[poem=font="Simplified Arabic,6,darkblue,bold,normal" bkcolor="transparent" bkimage="backgrounds/13.gif" border="none,4,gray" type=1 line=0 align=center use=ex num="0,black"]
يا معشّم الاشعار في وعد وصلك = ينساب شِعري كل مامر طاريك
شفني على بيض الورق منتثر لك = كُل الزوايا في خفوقي تناجيك
أتخيلك فنجال ثم انسكب لك = قلبي وروحي والقصائد تجي فيك
ضاعت جهاتي شوف لي منك مسلك = وأنته عليم بواقعي يا محاكيك
يضيع ليلي في دياجير نجّلك ! = لا ضاع ليلي ضعت من دون تشكيك
تنزف جروحي من تضراس نُصلك = عفريت هجرك في غيابك مجريك
تطول عني غيبتك وانجرف لك = ترجع وتلقاني على حطة يديك
طال النوى غيثارتي تنتحب لك = تتخيلك شِعري وتبدأ تغنيك
ماني بحانث لوّ لساني حلف لك = حتى قلم جيبي من الهجر يشكيك
يا هوه اصّدق فيك ولا اهرف لك = ياهوه اخشى مقبل الوقت يغديك
لا تامن الايام في مد حبلك = شفّ حالتي غاوي وأنا كُنت مغويك [/poem]
رد مع اقتباس
