لو شافها ابن الذيب همّل نووويّر

**معيوف الدوسري** · 13-09-2007, 02:16 PM

[align=center]السلام عليكم ورحمة الله وبركاته

أما بعد أبارك لكم في دخول هذا الشهر الفضيل وكل عام وانتم بخير

قصيده اتمنى ان تعجبكم وسامحونا على القصور :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]

يا سعود شوق الأوله ماهي بشوق=الشوق والله يا السنافي سويّر

وانته تعرف الذوق وأنا اعرف الذوق=مهما يجي في مصطلحنا تغيّر

الجادل اللي فوق عن كل منطوق=ألا ان اقول انها غزالٍ مذيّر

دلوعةٍ تثقل على كل مطفوق= وأعند من القرم الشجاع المغيّر

اكتب وصايفها على كل طاروق= ويصير وصفي في عيوني صغير

وأن جيت اوصّفها على قافية اوق= يغار صدر البيت منها واخيّر

اليا مشت تاطا على الأرض برفوق=ماهيب عجلة زول والوجه نيّر

اطعم من( الشربيت) والعنق منتوق=والصدر كنه من نحرها مطيّر

والخصر ضامر وأن مشت يدخله عوق= امعوّقه ردفٍ عليها يحيّر

أحلا من الياقوت في وسط صندوق=مهما يطول ابه الزمن ماتغيّر

لو الحلا يعرض مع الناس في السوق= تطب في سوق الجمال وتخيّر

اضيع أنا معها من الموق للموق=اتقول كني في غلاها مجيّر

يا سعود من ساره ترا ناشني عوق= خصٍ ليا قامت عليّه تعيّر

أنا احسبنه كل مطرود ملحوق= كذبتنا هذا المثل في سويّر

لكن على الله يرجع الطاق مطبوق= وتعود وألا أنّا عليها نسيّر

يا سعود اخذها كاش والقلب محروق= كلام من قلبي ولاهو مضيّر

لو شافها ابن الذيب لا لبست الطوق= علي الحرام انه يهمّل انويّر[/poem][/align]

**راكان بن بدن السبيعي** · 13-09-2007, 02:30 PM

[align=center]
1

حجز مؤكد

غصبٍ عليك[/align]

**نياف العتيبي** · 13-09-2007, 02:39 PM

الدوسري

الشهر مبارك يالغالي

حضورك ممتع ,,, صح لسااانك

ولاهنتتتتتتتت

الناايف

**النوري** · 13-09-2007, 03:20 PM

لو شافها ابن الذيب لا لبست الطوق
علي الحرام انه يهمّل انويّر
[grade="00008B FF6347 008000 4B0082"]
معيوف الدوسري[/grade]

كلش الا..نويَر؟؟
وتعيش سويَر!!

رائعه من روائعك

مبارك عليك الشهرالفضيل

**خــــالـــــد** · 13-09-2007, 04:11 PM

[align=center]
معيوف الدوسري
ـــــــــــــــــــــــــ ــــــ
صح لسانك مليون ولا يكفون

تسلم يمينك يالغالي

وبيّض الله وجهك ...

(( ارفقوا علينا في هالشهر ههههه ))
ـــــــــــــــــــــــــ ــــــ
أخوكـ/خالد
[/align]

**محمد السليس** · 13-09-2007, 04:57 PM

مبارك عليك الشهرالفضيل
يامعيوووف

والي عووده

**** شوق **** · 14-09-2007, 02:24 AM

[align=center]مشاء الله عليك بالقصيده 3 أسماء
كلهن فيهن حروف المد :مزون:

الفاضلـ

//

معيوف الدوسري

//

كلـ عام وأنتــ بخير

أهنيكـ بالشهر المباركـ

صح السانكـ على هذه الباسقه العطره

ولو أخذت الرأي مني ماتنزلــ قصيده عاطفيه برمضان << اسكتي بس

راكان مغششكـ بالإملاء والمشكله وقع معكـ بالخطأ ماينفع يغشش :مزون:

تقديري لكـ

شوق[/align]

**سعود الروقي** · 14-09-2007, 01:21 PM

صح لسانك

ولا هنت

دمت
بود

**راكان بن بدن السبيعي** · 14-09-2007, 03:35 PM

[align=center]

[poem= font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
لو الحلا يعرض مع الناس في السوق=تطب في سوق الجمال وتخيّر[/poem]

الداهية / معيوف

رمضان كريم والقلب أخضر

شوق / سويّر / نويّر

يالله سترك

لكن تبي العلم : عز الله أن هالقصيدة جزله ومؤشرها أخضر بالحيل

صح لسانك عدد الأبل اللي نفقت في الوادي

كل ماكتبت قصيدة جزلة يزود كرهي لك >> ياكرهي لك كرهاه

لك فائق الكره والتقدير[/align]