بسم الله والصلاه والسلام على افضل خلق الله
اعزائي المنتمين الى هذا الصرح الشامخ بداية استميحكم عذرا على الغياب الطويل نوعا ما
وكلي امل ان تسمحوا لي تقصيري ويعلم الله اني اضطرتني الظروف للغياب ...
ومبارك عليكم الشهر وجعلنا الله واياكم من صوامه وقوامه اقبلوها مني وان كانت متأخره ...
والان ها انا اعود اليكم بهذه القصيده هي قديمه نسبيا عسى ان تحوز على رضاكم وان تنال
استحسانكم ....
من قبل خمس سنين
[poem=font="Simplified Arabic,5,black,bold,normal" bkcolor="transparent" bkimage="" border="double,4,black" type=0 line=0 align=center use=ex num="0,black"]
من قبل خمس سنين بطلت تدخين = فضل(ن) من الله ماهي مني شطاره
والبارحه ماكنها خمسة سنين = كني قبل لحظه مطفي زقاره
من طاري(ن) طرى علي هجعة العين = احرق معاليق الضماير بناره
ماهو جديد الا من الحين للحين = يزورني قفو الزياره زياره
وين انت ساري ياعميل الوفا وين = استبدلو منك الوفا بالحقاره
اعطيتهم للطايلات العناوين = وتعلموا على يديك الجداره
وادخلتهم باصعب سباق الميادين = لين استحلوا بك محل الصداره
لين اصبحوا باسمك حديث الدواوين = مضرب مثل بين العرب بالنماره
وكاد ماقصرت لكن هالحين = اقولها لك في صريح العباره
لا وحده اصبح ماعطيته ولا اثنين = مااحد(ن) عطى سابق عطاك اعتباره
خطاك لاتزعل وانا فاهمك زين = انت بزمانك مافهمت الاشاره
تغيرت في هالزمان الموازين = غصب(ن) عن اللي ماتقبل غياره
لين اصبحوا شماتك الربع الادنين = وكلن يقدم لانكسارك بشاره
فوزك يثبت عجزهم بالبراهين = وعجزك شراكة عجزهم واختشاره
كم قالوا الا تواجه العلم بعدين = تاره نواصيح وشواميت تاره
وكم قالوا عنادك محابل شياطين = وياما بعد قالوا كلام اختصاره
خل السلوم وخل عنك القوانين = البس شعار اللي يفيدك شعاره
ماهو مهم شلون وايات ومنين = اللي يهم الربح غير الخساره
هذا كلام اللي خذاه الردى لين = يبغى الوجاهه ملك ولا استعاره
ولا انت تدري مايسد البطا دين = للوقت لو يبطي عليك استداره
حرام تظهر عقب هاك القسى لين = ياشين وجه الهون عقب القشاره
وش عاد لو قالوا ترى مابها شين = لاتحتري بالخايبين الخياره
لو قيل ينسيك الزمن نكبة البين = كسر الظهر ماتحتويه الجباره
اجزم ولا تسمع كلام المفافين = ذله بعد رد النقا الاستخاره
واللي يهاب الشوك مايقطف التين = ويعيش باللذات راعي الجساره
اعطيك كلمه حطها بين قوسين = (تبي الحلا لاتجزع من المراره).
[/poem]
وسلااااااااااامتكم