[poem=font="Simplified Arabic,6,black,bold,normal" bkcolor="transparent" bkimage="" border="inset,4,black" type=2 line=0 align=center use=ex num="0,black"]
ان شفت احد يبكي بكيت وتالمت=وان شفت احد يضحك تجلت همومي
وان شفت منظر موت با الليل ما نمت=وان نمت لحظه قومني حلومي
وان اشتكى لي شخص جرحه تحطمت=تعبت مجاديفي وبردت عزومي
ولا صرت انا مخطي سكتت وتبلمت=الكذب ابد ما يقبلنه سلومي
الحكي ماهو دايم ابلغ من الصمت=والصقر حجمه عشر حجم الرخومي
يسراي ما تدري عني ويش قدمت=والحال ماهي يا نديمي تدومي
باسرار جرحي كل من شفت علمت=مع اني ادري ما لهذا لزومي
ما يزعجن تانيبهم لا تكلمت=مادمت انا واثق ومالي هدومي
لو ما انا واثق تشيمت واحجمت=ابشرك بين الرجال محشومي
لكن وحق اللي لجل وجهه اسلمت=الواحد اللي في عباده رحومي
ماني بمتحسف على كل ما اقدمت=عليه لو سبيت في وسط قومي
وحلفت مره ثانيه عقبه اقسمت=لا اكشف لكل الناس خافي علومي
بديت جاهل لكن اني تعلمت=لوني جبان يصير ما لي خصومي
الاكثريه وآسف ان كان عممت=شكله صقور وداخله ديك رومي
لو جبت كل العيد دام اني افهمت=بعض العرب خل المعاليق تومي[/poem]
رد مع اقتباس
المشاركة الأصلية كتبت بواسطة احمد الجريفاني
