[align=center][align=center]صباحكم كما تحبون .
تصدق
هالصبح يشفق
وكل شيء فيه يفرق
الموانيء
تركض بها سفينة
حايرة وسط هالمدينة
أحاول أسمعها
في جوفها ماني بعيد
أحاول أمنعها
كلامها ماهو أكيد .
أشوفها
ترد لي الموج
والصبح الجديد
أشوفها
تعطر لي النسمة
وتنثر من الوريد
كل التفاصيل
اللي لقيتها
مع الغيم البعيد !!
تصدق
هالصبح صار يفرق
حتى ولو كنت أنت اللي بعيد
وبالله وش لون مايفرق
وأنا اللي ينتظر
وكل شيء حولي منتثر
وعلى إحساسي يسير
تصدق
كل اللي لقيته
ماعاد يفرق
مادام باقي
لك إحساس ٍ كثير .
بس تعال
يا (أنا) يا ( أنت)
يرسم هالسفن
اللي مشت
والصبح توهـ
طفل ٍ جديد
نرسم البسمة لشفاهنا
يمكن تخفف
من اللي غدر
من اللي مارحم
فينا أرواحنا
نرسم مستطيل
على دائرة
على مستقيم
مايهم
إلا كيف
هالصبح
باكر يستقيم !!
عناد الجرح [/align][/align]