السلام عليكم ورحمة الله وبركاته
تشرفت بالمشاركة في مسابقة سمو الأمير عبدالعزيز بن سعود حفظه الله
في والدنا الغالي أميرنا المحبوب على نفوسنا جميعا
صاحب السمو الملكي الأمير سلمان بن عبدالعزيز رعاه الله وأطال في عمره
فازت قصيدتي بمجرد وجود اسمه فيها وتشرفت بالمشاركة مع زملائي الشعراء ضمن مسابقة الخمسين عام
أبارك لجميع الفائزين وأخص أخي وأستاذي ( أبو عبدالرحمن )
وهذه قصيدتي المتواضعة أتشرف بقراءتكم لها وإبداء ملاحظاتكم
............................
[poem=font="Simplified Arabic,4,black,bold,normal" bkcolor="transparent" bkimage="" border="double,2,purple" type=2 line=0 align=center use=ex num="1,purple"]
عز الرياض وعز وادي حنيفة = عز الامارة والأمور العظايم
عدل الحكم سلمان بالعز ريفه = خمسين عام (ن) كل ابوها غنايم
تبصر بعدله عين حيّ (ن) كفيفة = المجد له والطيب والعزّ دايم
سلمان نجد ونجد باسمه منيفة = وسلمان مثل طويق وطويق قايم
نجد العذيّة في جنابه مريفة = تنعم بظلّه عن هبوب السّمايم
بحر(ن) تسوق النّود مدّه لسيفه = وموجه يغطّي نايفات العدايم
في سطوته حدّ السّيوف الرّهيفة = وفي هيبته هيبة ملوك وحكايم
شيوخ نجد(ن) كلّهم في مضيفه = وفي مجلسه تلقى كبار العمايم
نفسه لدمعات اليتامى صخيفة = وستر العذارى مضفيات اللثايم
ابن الذي رجّع حقوقه بسيفه = قدّ الرّجال يجيك حجم العزايم
خذا الرّياض وما رضاها نصيفة = نادى المنادي له بليّا قسايم
ثم التفت واليا الجزيرة مخيفة = والشرك عِلّق له بمكة تمايم
وحّد علمها واحتواها رفيفه = لين استوت عدل(ن) بليّا ظلايم
سلمان حرّ(ن) ما لقينا وصيفه = عليه من صقر الجزيرة علايم
خمسين عام ونجد باسمه منيفه = لين اعتلت فوق النّجوم النّعايم[/poem]
عبدالله بن راجس الخضاري الدوسري
...