في البداية احييكم في موضوعي ويامرحبا بكل اللي لفونا واهلا وسهلا ومررحبــ(ن) الف
واذا ماشالكم المكان تشيلكم عيوننا الوسيعة :مزون: <<< الا اني حلو :مزون:
والامر الاخر اذا عجبك الموضوع رد عليه الله لايهينك يامال الماغص ماياخذ منك الرد دقيقتين
واذا ماعجبك برضو رد وقل ياخي انت فلة :مزون:
حنّا عائلة مكوّنه من أب وأم وأخوان واخوات كثيرين الله أعلم كم عددنا ، من كثرنا أبوي راش على ظهورنا أرقام بالبخاخ اللون الأحمر زي السواكني ومسجل الأرقام عنده في سبورة 4 × 6 في المجلس لأنه دايم يدق التكوه هناك وينادي علينا بالأرقام مو بالأسامي ولا عمره جلس مع امي (( أنا أبغى اعرف كيف جاب الكم الهائل من الأولاد وهو في المجلس ! )) وكنا نسكن في مكة المكرمة في بداية الامر في حارة نسيها الزمن الله العالم وينهي الحين وماخفيكم اني احس ان الله خسف بهم من العيارة اللي فيهم والتسطيل <<<< واضح من خشتك يالاثول :مزون:
ذاك اليوم قال يا 16 وانا اروح له (( كنت اكره رقم 16 لأني كنت أحس انه لخميس العويران)) <<< بينه وبين رقم واحد ساعتين بس :مزون:
قال جيب لي الجوال من الصاله وخل أمك تشغل البلوتوث حقها (( عرفت إنهم ينجبونا لا سلكيّاً بالبلوتوث )) والله واجيب الجوال حقه ولقيت اسمه في البلوتوث " زوجتي العزيزة وحشتيني ياراقل " :مزون: وقالي قلت لامك تشغل بلوتوثها قلت لا والله باقي قالي عججل عجل علينا قلت ابشر والله واروح واقول لامي ولقيت اسمها في البلوتوث " طماطم " :مزون: وانا رايح لأمي لقيت جوالها فوق التلفزيون وانا اطالع فيه بخبث قلت خلني اتنيذل مع أبوي وأخلي بلوتوثها مخفي وادز بسرعه عند الجيران قلت للولد الصغير وين ابوك قال جوا ليش وش بغيت فيه قلت ناده لي بسرعه (( انا ديني ودين أبوه أكرهه كره العمى كل ما طلعت من البيت يتحقط لي وقت الصلاه يقول لي هـه عندك بلوتوث جديد ؟ يا ذا النشبه مدري متى يكبر الشايب )) والله ويجي الشايب قلت له ابشرك عندي لك بلوتوث من اللي يحبه قلبك قال لا والله ! قلت انت بتشوف هات جوالك خلني اشغل بلوتوثك واحط اسمه في البلوتوث " طماطم " :مزون:
المهم ارسلت له مقطع نشيدة الا صلاتي <<< عشان حجمها كبير وتطول في الارسال منشان انتظر ابوي يرسل وانا موجود معه
المهم سمع المقطع وبغى يمغطني بالعقال قال وش ابي بذا شوي الا وقالي جتني رسالة بلوتوث
طالعت فيها الا ابوي وبين قوسين " زوجتي العزيزة وحشتيني ياراقل " قلت ايه اقبل اقبل شكلها من البلوتوثات اللي يحبها قلبك ولا بنت ارسلت لك رقمها قال خلاص انا بدخل وانت اقلب وجهك قلت ما طلبت إلا الرخيص بعد ساعه امر عليك قال طيب ويقفل الباب على اصبعي من قوة الحماس :icon_evil قلت باقي ما شفت شي الحين تتحمس أكثر وارجع لبيتنا والله واروح اطالع في التلفزيون وبعد ساعه بالضبط طلعت من البيت أبي أشوف جارنا إلا شايلينه في نقاله ومودينه قسم الإذن والحنجره والولاده وهو فوق النقاله قربت من عند راسه قلت هاااه بشر عسى البلوتوث عجبك قال الله يلعنك قلت آمين خلك تستاهل لا تغثني كل شوي تقول ابي بلوتوث ..
ومرة من المرات كان الجوال مع ولد عمي وكان عند الغنم يحلب النعجة وجاه بلوتوث ابوي :مزون: وقبله وطلع لنا نعجة زغنطوطة سميناها 15 واللي قاهرني فيها انها تحمل رقم يوسف الثنيان
مايستفاد من القصة :
1- العلم تطور والتكنولوجيا يمكن تسوي اي حاجة ولاتستغرب
2- لامنك تبي تشتري جهاز اشتر واحد مسافته طويل يوصل لجيرانكم :مزون:
3- طريقة الانجاب هذي مجربة وابيكم تفعلونها عندكم من الاتصالات :مزون:
4- انا متأكد(ن) مابتلاقون في نهاية الموضوع تم التعديل بواسطة ندى الحروف منشان اني رشيتها :مزون: وخليتها تسوي عملية تجميل لخيشومها ببلاتش في مستشفى دله :مزون:
الف شكر لكل من شرف وزار
والفين شكر لكل من زار وخفف :مزون: ولايدقق
رد مع اقتباس
ولعلمك بس لا أكثر ترى نزار سارقها منه ومخلي حيمو يغنيها تسذا عباطة بس؟ 
