قصة طويله من اجزاء باللهجه السعوديه "عمق القلوب"

[اللـــــيث]

مشاعر

الاربعاااء عشاان السهرة ...

[اللـــــيث]

موعدنا هذااا المساء ... ان شاء الله ...

[مشاعر حالمه]

طيب

في انتظااااااار الجزءءءءءء

تحيتي

[اللـــــيث]

الجــزء الرابع*&*


لمن سمع خالد ديك الكلمه انجن معقووله لا لا مو معقوله خالد انبكم
وفقد اي كلمه ممكن يقولها في هالوقت
خالد في نفسه......
معقوله يااارب معقووله متأكدين سمعتو الي انا سمعته احس انه في نار بتجري في جوفي حاس نفسي طاير في السما معقوله لا ياهو مو معقول تدرو ايش سمعت......
سمعت انـــــــا هنــــــا حبيبي انا هنــا حبيبي من فم نهال انا هنا حبيبي يعني هيا هنا يعني هيا موجوده معايا يعني هيا مازالت في هالحياه وكلمت حبيبي يعني هيا حبيبتي يعني نهال موجوده يعني نهال قالتلي انا هنا حبيبي مو مصدق ياااااااااااااا للللللللللللللللللللللللل له الحمد لك يااااااااااااااااااااااار بي معقوووووووله ربي ما ضيع رجائي هدر حبيبتي في الدنيا لسه وانا الي اعتقدت انها راحت مني احس اني بطير في السما واحلق قلبي وحياتي لساتهم في هالحياه اشوفهم قدامي سمعت كلمتهم انا هنا حبيبي...الحياه ما زالت موجوده على هالسرير الابيض قلبي ما زال ينبض عمري كله قدامي بيكلمني اشكرررررررك يااارب ما خيبت ظني فيك اشكرك اشكرك اشكرك
قاطع تفكيره وكلامه وفرحه وسروره
نهال بصوت باااكي:حبيبي تعاال ابغاااك ابغا املي عيني منك قبل ما اموت
خالد وهوا يجري عليها:لاااااااااااااا تقووووووووووولي كدا عسى يومي قبل يومك
نهال:لا حبيبي ما اتحمل انا اشوفك كدا رووق وتعال عندي
خالد يقرب منها ويحط راسه على صدرها:حبيبتي انا معاكي لو ايش يصير انا وياكي والزمن مافي شي يفرقنا مهما كاااان....
نهال تبكي وتشهق من كتر البكا...
نهال:حبيبي لو رحت عود نفسك على عدم وجودي عيش حبيبي سعيد عشان اكون انا سعيده حتى لو انا تحت الترااااب
خالد اتألم وبدت دموعه تنزل:سعادتي معااااكي انا بدونك مالي سعاده ولا حياه
نهال:لاتقووول كدا حبيبي بس انا لو رحـ.....
يقاطعها خالد:لاااااااااااااااا والله لو تقولي هالكلمه مره تانيه انا بقتل نفسي قدامك
نهال:خلاص طيب ولاتزعل عمرك حبيبي....سكتو الاتنين ورجعو لحضن بعض
نهال قطعت السكوت وبعدته عنها شويه ومسكت وجهه بي يدانها الاتنين وقالت وهيا بتبكي وتشهق بين جمله والتانيه:خالد قولي ماما ما ماتت صح خالد صح ماما ما ماتت قولي الدكتوره غلطانه وقالتلي الخبر بلغلط قولي انه.....امي حياتي الي ربتني من يوم ما ابويه مات حيه...قولي انها قاعده بره خايفه عليا قولي ماما الي كانت بتنتظر مولودي يجي لهادي الحياه بفارغ الصبر وهيا خايف عليا.....قولي انها بتستناني بره عشان نروح مع بعض نشتري ملابس البيبي الجديد....خاالد قووولي ان ولدي بخيير قووولي خالد ماما حيه وبتستناني قولي خالد ماما تبغاني اروح في حضنها...قولي اني لو ارحلها دحين الاقيها تستناني وترحب بيا كالعاده... تفتكر لمن اروح عندها وتقعد تحضني كأنها لها سنه ما شافتني...يلا خالد قولي بكره نروح عند امي نتغدى زي كل جمعه وتأكلني بيدها كأني طفله صغييره وتحط ادنها على بطني عشان تسمع صوت النونو كالعاده وتقعد تزعق عليا لمن تشوفني مصفره وضعفانه لأني ما اكلت قولي خالد اميييي تحبني وما مااااتت قولي خالد ماما حييييييه ارجوووووووووك ابوس يدك قولي امي حيه وما تقدر تستغني عني........وانقطع صوتها وانهااارت نهال على الاخر ودخلت في نوبة بكاااء فظيييعه........
وخالد ما قدر يستحمل ما يقدر يقولها كل دا خطئ امك ماااااااتت امك ماااااااتت يا نهال امك تركت هالدنيا امك تحت الترااااااب امك مالها وجود وكل الي تقوليه خطأ في خطأ كيف اقلها كيف احطم قلبها كيف اعرضها للخطر كيييييييييف قولولي ياناس اسعفوووني حاس اني بدوخ ايش الي بيصير لنا ....يااااااااارب زوجتي قلبي وحياتي وانا تعبانين ياااااربي....ساااااااعدنا ااا
ويقطع عليهم صوت امه ودخولها مع منى.....
ام خالد:نهاااااااااااااااااا ال فينك يا نهال
ويجي الكل ويشوف نهال قاعده على السرير وشكلها مررره ما يطمن والكل حولينها ويسلمو عليها وخايفين وهيا تبكي وتسألهم فين امي فينها ويحاولو يهدوها ويواسوها
خالد ماقدر يستحمل وطلع من الغرفه ويجري ونفسه يموووت او يصير له اي شي بس اهم حاجه ما يشوف عمره قدامه كدا يبكي ويتقطع....
صدم في الدكتوره وهوا طالع قالتله تبغا تكلمه كلمتين
خالد:نعم اتفضلي
الدكتوره:تدري ان وضع نهال مررره صعب والطفل في حاله خطره واحتمال فقدانه 97%
خالد..........
الدكتوره تابعت كلامها:ولازم نتخلص منه عشان صالح صحة نهال
خالد:لااااااااااااااااااا اا ولدي مستحيل اتخلى عنه او اتخلص منه انتي ايش بتقولي اتجننتي
الدكتوره:بس يامستر ما ينفع لا صحة حرمتك ولا ولدها مؤهلين للحاله الي هم فيها ومررره صعب وجود هالطفل وامه في وقت واحد انت تبغاااهاااا تمووووووت نهال في حاله خطره جدا تفهم ايش يعني.....
