السلام عليكم ورحمة الله وبركاته
كل عام وانتم بخير من اجل التواصل لا علها تعجبكم وترضيكم علي
[poem=font="Simplified Arabic,6,black,bold,normal" bkcolor="transparent" bkimage="backgrounds/24.gif" border="none,4,black" type=2 line=1 align=center use=ex num="0,black"]
ياهاجسي لا حظـرت وزان موالـك = عطني جديدك من الجزلا ت وابدعها
اقرب حشيم ٍ وعندي طيـب ٍ فالـك = يالطيب اللي علوم العـرف جامعهـا
لا جات شرد القوافي والسعـد نالـك = اغطس بجم البحور وجيـب منبعهـا
وهات من جزلهـا والقلـب يبرالـك = خلك رحـوم ٍ بعيـن ٍ هـل مدمعهـا
لين الورق والحبر يشكي من افعالـك = خله يدون مـن اجروحـي ويطبعهـا
واذكر عشير ٍ ملـك قلبـي ونادالـك = مدام درب القسـاوه ماشيـن معهـا
ياصاحبـي لا تسمـع قـول عذالـك = تقسى عليه هـروج النـاس تتبعهـا
وانت اتعرف في غلا ك الروح مدهالك = وايام وصل الحبايب كيـف تقطعهـا
تعال زور الخفوق وشـوف منزالـك = شوف الغلا والضماير كيف مازعهـا
ليتـك تركـد قليـل اتلدلـي بالـك = والهرجه اللـي تزعـل لا ترجعهـا
ياصاحبي ماعرفت الصـدق بقوالـك = واللي يراوغ تـرا دروبـه يضيعهـا
مير اترك ابليس لا يلعب على جالـك = وكبدي وكبدك من المريـن يجرعهـا
اصدق مع اللي عطاك السر وابدالـك = يوم ابتلت فيك نفس ٍ ما اقدر امنعها
والصدق زين ٍ وخلـه دوم يحلا لك = والناس لو تمشي امع الصدق سنعها
والكذب حبله قصير يشيـن اعمالـك = كم ٍ كذوب ٍ غبـون الوقـت يدفعهـا
واخر كلا مي ياجعل الحض يصفالـك = دعوت محب ٍ رجيـت الله يسمعهـا[/poem]
رد مع اقتباس
المشاركة الأصلية كتبت بواسطة ذعاذيع نجد
