولا به أمن يردع كل ظالم=كثير حقوفنا راحت نهيبه
مرور يخور لاخالف نعرفه=بن عمه وبن خاله قريبه
بلانا منا وفينا بلانا=تفاخرنا تناحرنا حريبه
حكومتنا رعاها الله رشيده=لاقاصي الكون مدتها رحيبه[/poem]

ابو فراج صح والله لسااااانك

دائما تنتقي مواضيع تهم المجتمع وموفق في اختيارك للمواضيع

وجزل جزل جزل جزل جزل لأبعد الحدود

احتراماتي لك ولأبداعك

[محمد فراج الدوسري]

للجميع الود والورد


متابعتكم محل تقدير اخوكم

[محمد الدغيري]

الله يعينكم ويصبركم على بلاواكم

صح لـ سانكـ

[خــــالـــــد]

[align=center]
محمد فراج الدوسري
ـــــــــــــــــــــــــ ــــــ
صح لسانك وقلبك

معاناة صراحة في الوادي

من نفوق .. كهرباء .. المشاكل جاية

الله يصلح الحال بس

لاهنت
ـــــــــــــــــــــــــ ــــــ
أخوكـ/خالد
[/align]

[مهدي بن مسفر الحبابي]

اخوي محمد فراج الدوسري

صح لسانك وسلم فكرك

رايعه ومعبره

لك احترامي وتقديري