خالد انبكم لمن سمع كلمة تمووت اخر شي يتوقع تقوله هيا الدكتوره وكيف بي هالطريقه
الدكتوره حست انها غلطت عشنها قالتله دا الكلام وبي دي الطريقه فقالت في نفسها بس لازم يعرف ان حرمته ممكن تموت في اي دقيقه لو ماطلعنا الولد من بطنها دحين وحالاً
خالد وهوا يبكي ودموعه تجري على وجهه:سوي الي تبي اهم شي حياتي وعمري ما تروح من هالحياه....
الدكتوره فرحت لكلامه وراحت تجري تلحق على الحرمه وفتحت الباب ودخلت شااافت منى قاعده جنب نهاال وهيا تهزها
منى:نهااااااااال حبيبتي ردددييييييي عليااااااا نهااااال ققووووومي شوووفي امك جااااات نهااال حبيبتي لا تخلي خالد نهال لا تخليني انا...دكتوره الله يخليكي تعالي شوفي نهال...يلا نهال انا ما اقدر اعيش بدونك نهال قومي يلا ياوحشه حعطيكي داك الروج والشنطه الي تبغيها من زمان ودايماً تضاربيني عليها بس قومي يلااااا ترى والله ما اخليكي تجي معانا السوق نروح انا ورندا لحالنا ونسيبك طفشانه في البيت نهااااااال قووومي يلااااااااا.....
الدكتوره:بعدي يابنتي شويه خليني اشوفها
منى:شوووفيها يادكتووره اللحقيييييي نهاال
ام خالد:بعدي يامنى خلي الدكتوره تشوف شغلها
الدكتوره تجس نبضها وتنصدم وتجري تروح تجيب معاها ممرضتين وياخدوها ويجرو زي المجانين
منى:دكتوره على فين اخدين نهاال دكتوره استني
وتختفي الدكتوره في باب مكتوب عليه ممنوع الدخول غرفة العمليات
وتقعد تنتظر منى وامها عند الباب وهما خايفين على نهال خايفين تموت خايفين يصير فيها شي
منى:ماما انا حاسه انه نهال بتموت
ام خالد وهيا تحضن بنتها:لاتقولي كدا يابنتي حرام عليكي تفاولي عليها ان شاء الله بتصير بخير وترجع احسن من الاول
منى:الله يسمع منك بس عندي شعور غريب والله يخيبه ان شاء الله...
وبعد اكثر من ساعه تطلع لهم الدكتوره ووجها شاحب
الدكتوره :عظم الله اجركم
منى تطيح على الارض وتتسند على الجدار:لااااااااااااااااا ااااااااااااااااااااااااا اا نهااااااااااااااااااال
ام خالد:لا حول ولا قوة الا بالله انا لله وانا اليه راجعون....
منى:لااااااا ياماما معقوله نهال راحت راحت نهال راحت الغاليه راحت نهووله الوحشه العنيده راحت نهال الشيطونه الي تعكر عليا نووومي قووومي نهااااال لا ما اصدق نهال حيه انا متاكده يادكتوره اتأكدي مظبوط الله يخليكي حراام عليكي لا تعذبينا
الدكتوره:هدي نفسك يابنتي دا قضاءه الله وقدره وانا ما بيدي شي
منى: مااا اقدر هادي نهااال تفهمي يعني ايش نهال هادي نهال الغاليه الي يحبها خالد الي ما يقدر يعيش بدونها هوا الي خلاني اخطبها له هوا الي عرفني عليها انا الي كنت انقل رسايلهم لبعض انا الي كنت اظبط مواعديهم مع بعض انا الي قربتهم وجوزتهم من بعض
خالد لو دري بيمووت تدري يا دكتوره ايش يعني يموت نهال حياة خالد وخالد حياة نهال ونهال راحت يعني خالد راااااااح لاااااااااااا اخويه حبيبي
الدكتوره تضم منى لصدرها وهيا خايفه عليها:هدي اعصابك يابنتي ولاتقولي هالكلام خلي ايمانك في ربنا كبير
منى:والنعم بالله بس خالد...
وشويه يسمعو الاتنين صوت صرخه تجي من جهة ام خالد:ااااااااااااه
وتطيح ام خالد على الارض......
منى:ماماااااااا......امي قوووومي الله يخليكي شوو فيكي ماما لااااااا ياربي ما ابغا افقد عيلتي كلها بيوم واحد ليه كدا ياربي ليه.....
الدكتوره تجس نبضها:هدي اعصابك يابنتي حرام الي بتقوليه امك مافيها الا الخير بس ارهاق ودوخه قوومي كلمي اخوكي خليه يجينا وينقذنا من هالوضع اخاف تطيحي عليا انتي كمان والله مو ناقصين
منى:طييييييب هاتي تلفون ولا جوال ولا اي شي
الدكتوره:هاك خدي جوالي
منى:بس انا نسيييييت الرقم<<<من الربكه نسيت كل شي
الدكتوره:نعممم ايش بتقولي
منى:لالا خلاص افتكرت بس ان شاء الله يكون صح
منى تدق الارقام بيدين ترتجف....
وفي الجهه التانيه....يدق الجوال عند خالد بس مايرد عليه خالد هوا ماشي بسيارته بسرعه جنونيه في طريق مايدري عنه والدموع في عينه ووجهه وقاعد يقول في باله نهولتي حبيبتي الله يخليك لي يااارب يااارب لاتحرمني من اخر امل لي في هالحياه يارب انا فقدت ناس كتيــر لاتخليني افقد نهال حبيبتي وحياتي وقلبي<<<خالد فقد ولد عمه محمد الي كان اكثر من اخ له من قبل سنتين
وفجئه حصل شي لفت انتباه خالد وقف الجوال عن الدق ما انتبه انه يدق الا لمن فصل<<اعذروه عقله وقلبه مو معاه
شاف الرقم بس ماعرف مين المتصل فقال:ناااس فاضيه الله يلعنكم...فدق الجوال مره تانيه فقام مسك الجوال ورمااااااااه من الطاقه من كتر ماهو معصب
منى:دكتووووره قفل جوااااله الحقيني شو اعمل
الدكتوره:يااااربي وانا ايش الي حطني في هالبلوه
منى رجعت تبكي على امها وحبيبة قلبها وصديقتها نهال وماهي عارفه اييش تسوي اخوها اختفى وخايفه يصير فيه شي تقول في نفسها مو بعيده عن هاليوم المنحوس
خالد حس فجئه ان قلبه انقبض فقاال خليني ارجع المستشفى اشوف ايش صارلهم اخاف نهولتي صار فيها شي ورجع وهوا كله خوف ورجا انها تكون بخير
