القلب راح وصار جرحك بداله

[حمدان الشلاحي]

السلام عليكم ورحمة الله وبركاته

الى جميع اعضاء منتدى غربيل بعد التحيه يشرفني ويسعدني

ان اكون احد اعضاء المنتدى واقلب صفحاته واقراء مواضيعه بما فيه

منتدى راقي جذبني بروعته وباعضاءه المتميزيين ولان اطرح لكم اول

مشاركاتي لعل وعساء ان تنال رضاكم واعجابكم / حمدان الشلاحي


[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لاتحسب اني يامنى القلب ناسيك = في قلبي اللى ما جفاك بوصاله

صورتك في عيني وفالبال طاريك = ولانساك لو الأبو ينسا عياله

وما انساك لو البعد يبدي تجافيك = ولانساك لو البدو تنسا الجماله

من يوم وفيت بغلا من يناديك = واعلنت ودك له ماتقطع حباله

وهمستله بالصدق وغيره مايعنيك = لو كان لك بالشوق باني اماله

ولا اقول غير القلب بالحيل يغليك = مدام حبي وسط قلبك صفاله

وسط الضماير لك مكانن يوفيك = وفعل الوفى بوعدك مني تناله

ياجادلن شفت الوله في مساعيك = وكل الغلى والزين وصفك رساله

يعني كذا ولا كذا الله مسويك = واصبح عليك الزين يضرب مثاله

ولو الجمال يصير جنبك يحاكيك = بالزين ياخذ من وصوفك جماله

ولقبلت نور البدر بأول مباديك = ولقفيت نور هلال فاخر اهلاله

ولاشفت مشيك ياعساالله يراعيك = حمامتن فالقطن تمشي دلاله

وعزالله اني لو ابوصفك مارضيك = لاأن وصفك مايغطى مجاله

واليوم حالي بارين بالوله فيك = القلب راح وصار جرحك بداله

القلب راح وصار جرحك بداله = القلب راح وصار جرحك بداله[/poem]


وسلامتكم

حمدان الشلاحي

[ضيف الله الحميدي]

سالم وغانم ياحمدان

وصح لسانك

بدايه موفقه باذن الله

وحياك الله

[حمدان الشلاحي]

صح بدنك ياضيف الله

والله يوفق الجميع ويبارك فيك

وتقبل تحياتي/ حمدان الشلاحي

[احمد مناحي]

الشلاحي

اهلا وسهلا بك بين اخوانك واخواتك
ونتمنى لك طيب الاقامه
وعسى ان تفيد وتستفيد
القصيده جزله ومعبره وتبشر بقدوم شاعر سيكون له شأن بيننا ان شاء الله
بالرغم من ان لي ملاحظه بسيطه
وما انساك لو البعد يبدي تجافيك
ولانساك لو البدو تنسا الجمالـه

والحضر فيهم خير وفيهم رجال كفو ولا ينسون الجمايل
وجهة نظر حبيت اوصلها لك واكيد ما كان قصدك حصر حفظ الجمايل في البدو
تقبل ودي وفائق احترامي
للمعلوميه >>>> بدوي جدا

[جواهر عبدالله]

وعزالله اني لو ابوصفك مارضيك
لاأن وصفـك مايغطـى مجالـه

،

،

صح لسانك يا حمدان ولا هنت على هالبوح والمصافحة الأولى

تشرفنا بانضمامك

ويا هلا بك بين أهلك وناسك

أتمنى لك طيب المقام .

[الليـ تفرق ـالي]

صــ لســانك وسلم يمنــاك لا هنت ــح

قصيـــــــدة رائعة
الله يعطيك العافية

[نواف زايد الشلاحي]

يامرحبا ياالشلاحي قصيد جزله ياحمدان وصح السانك وعتلا شانك

اخوك نواف الشلاحي عاشق الرمش

[مهدي بن مسفر الحبابي]

أخوي حمدان الشلاحي

ارحب تراحيب المطر والله يحييك

يشرفنا وجودك انت وشرواك

صح لسانك وسلم فكرك

رايعه بروعة حضورك

لك فائق احترامي وتقديري

[خــــالـــــد]

[align=center]
حمدان الشلاحي
ـــــــــــــــــــــــــ ــــــ
صح لسانك وقلبك

وتسلم يمينك

بداية موفقة منك

ولا تحرمنا من إبداعاتك القادمة
ـــــــــــــــــــــــــ ــــــ
أخوكـ/خالد
[/align]

[أمل عبدالعزيز]

,
,
,
الرائع / حمدان الشلاحي

ياجادلن شفت الوله في مساعيك
وكل الغلى والزين وصفك رساله
يعني كذا ولا كـذا الله مسويـك
واصبح عليك الزين يضرب مثاله
ولو الجمال يصير جنبك يحاكيك
بالزين ياخذ من وصوفك جمالـه

الله الله ...
حيّاك الله ياحمدان في منتديات غرابيل
ومصافحة رائعة بروعة حضورك الراقي هنا
صح لسانك ونبضك ودمت مبدعاً ..

ولك تقديري