بيريرا ما يفهم كورة وما يعرف شي في التكتيك وخطته غلط وتشكيلته كلها اخطاء وسباك

بس ابغى اعرف شي واحد الاهلي كيف جاب واحد وعشرين نقطة ومتى ؟؟؟؟

معظم نقاط الاهلي جات اول سبع مباريات وتحديدا قبل عودة الفوضوي فيكتور ومشاكلة مع المدرب هو وسيزار

من بعدها ولاعبين الاهلي في مستوى منخفض وخاصة كابتن الفريق تيسير . ولا احد يجي يقولي مركزه وما مركزة كان لاعب فيه بداية الموسم ومؤدي بشكل مقبول .
تفرجوا عليه الان يلعب على الواقف وان طلع في هجمة ما يرجع ولا يقاتل على الكورة ولا يقرب لزملائه ويتعمد يفرغ خط النص ويخلي الاهلي يفقد الاستحواذ اللي كان يتميز بيه بداية الموسم

وتصريحه امس بين النية

منصور الحربي من يوم الطرد وعقاب بيريرا ليه وهو مسوي فيها الفتى الزعلان لاحظوا منصور من بعدها بطيء في الهجوم ولا اي تسديد ولا اختراقات وكأنه اول مرة مايلعب .

باختصار اللاعبين حطوا بيريرا في راسهم لانه عاملهم بطريقة جديدة مافيها الدلع والطبطبة اللي تعودوا عليها

طبعا هذا الكلام لاينفي مسؤولية بيريرا عن بعض الاخطاء واولها

اللاعبين الاجانب كلهم بما فيهم موسورو يستحقوا لقب سباكين مع احترامي لاختيارات المدرب لكن اعتقد انه يظن ان الدوري البرتغالي اعلى بكثير من الدوري السعودي واي لاعب ناجح في الدوري البرتغالي رح ينجح بسهولة في الدوري السعودي وواضح ان حساباته غلط

باختصار رح اقول رايي في القادم :

1- على لاعبي الاهلي ان يفهموا ان النادي ماهو تكية ليهم ولاهو من املاكهم يمشوا المدربين على كيفهم وان زي ما ياخذوا فلوسهم اول باول عليهم في المقابل ان يلتزموا وينظبطوا داخل النادي

2- المدرب باقي لنهاية عقدة اللي مو عاجبة من اللاعبين يمسك الباب ويشفلة نادي يقعد يستنى رواتبه فيه بالاربع والخمسة اشهر

3- بيريرا يهدا شوية ويبطل النرفزة الزايدة والعصبية اللي نقلها للاعبين

4- اللاعبين الاجانب مع السلامة والغاء فكرة التعاقد مع اي اجنبي حاليا لانه رح يكون مجرد تضييع فلوس على الفاضي الدوري انتهى والكاس انتهى باقي كاس الملك مااعتقد انه هام جدا حاليا لجمهور الاهلي

5- التركيز على الالصفقات المحلية في الفترة الحالية لانه السوق المحلي اصعب من الاجنبي . واللاعب المحلي يا يكون لاعب منتخب او مشروع لاعب منتخب يا نوفر فلوسه احسن .

6-اما اللاعبين الاجانب في الصيف السوق العالمي كله متاح امامك بشرط اننا ما ننتظر لاخر لحظة ولازم يكونوا اجانب يعملوا فارق في الفريق

7- بيريرا يعتمد على اللاعبين المحليين ويغربلهم من الفريق االاول والاولمبي تجهيز للموسم القادم

8- جلسة بين الادارة والمدرب واللاعبين وتوضيح سياسة الادارة والمدرب وانها الفرصة الاخيرة لكل اللاعبين اللي مارح يمشي مع تكتيك المدرب وفكرة يتوكل على الله .

هذا اذا كنتم تبغوا استقرار وانصلاح الحال في الاهلي كل مخطيء يعرف خطئة اما اذا كنا رح ننقسم مع المدرب ضد اللاعبين او العكس

اسهل شي ان تشيل مدرب وتجيب غيره لكن من يضمن لك انه رح يكون احسن ومين يضمن ان اللاعبين اللي شالوا بيريرا مارح يشيلوا اي مدرب بعد كذا ؟؟؟؟؟؟