فاقت بعد فتره ام خالد:منـــى....نهاااااال. ..خااااالد
منى:ماما ماما حبيبتي انتي بخير فيكي شي ازهم الدكتوره
ام خالد:لا حبيبتي انا بخير بس وين نحنا
منى رجعت تبكي....
ام خالد:شو فيكي يابنتي شو حصل
منى:نسيتي ياماما فقدنا الغاليه وامها وخالد طلع ولا دارين فينه
ام خالد نسيت كل الي صار ودوبها استوعبت الي حصل فبدت تبكي مع منى ودخلو الاتنين في نووبه شديده في البكاء وبدت الدموع والاهات والاحضان ويدخل عليهم خالد وهو شكله يفجع وشكله كان اكبر خمسين سنه فشاف سرير نهال فاضي لانهم كانو بنفس الغرفه الي كانت فيها نهال
خالد:لااااااااااااااااااا اااااااااااااااااااااا نهااااااااااااااااااااااا اااااااااااال فيييييييييييييييييييييييي يييييين منىىىىىىى فيييييييييين نهال قولي لي فينهااااااااا
منى.....لمن شافت اخوها راحت تجري عليه وضمته من الفرحه
منى:الحمدلله انك بخير فيييييينك ادورك من ساعه عشان اقلك......
وقالت بصوت واطي فقدنا الغاليه وبكيت ودفنت راسها في حضن اخوها.......
خالد اظنه ما سمع او سوى نفسه ماسمع وقعد يسأل ويجنن نفسه
خالد وهوا يبعدها عنه:منى حبيبتي لاتمزحي معايا قولي لي فين نهال يلا بسرعه اشتريت لها البسبوسه الي قالت لي انها متوحمه عليها ابغا اعطيها هيا
وزااااااد بكاااا منـــى.....
خالد طاح على الارض وصار على ركبتيه ويطالعها لفوق بعيون كلها رجا وخوووف وتوووسل
خالد:يلااا منوووي حبيبي يلا قوليلي نهاااااااال فييييييييييييييييييين ارجوووووووووووووووووكي
منى ما قدرت تستحمل وطلعت تجري من الغرفه منى اول مره تشوف اخوها كدا اول مره تشوفه ضعيف اول مره تشوف الدمع في عيونه اول مره تسمعه يترجاها ويجلس عند رجلها بدا الشكل
ماااقدرت تستحمل ابداً هالمنظر
وبداخل الغرفه.........
خالد:امي امي حبيبتي نهال فين الله يخليكي<<ما انتبه انها على السرير او انها تعبانه من اصله
ام خالد:حبيبي هدي الله يخليك لاتسوي في نفسك كدا نهال عند الي افضل مني ومنك
خالد:مييييين الي افضل مني ومنك ماما بلاش من الالغاز وقولي لي فينها ابغا اعطيها البسبوسه حقتها الله يخليكي قوليلي
ام خالد تأشر بأصباعها لفوق:عند ربي وربك
خالد دوووبه يشتوعب فعرف انه فقد حبيبته وقلبه وفقد حياته فقد عمره فقد نهااااااااال وفقد معاها عقله........
خالد:لااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا اااا
ال(لا)هادي هزت المستشفى بلي فيهااااا....
منى رجعت تجري للغرفه وشافت اخوها طايح على الارض ويبكي زي الاطفال خاافت عليه وراحت ضمته وتسمح على شعره وقعدت تهدأ: فيه خاااااالد حبيبي هدي نفسك ادعيلها بالرحمه
خالد وهوا اُصيب بحاله جنونيه:تدري يعني ايش نهاااااااااال نهااااااااال حياتي كلها نهااااال عمري الي ما اتهنيت فيه نهااااااااال الحياه الي ابد ما اقدر اعيش بدونها نهال قلبي وروحي وكل وجداني نهااااااال الانسانه الي ما قد شفت لها مثيل انسانه كلها حب وحنان وعطف انسانه مليئه بالمشاعر الطيبه انسانه لو تجي علي رشة مويه تخاف وتبكي نهال عمري وجنوني وقلبي ودموعي نهال حياتي حيااااااااتي تدري يعني ايش يعني انا مالي عيش بدونها تفهمي ايش تعني هالكلمه......نهااااااال ارجوووووكي ارجعيلي حبيبتي ما اقدر اعيش بدونك لاااااا يا نهاااااااال لا تسبيني غررررريب في هالدنيا نهال انتي الهوى الي اتنفسه انتي الدم الي يمشي بعروقي انت القلب الي ينبض بجووفي نهاااااال ارجووووووكي ارجعيلي يانهال ارجعي ياحبي ياعطفي يا شوقي ارجعي ليييييييييييييييييييييييي ه ماقولتولي ليه تخلوها ترحل وانا بعيد عنها ليه ما ودعتني لييييييييييه يانهال ليه تسبيني بي هالطريقه مو اتواعدنا ما نفترق مهما صار ومهما كان السبب نهاااااال فيييييييينك يانهااااااال فينك ياقلب وروح خالد فينك يلي بعدك مالي وجود فيييييييييييييييييييييييي ييييينك....... خالد صار يسبح في بحور من الدموع والاهات والالم
منى وهيا شويه وتموت من البكا:خلااااااااااااااااا ااااااااااااااص خااااااااااااااااالد حرااااااااااااااام عليك لا تعذبنا معاك لاتسوي في نفسك كدا شوف ايش سويت في امي شوف حالها شوفني انا ترى حالنا مو اقل من حالك.....
وخالد الي كان ما يشوف شي خالد فقد الحياه وفقد النظر من بعد ما رحل حبه فقد كل شي في هالدنيا بعد ما راح عمره وحياته نهال كانت الدنيا بنسبى لخالد ما اهتم لكلامها ولا للي قالته.....وكمل احزانه والامه وجريان انهار دموعه....
وامه المسكينه الي انهارت اول مره تشوف ولدها كدا ماعمره كان ضعيف امه الي ربته طول عمرها ماشفته بي هالحال...خالد الي كان لمن ينضرب وهوا صغير ما يبكي..خالد الي ماعمره خاف ولازعل..خالد الي دوم البسمه تملي وجهه..خالد بسمة البيت ونور وحياة هالعالم..خالد الانسان الي الكل يتكلم عن عزته وشموخه وكبريائه وقوته وصبره في هالمواقف تشوفه بي هالشكل مستحيييييييل.......
وفجئـــه تدخل عليهم الدكتوره:مستر خاااالد تعاااااااال بسرررررررعه.......


