أتمنى ان تنال إعجابكم ..
//
\\
[poem=font="Simplified Arabic,5,darkblue,bold,normal" bkcolor="sienna" bkimage="backgrounds/33.gif" border="inset,4,darkblue" type=2 line=1 align=center use=sp num="0,black"]
ياصباح المحبه .. ويامسـاء الفـراق=للجميلة عذايب .. كل صبـح ٍ وليـل
كل صبح ٍِ أعيش بخاطـرا ً مايطـاق=وكل ليل ٍ سريته مـع فـؤاداً عليـل
غادي ٍ مثل كهل ٍ عايـش ٍ بالعـراق=مغترب فـي ديـاره مالقالـه مقيـل
وافؤادا ً تعنّى مـن حياتـه وضـاق=وسط صدري دفنته له زمـان ٍ قتيـل
واعيون لسهرهـا بالليالـي تسـاق=أشعل الشوق فيهـا للعذايـب فتيـل
القصيد ان نظمته ماكشفـت الـرواق=وكل بيت ٍ أقوله فـي عذايـب قليـل
ان نويت القصيده صاب قلبي إنشقاق=وينجرف منه وادي بالمحبـه يسيـل
وصار بين المشاعر والمعاني سبـاق=في ميادين فكري وسط ليـل ٍ طويـل
أبتدي بالوصايف .. وانتهي بالعنـاق=ويصبح لخيل شوقي في خفوقي صهيل
وانثر الحبر شعرا ً مكتسي بالـزراق=بالورق للنواظر مثـل واحـة نخيـل
صادق البوح منـي ماكتبتـه نفـاق=اسقي الحب دمي وهذا هـو الحصيـل
بين قلبي وبينـي مـن قديـم إتفـاق=طبعنـا مانخونـه بالزمـان البخيـل
اشعر بكل جسمي فيه نبض اشتيـاق=للرياض وعيونك يابو رمـش ٍ ظليـل
ضايع ٍ في زماني .. عايش ٍ بإختناق=مانسيتك ياغالي يـوم حـل الرحيـل
قلت لي : يالمسافـر لاتحـل الوثـاق=لاتزيـد المواجـع هـم بُعـدك ثقيـل
وقلت لك : يالموادع حان وقت الفراق=لو تطول الليالـي مـا لحبـك بديـل [/poem]