يتبع

[اللـــــيث]

*&* الجزء الخامس*&*


قام خالد معاها بدون ما يسأل قام يجري وجريت معاه دموعه واماله الي كلها رجا ان كل الي قالوله هوا يكووون غللللط وانهم كذااااااااااااااابين كذاااااااااابين......
الدكتوره تاخده لغرفه كبيره وفيها ناس كثير بس هوا مو منتبه لأحد غير للدكتوره وللي راح ينطلق من فمها...
وببسمه شاحبه على وجه الدكتوره:اسفــه نسيت ابلغكم ان المرحـووومـه تركت لكم ولد عســــووول وزي القمـــر
خالد...................!! !!!!!!!!!!!!!!!!؟؟؟؟؟؟؟؟؟ ؟؟؟؟؟؟؟؟؟؟؟؟
خالد جا معاها على امل انه نهااال حبيبته حييييييه.....بس كلمة (((((((المرحووومه))))))حط مته وحطمت قلبه الي دوبه بنا سور امل لقياها من جديد...امل انه يسمع حرف من لسانها....امل انه ياخدها ويرجع البيت ويده في يدها....وامل انه يقلها بس كلمة احبــــــــــــــــــــــ ــــــــــــــك.....امل انه يقدر يضمها لصدره للمره الاخيره ويسمع كلماتها المعتاده الي تقوله هيا كل يوم وكل ثانيه......
(((احبــــك حبيبي حتى لو ماني فوق الارض.....
احبـــك حبيبي مدام في جسمي قلــــــب.....
احبـــــــك حبيبي مدام اني انسانه لها روح ودرب....
احبـــــــك حبيبي مدام حروف هالكلمه تنطق من لسان كل محـــــــــب .....
احبك وربي احبك احبك احببببببببببببببببببببببب ببببببببببببببببببببببببب بببك ياخااااااااااالد يا اغلـــى انسان بالوجود)))<<<دايما تقول الجمله الاخيييره بصوووووت عاااااالي حتى لو كانوو فين.....
خالد اتحطم بقووه وطااااااااااااااااااااااا اااااااااح على الارض.................... ......
......................... ......................... ......................
في وقـــــــــــــــــــــــ ـــت لاحــــــــــــــق وبغرفة العنايه المركزه
يفتح خالد عيوووونه.......
خالد:نهاااااااااااااااااا ااااااااااااااااااااااااا ااااااااااااااااااااااااا ل
منى تجري عليه وهيا تبكي:خاااااااااالد حبيبي انتا طيب فيك شي ازهملك الدكتور
خالد:فين نهااااال يامنى نهاااال فييينهااااا
منى بكيت وماعرفت ايش تقوله خافت لو قالتله يغمى عليه مره تانيه....
خالد قام وعدل جلسته والدموع في عينه وقال:يعني خلاااااص اكييد راااحت الغاااليه راااحت راااااااحت آآآآآآآآه يالغاليه آآآآآآآآآآآآآآآآآآآآآآآآآ آآآآآآه.....
ويبكي ويضم رجليه بيده ويحط راسه بينهم ويقعد يبكي زي الاطفال.......
منى وهيا بتمسح على شعره :خالد حرام الي بتسويه انت رجال كبير ومؤمن وتعرف قضاء الله وقدره ودا حكمه مايسير تعترض بي هالشكل كلنا متأثرين وانا زيك بس مهما كان الانسان لازم يكون عنده صبر وقوة ايمان عشان يستمر في هالحياه
خالد:اطلعييييييييييييي بررررررررررره يامنى ما ابغاااااااااااااا اشووووف احد انتي فاهمه اطلعي برررره
منى:بس ياخــ...
يقاطعها خالد:قلتلك اطلعي بررررررره ماتفهمي انلقلعي من قدااااامي يالله آآآآآآآآآآآه.. ويتجهش صوته بالبكا وشويه ويموووت نفسه من كتر البكا......
منى ما قدرت تتصور اخوها الي يحبها يكلمها بي هالطريقه صحيح انه متأثر وما يقدر على فراق نهال بس مو بي هالطريقه ولا بي هالشكل يعمل في نفسه كدا او حتى يعاملها كدا....طلعت منى من الغرفه تبكي وراحت تجري لغرفة امها الي كانت نايمه فيها لان سكرها انخفط مره فأطرو يخلووهااا شووي الين ماتتحسن...
وتفتح الباب وتجري على حضن امها.....
منى وهيا بتموووت من البكااااا:الحقي ياماما خلااااص خالد راح عقله...اتجنن....خالد ياماما خالد رااااح ضاااع خالد رااااح بعد ما راحت نهااال....الحقي خالد ياماما خالد ضاع مننا ياماما الحقيه سووي له اي شي بس ما يضيع خالد ما يروح...آآآه فييييييييييينك يانهااااااال تعااالي شوووفي حالنا بعدك فيييييينك يانهاااااال آآآآآآآآآه ياماما آآآآآآآه
ام خالد.......الي ماقدرت تقول ولا كلمه هيا الوحيده الي محد حاس فيها
هيا الوحيده الي بتتألم بصمت نهال كانت زي بنتها ووحده منهم وكانت تعزها كثير وماتقدر على فراقها يوم....كانت مثال للبنت الحنونه والبنت المؤدبه والحبوبه كانت نهال عطر البيت الي محد يستغني عنه هيا الي كانت ترعا ام خالد وتدور عليها وتعطيها ادويتها وماتنام الا لمن تنزل من بيتها وتبوس راسها وتسلم عليها قبل ماتنام وهيا الي كل يوم صبح لازم تصبح عليها وتساعدها في الفطور....نهال كانت ركن من اركان البيت وركن من اركان قلب ام خالد وولدها.....وام نهال كمان كانت صديقة ام خالد انسانه لها معزززه كبيييييييييييييره جدا عند ام خالد كانو الاتنين من افضل واقرب الصديقات كانو ما يتفارقو عن بعض ودايم يسألو عن بعض....ووو بعد كل دا خااالد ولدها ضناها ولدها الكبير الي تحبه وتموووت فيه شافته بشكل ماعمرها اتوقعت تشوف به انسان شافت ولدها قدامها يتقطع ويموووت ويتألممم وهيا ماهي قادره تسويله شي....شافت الكل منهااار الا هيا ماقدرت تنهااار انهاااااارت من الداخل بكيت واتألمت من الخارج بس هيا في الاصل انقضا عليهاااااا من كثر الالم والحزن وقعدت قويه وثابته من الخارج لكنها من الداخل مهزوزه وضعيفه تحتاج لحضن ترمي نفسها فيه وتبكي وتحزن زي الاطفال زيها زيهم.....
ام خالد:خلاااااااااااص يابنتي حرام عليكي شو عملتلك كدا ارحميني ليه بتقوليلي هالكلام
منى...؟؟؟!!! منى ما فهمت الي بتقولها هوا امها هيا ايش سوت فيها ما سوت لها شي
ام خالد:مو لاني ساكته ومتحمله يعني ماعندي احساس والله يامنى البي بيتقطع من كلامك ومن كلام غيرك بس نفسي وذاتي ماتسمحلي اسوي متلكم لاتحسبي يامنى اني كبيره وعجوزه يعني اني ماعندي احساس ولا اتألم ولا اشعر بالعكس انا اشعر واتألم ضعف ما انتي وخالد والي بالكون كله تشعرو وتحسووو انا اتألم إكتيــر فقدت صديقه غاليه وبنت حنونه وولد بااار شو تبيني اعمل اكتر من هيك واسيتك إكتيــر بس انتي بتزيدي ألمي بكلامك دا الله يخليك ارحميني...وبكيت ام خالد
صعقت منى معقوله كل هالكلام يطلع من امها فقالت في نفسها....
مسكينه يا امي والله من جد ظلمتك معايا تناسيت وجودك وجود قلبك وكيانك انتي ام لها قلب قبل ماتكوني انسانه تضمني بحنانها ورعايتها انتي انسانه شعورك مرهف وحساسه اذكر انك تزعلي وتبكي لمن كنت اتعور جرح بسيط وتزعلي عمرك عشان بس جرح بسيط اجل دحين كيف حالك وناسك واهلك ضايعين آآآآآه يا امي والله ما اقصد كان كل همي افرغ حزني والمي وافكاري على اي انسان القاه وكنتي انتي الوحيده الي قدااامه آآآآآه يا غاااليه آآآآآآه......
منى وهيا تحضن امها وتبوس راسها:اسفه يا ماما والله اسفه ماكنت اقصد بس انتي الي بقيلي في هالحياه انتي الصدر الحنون الي ادور عليه من بين كل الناس انتي الي مالي غيرك انتي الوحيده الي تقويني واستمد القوه منك انتي امي انتي اغلى انسانه عندي ارجووك اعذريني
ام خالد تسمع دموعها وتقول:خلاص يابنتي انسي كل هالكلام ويلا قومي انتي نسيتي شي مهم وانا كمان نسيته
منى:شووو
ام خالد:ولد خالد الي جا ولا أحد يدري عنه ولا حتى سألنا عن صحته قومي خلنا نروح نشوفه
منى:اي والله صح نسيييت آآآآه يا خالد نسيتني كل شي بسبك الله يعينك يا اخويه بس ليه يامام ما فرح لمن سمع الخبر ولا بان على وجه اي شعور بالفرح او الاهتمام
ام خالد:والله مدري يابنتي دحين قوومي يلااا ساعديني اوقف مافيني قووه
منى:يلا تعالي معي
وتحط يد امها على كتفها ويروحو عشان يشوفو المولود الي تركته نهال في هالحياه تركته وحيد بلا ام ويمكن بلا اب ويمكن بلا سعاااده ولا قلب تركته ورااااااااحت......
منى:شووووفيي ياماما كيف شكله والله يجنن
ام خالد:اي والله بيعقد هالصغنون بيشبه الغاليه
منى:ايه والله بس مرررره لزوز يااارب يحفظه ويخليه لخالد
ام خالد زعلت وحزنت لمن سمعت اسم خالد مدري ليه حاسه انه خالد ما بيرجع الأولي وان حياتهم بتتغير...بتتحطم...بتتحول. ..وخالد الي تعرفه ويعرفه الكل بيرووووووووووووح....
الدكتوره اتفضلي يا ام خالد شووفيه من جوا ادخلي معايا
ام خالد:طيب
وتدخل ام خالد مع الدكتوره للغرفه وتشيل النونو ومنى تقعد برا تشوفهم من القزاز
امجد: منــــىىى
منى:هلا امجد تعال شووف هالقمر...
امجد جا بسرعه لمن سمع الخبر من رندا وكان مررره حزييين وزعلاااان على اخووه والي بيصير فيه فجا بسرعة البررررق وهوا مايدري انه خالد جاه ولد.....
امجد:مين دا
منى:يؤ شو مابتعرف هايدا ولد خالد
امجد:من جد محد قلي ان نهال ولدت قبل ماتموت
منى بدت ملامح الحزن على وجهها ووطت راسها لمن سمعة تموت وقالت:ولا احنا عرفنا الا لمن خالد جا والدكتوره بلغته
امجد:وطييب فين خالد دحين
منى.....:في العنايه المركزه
امجد انفجع:ليييييييييييه شووووووو فيييييييييه
منى:ولا شي بس زاد ضغطه ومدري شو صارله وداخ واغمي عليه ودخلوه العنايه المركزه بس دحين صحته احسن الحمدلله روووح شوفه الله يخليك تراه مررررره تعباااااااان وخايفه يصير فيه شي تدري مو بعيده عن هاليوم النحس
امجد وهوا بيطالع على النونو:بس الفرح الوحيد الي في هاليوم هوا هالقمــــر<<يأشر عليه
منى تبتسم لانه فعلاً قمر ومره شكله حلووو...
امجد يلااا انا بروح اشوف خالد وانتي ارجعي البيت مع امي شوفي السواق جبته معايا تحت..
منى:لا انا ما بدي اروح بدي اقعد مع خالد
امجد:منىىىىىى اسمعي الكلام وامشي ماتشوفي امي كيف شكلها تعبانه امشي روحي البيت هلاء وارتاحو وتعالو بكره ماتشوفي الساعه دحين كم بيأذن الفجر وانتو هنا يلا روحو وبعدين رندا لحالها في البيت كمان...
منى:طيب اوكي بس انت دحين روح لخالد اهم شي
خالد:طيب وخدي جوالك جبتلك هوا قلت يمكن احتاج اكلمكم ولا حاجه ومو حضرتك ناسيته في البيت
منى وهيا بتاخده:طيب شكرا وايوه مو عشان خالد كان يكلم فيه وانا نسيته على الطاوله
خالد:طيب مو مهم يلا بااي
منى:باي
تاخد منى الجوال منه وتشووف فيه مكالمات لم يرد عليها كتيــر وتنصدم لمن تشوف بينها كذا مكالمه ورساله من اسم((مراهقه)) عصببببت مررررره كيف يتجرئ و يتصل عليها ويرسلها كمان...يبغا يكرر الي سواه زمان والله لأوريه شغله هالوقح...وهيااااا بتفكر وتتوعد ومقهوره تلاقي الجوال يدق ترفع السماعه بسرعه وبعصبيه.....
منى:نعمممممم
مازن:سلام عليكم
منى:خييرررر مين معي
مازن:اممم انا واحد ماتعرفيه بسس...
تقاطعه منى:انت واحد قليل الادب وماعندك ذرة دم وياويلك تتصل مره تانيه انت فاهم
مازن:بس انا يامنـ....
منى:قلتلك قليل ادب كمان تبغا تنطق اسمي وتكلمني هيا شوف يلي ماعندك ذرة اخلاق والله لو تتصل مره تانيه لأقول لاختك وابهدلك يا وقح ....وتقفل السماعه في وجهه وهيا ترتجف والشرر طاير من عيونها وتقول من جد ناس قليلة ادب.....
مازن اتحطمممممممممممممم بقوووووووه ليه عاملته كدا وليه قالت كل هالكلام هوا ما سوا لها شي ومالحق يقول لها حرف واحد بس........
مازن في نفسه لييييييييييييه كدا يامنى لييييييه تحطميني من قبل ما انبني ليه تعامليني بي هالطريق والله قصدي شرريف وبريئ لييييييييييه يامنى لييييييييييييييييه خساارة حبي فيكي واخلاصي لك كل هالسنين...اول ماشفتك دخلتي قلبي ومارضيتي تخرجي منه حاربت الكل عشانك قطعت جميع انواع البنات عشانك انتي بس كنتي حبي العذري والاول والاخير ضعتي مني مره وبعدين لمن الاقيكي مره تانيه تسوي فيني كدا والله حرااااااااااااااااااااام. ....وحس نفسه مخنووووق ونفسه يبكي بس غروره ما سمح له يبكي عشان وحده عاملته بي هالطريقه......
منى وهيا في السياره مع امها قعدت تحوس بأفكارها وتقول في نفسها...ليه قلتله كدا والله حرام ما سوا شي...يمكن رهف قالتله يقولي شي...لالا شو تقوله هيا عندها جوال وتقدر تكلمني...بس معقوله حفظ رقمي عنده...يووووووه اخاف اكون زعلته اكثر من اللزوم والله ما اقصد بس هادي والله مو ظروف يقدر يتصل فيها......افففففففف خلاص تعبت من التفكييير خليه يولي الي سوته هوا الصح والي مو عاجبه يدق راسه في الجدر...حست في راحه لانها خلصت ضميرها من هم كبير وكملت طريقها وهيا تتسأل عن مصيرها ومصير اخوها ومصير عيلتها من بعد اليووووم........

وبعد اكثر من شهرين....
ام خالد:منـــى يلا يابنتي قومي اكلي محمد<<<<<ولد خالد
منى:ماما ما اقدر ابغا اروح اذاكر الاختبار بعد يومين نسيتي الاختبارات النهائيه ما اقدر اسوي شي والله انا من اليوم الى مدة اكثر من اسبوعين اانا نت هييرررر اعتبرووني مسافره ماني موجوده مت ماني حيه اي شي اوكي يلااااااااا انا طالعه غرفتي لحد يزعجني..باااااااااااي
ام خالد:الله يوفقك يابنتي خلاص انا بأكله....
ومنى وهيا طالعه الدرج تشوف في جوالها
رهوووفه
يتصل بك
تبتسم منى:هلاااا والله بحيبية قلبي هلاااا وغلااا
رهف:ياوحشه فيييييينك عني كدا ماتستحي اربعه ايام ماتكلميني<<<المدرسه اعطتهم اسبوع اجازه عشان يذاكرو واربعه ايام بنبسى لصديقتين زي منى ورهف كتيييييير
منى:والله ياحبيبتي الناس يقولو السلام عليكم او كيف حالكم او هاي ولا حتى الاحباب يقولو وحشتيني ولا احبك ولا شي زي كدا ههههههههههههه مو كدا خبط لزق زيك وحشه ومدري شووو
رهف:ههههههههههههههههه خلاص ولاتزعلي والله انك وحشتيني اسمعي انا جيتك اليوم
منى:لا والله عزيمه مدفوعة التكاليف عشان تقولي كدا قولي ممكن ياحلوه طيب
رهف انقهرت منها:خلاص بطلت ماني جيتكم
منى:ياهبله لاتسوي غباء تدري اني امزح يلا الساعه كم بتجي
رهف:لا خلاص ماني جيه<<<تدلع تباها تراضيها
منى فاهمه رهف مظبووط.....
منى:طيب براحتك ما ابغا اغصبك انتي حره
رهف:ادري فيكي قليلة ادب وماتستحي على وجهك ماتصدقي تجيكي من ربنا لا ياحبيبتي جيه جيه ابغا اراجع معاكي الفيزيا وجع مررره صعبه وماني فاهمه شي منها<<<كدااابه هيا جيه عشان شي تاني...اكيد عرفتو ايش...جيه عشان ماجد قلها انه بيجي اليوم عند خالد فحبت تجي تشوفه لها اكثر من شهرين ما شافته...
منى:خلاص طيب تعالي وقت ماتبي انا دحين ابغا اخد لي شاور تبي شي
رهف:اوووفف طيب خلاص روحي الله معاكي



يتبع

[مشاعر حالمه]

يااااااااالله حرام عليك يالليث والله بكيت من موت نهااال الله لايغيّر علينا ولاعليكم

بس الحمد لله انه جا على خالد ولد حلوو على قولتهم ^__^

وخالد ماشاء الله باين من نهاية الجزء هذا انه بخير ولافيه الا العافيه هع

<== متابعه

[اللـــــيث]

يااااااااالله حرام عليك يالليث والله بكيت من موت نهااال الله لايغيّر علينا ولاعليكم

بس الحمد لله انه جا على خالد ولد حلوو على قولتهم ^__^

وخالد ماشاء الله باين من نهاية الجزء هذا انه بخير ولافيه الا العافيه هع

<== متابعه

شاكر لك متابعتك ....

[اللـــــيث]

*&* الجزء السادس*&*


وبعد ماتقفل رهف المكالمه تشوف رساله تقراها وتبتسم كانت من ماجد خلااص هيا اتعودت على الوضع كل يوم يرسلها اكثر من الف رساله ويقلها ايش يصير معاها بالدقيقه وزي كدا وهيا في البدايه ماكانت ترسله ببس اتغير الوضع في الفتره المؤخره وصارت عااايدي مررره ترسله وتستقبل منه...
رسالة ماجد
---------مجووودي-------
هاي حبيبتي وحشتيني ادري بتقولي امس مرسلك بس انا في كل ثانيه اشتقلك المهم كنت بأكد عليكي اني بروح بيت خالد اليوم فاذا تسمحي تتشرفي وتجي انتي كمان بس نفسي املي الشوق الي فيا من نظره من عيونك ارجوووكي...باااااي

المرسل:
مجووودي
**********966+
استحت رهف وماتدري ليه هيا متعوده على كلام ماجد الي دايماً يقوله بس هيا من زمان ما شفته من يوم السوق وماسمعت صوته من بعد ديك المكالمه وبعدين عندها احساس ان اليوم بيكون يوم مو طبيعي بنسبى لخالد وماجد لان العلاقات بينهم شبه منقطعه وكم مره خالد طرد ماجد وصارت مشاكل...لأن خالد اتغير وانعزل عن العالم من يوم ما ماتت حرمته وصار انسان تاني حتى عمله ما راحه واصحابه ما يدري عنهم حتى ولده الي هو ولده ما يدري عنه ولو شافه يسلم عليه عايدي ولا كأنه ضناه وحبيبه وقطع منه....
مسكت رهف الجوال وارسلت
هلا مجوود اممم خلاص اوكي نشوفك على خير
و حتى انا بروح عندهم انت لاتتاخر انا بروح على العصر بايوووو
-----------------------------------
وثواني ووصلها هالمسج
-----------مجووودي----------
وااااااااااو ميرسي يا احلى قمر خلاص موعدنا اليوم الله يسعدك زي مافرحتني يلا ابغا اتجهز من دحين عشان تشوفيني متشيك وزي القمر ههههههههه يلا باايووو حبيبتي


المرسل:
مجووودي
**********966+
-----------------------------------
المهم جا العصر وراحت رهف عند منى
رهف:امممم اقوول منووي ما جا عندكم اليوم احد...
منى وهيا مو منتبه لها اصلاً؟؟:مين بيجي يعني...
رهف:اممممم مثلا جيرانكم اممم اصحاب اخوكي
منى:اووووه اووووه تعاااااالي هناااااا قوليلي بسررررعه شوو الي بينك وبينه
رهف:بسم الله الرحمن الرحيم بيني وبين مين يا مجنونه؟؟؟؟؟؟؟؟
منى:بلا غباء انتي تدري وبعدين رندا الشطوره هيا اكدت لي
رهف:اوووفف اوفففف ورندا كمان تعرف بالموضوع يالهوي بالي اجل عز الله رحنا فيها
منى:هههههههههههههههههه انكشفتي ياحلووه وبعدين ماتدري رندووي اكبر ساحره على وجه الارض تقول من نظراتكم كشفتكم
رهف:ياااااااربي ايش دا الهم وبعدين مين قلك اني احبه او اهتم فيه اصلاً
منى:مو دوبنا نسأل عنه
رهف:امممم لا بس هوا قلي بيجي قلت اسأل
منى:واااااااااااااااااااه قلك كيف قلك يامجنونه اعترررررفييي بسررررعه انتي تكلميه؟؟؟
رهف:انتي تشوفي اني من دا النوع..
منى:امممم والله مافي شي بعيد عنك يارهوووفه يابنت حصه
رهف تضربها على يدها:ماتستحي ما اتوقعتك تقولي عني كدا
منى:شوف البنت يعني زعلت اقول دقي راسك في الجدر شوفي عندك اربعه جدران اختاري الي يعجبك ودقي راسك فيه
رهف: طيب شكراً يلا مع السلااااااامه
منى تجري وراها وتمسكها من يدها:يابنت ياهبله امشي اقعدي تدري اني امزح بلا غباء
رهف:بس انا ما احب احد يقول عني كدا
منى:ولاتزعلي ياقلبي اعتذر بس لازم تحكيني على الي صاير عشان اعرف
رهف:طيب بقولك اسمعي.....وتقلها على الي صاير بينهم
منى:تدري شكله يحبك من جد
رهف..........
منى:طب انتي تحبيه
رهف........
منى:ترى السكوت علامة الرضا
رهف:لااااااااااااااا ما احبه بس احس تجاه بمجرد اهتمام لا اكثر
منى:اهاااا قولتيلي
ويقطع عليهم كلامهم صوت صراخ جي من الصاله
وتطلع منى تجري وتلحقها رهف....ويطالعوو من فوق الدرج يشوفو شو الي صااير....
ماجد بصوت عااالي:والله هادي مو حاله عااد عازل نفسك عن الناس والعالم وكمان تعامل الي خايف عليك ويحب لك الخير اكثر من نفسه بي دي الطريقه ايش سوتلك انا ياخالد عشان تعاملني كدا قولي....دا بدال ماتشكرني لأني للحين ما فقدت الامل فيك ومازلت خايف عليك واسأل عنك
خالد:انت ماتفهم ولا مافي في مخك ذرة فهم اقلك ياخي ما ابغا اكون صديقك ماتفهم انتا ما اطيقك ما ابغا اشوف وجهك
ماجد:الله يسامحك ياخالد تضيع عشرة كل هالسنين في تفاهة عقلك
خالد:كمان تفاهه اقوول انقلع من قدامي بسرعه اطلع بره البيت
ماجد:تطردني ياخالد وصل فيك الحد انك تطردني
خالد:ايوه طبعا اطردك واطرد ابو اهلك انت مو من حقك تكلمني كدا ابويه الي هوا ابويه ما كلمني بدي الطريقه جي انتا على اخر الزمن وتتحكم فيا وتنصحني وكمان تقولي تافه الا انت التافه محد غيرك اخرج بره بيتي
ماجد.................طععع ععععععععععععععععع لا شعوريا اعطاااااه دااااك الكففففففف الي يكسر الوجه وقاله له بصوووت يكسر الدنيا:اصحى يا خااااالد اصحىىىىىىى
خالد ما استوعب الي سواه فيه ماجد.....وماجد اصلا ما اعطاه فرصه يستوعب وطلع من البيت يجري لانه ما قدر يستحمل الي صار له ولا الي هوا سواه فطلع من البيت يجري ودموعه في عينه......خالد صديق عمره وحبيبه يعامله كدا وبي هالطريقه مستحيييييييل......
رهف عورها قلبها على ماجد مسكين ما سوا شي يستاهل كل دا...
رهف:والله مو من حقه اخوكي يسوي فيه كدا
منى:اي والله ولا ماجد من حقه يعطيه كففف شو الدنيا بكيفه وبعدين شوو نسويله خالد اتغير يا رهف ما صار خالد الاولي دا انسان نحنا مانعرفه اخلاقه وطبعاه غير انتي شايفه بنفسك فين خالد الي دايما يضحك ويمزح ويتكلم ولا يهمه شي قدام هالادمي الحزين الكئيب المحطم الي دموعه على وجهه اربعه وعشرين ساعه قدام هالانسان الي كره كل هالعالم حتى اقرب الناس ليه ولده الي هوا الشي الوحيد الي طلع له من نهال مو سأل فيه ولا يدري عنه وماجد الي هوا صديق عمره شفتي انتي شو عمل فيه والله حراااام اخويا يضيع كدا.......وتنزل دمعه من عيون منى
رهف تمسح دمعتها:بس لازم تسوو له شيي مايصير يسوي في نفسه كدا الحرمه وراحت في سبيل حالها وربنا قدر يصير لها وله كدا مايصير يموت نفسه قبل موعده ويهدم حياته بيده
وفجئه....يسمعو صووت عااااالي صوت ارتطام صوت صراخ صوت ايش مايدرو بس ما اهتمو فيه وكملو كلامهم.........
منى:الكل عجز والكل حاول الا ماجد الي شفتيه دوبك كل يوم يحاول يتصل يسأل يجي يحاول بكل الطرق بس خالد...والله ما اقول غير الله يهديه وبس
رهف:ااامين الله يعينكم ياارب......ويرجعو الغرفه ويسمعو اسعافات وشرطه ودنيا مقلوبه...
منى:بسم الله ايش صار في الدنيا تعالي نشوف من الطاقه
رهف:ويييييي ياقلبي لايكون ماجد صار فيه شي شوفي مو كأنها هالسياره سيارته
منى:اي والله هيا سيارته الله يستر تعالي ننزل نقول لخالد
رهف ارتبكت وخافت على ماجد مررره ومره قلبها يعورها حاسه انه صار فيه شي
منى:خالد خااااااااالد الللحقققققققققققق
خالد............
منى:ماجد سوا حادث برا البيت والدنيا مقلوبه شرطه واسعافات وحاله
خالد.......؟؟؟؟؟؟؟!!!!!!! !! ما استوعب الموقف وصار جامد في مكانه ما يتحرك
منى تهزه:خالد خالد روح شوف صاحبك لا يكون ماااات
رهف من فوق وهيا تجري:لاااااااااااا تقولي كدا يامنى امشي انا رايحه اشوف ايش صار له
خالد ودوبه يستوعب الموقف ويصحى:وقفي محلك انتي وهيا ماعندنا بنات يطلعو في هالاشياء انا رايح اشوف ايش صار
ويطلع خالد وهوا يجري ويمسح دمعه طلعت من عينه بدون محد يشوفها
الحادث قررريب من البيت مررره تقريبا قدامه بكم متر.....
خالد:ماااااااااجد مااااااااجد لو سمحت يا اخ انت ايش صار في الولد الي في دي السياره
العسكري:والله مدري مانا قادرين نطلعه مره السياره مطبقه شكله اكيد مات
خالد:لااااااااااااااااااا ااااااااااااااااااااااااا ااا ماااااااااااااااااااااااا ااجد
ويجري خالد على السياره زي المجنون ويحاول يطلع ماجد وبكل قوته ويكسر في السياره الين ما يطلع ماجد منها والدم يغطي كل شكله ويغطي ملابس خالد لانه شايله..
خالد:مااااااااااااااااااا اجد حبيبي انا اسففففف والله اسف ما كنت اقصد لاتمووووووووت ياماااااااااااااااااااااا جد انت الي باقيلي في هالدنيا ماجد لاترووووووووح ارجوووووووك حبيبي......
رهف تشوف كل شي من مكانها وتطيح على الارض:لاااااااااااااااااا ااااااااا ماااااااااااااااااااااجد لااااااااااااا يامنى ماجد لا يموت الله يخليكي ابغا اروح اشووفه منىىىى الله يخليكي
منى وهيا تمسكها:اقعدي محلك يامجنونه فين رايحه ما ينفع تروحي في وسط كل هالرجال ان شاء الله يكون بخير
رهف:لا شوفي خالد ايش بيقول اكيد ماجد ماااااات لا ياااااااربي ماجد حبيبي لا يموووووت<<<اول مره تعترف رهف انه ماجد حبيبها
منى:اقعدي محلك يامجنونه دحين نشوف ايش يصير
وفي الشارع
خالد:يا هووووووو تعالوووو شيلووو الرجال ماتشوفوه كيف شكله تعاااااال يااخ انت ساعدني ادخله سيارة الاسعاف.....
وفي المستشفى......
خالد:ها يادكتور طمني
الدكتور:انت ايش تقرب له
خالد:انا صاحبه وزي اخوه
الدكتور:اهااا والله مدري ايش اقلك بس حالته جداً صعبه اصابته في العامود الفقري ولازم نسويله عمليه بأسرع وقت والعمليه نسبة نجاحها 10% بس ولكن اذا ما سواها بينشل شلل كااااامل....
خالد......انصدم لمن سمع كلمة ينشل اتردد صداها في باله اكثر من مره ينشل.....ينشل ماجد بينشل.....وعمليه....ونسبت ها ضعيفه....شلل كااااامل....خالد في نفسه لاااااااااااا مستحييييل انا السبب لو كان ماعملته كدا كان ما طلع معصب وسوا الحادث لا ياربي ما ابغا اكون سبب تعاسة اعز انسان بعد اهلي بالشلل لا ياربي اشفيه ياااااارب
الدكتور:اخ خالد فيك شي
خالد والدموع تنزل من عينه:هاا ايوه لا مافيني شي اممم بس ممكن ادخل اشوفه
الدكتور:اممم طيب بس دقيقه حالته ما تستحمل وترى لازم يجي احد من اهله عشان نسوي له العمليه بأسرع وقت
خالد:ان شاء الله ببلغهم
الدكتور:هيا اتفضل
ويدخل خالد الغرفه ويشوفها مليانه بلأجهزه والاشياء الغريبه المحطوطه على ماجد
خالد يقرب منه ويمسك يده ويقعد يبكي عليها ويقول له:اســف يا ماجد اسف يا اعز صديق عندي اعتذر يا اخويا ويا قلبي اعتذر والله مو بيدي بس انا فقدت انسانه ملت حياتي وكياني وصدمتي ماهي بهينه صحيح انت حاولت لكن ادري انا الغلطان ارجوووك تسااامحني الله يخليك لاتسيبني زي ماغيرك سابني مااااااجد ماااااااااااااجد ماااااااااااااجد لا تسيبني ارجووووووووووك<<<ويرتفع صوته في هاللحظه
وفجئــه ارتفعت اصوات الاجهزه واطلقت انذارات غريبه انفجع خالد وزاد قلقه
خالد:ماااااااجد مااااجد سااامعني
وفجئــه يفك ماااجد عيونه بطريقه غريبه ويبتسم بشحووب لمن يشوف خالد:خالد انت هنا
خالد:ايه يا بعد قلب خالد سااااامحني مااااااجد ساااااامحني ارجوووووووك
ماجد:مسامحك يا صاحبي مسامحك يالغالي انت الي سامحني
خالد:انا الغلطان وربي ياماجد ماكنت اقصد الي قلته بس انا كنت معصب وانت ادرى بحالي ووو....
ويقطاعه ماجد وهوا يحط يده على فم خالد......
ويقول له وهوا بيمسح دمعه بأصباعه طلعت من عيون خالد:خلاص ياخالد انسى الي فات وخلنا نبدى بلي جي
خالد ماصدق الي يقوله له هالانسان العظيم الي قلبه كبير ونزلت دمعه من عينه وحضنه وجلسو الاتنين يبكووو......
ماجد حس بالتعب فحب يلطف الجو فبعده عنه شويه وقال:خلاااااص يا الحبيب ترى اعطيناك وجه زياده عن اللزوم
خالد يضرب ضربه خفيفه على يده:وانت ماتتوب من هالحركات هههههههههه
ماجد يبتسم:لا ياحبيب قلبي مدام في عندي قلب ما اقدر اتوووب آآآه
خالد؟؟؟:فيك شي ماجد ازهم لك الدكتور
ماجد:آآه لا مايحتاج بس ابغا ارتاح
خالد يغطيه:ارتاح وانا طالع واعتذر مره تانيه يالغالي
ماجد يبتسم له ويسك عيونه بطريقه كأنه اغمي عليه
ويروح خالد ويزهم الدكتور....
وتزداد الانذارات والاضواء الحمره في الغرفه فيجيو الدكاتره
الدكتور:يا دكتور مهند يادكتور فهد انقلوه على غرفة العمليات بسرررررعه
الدكتور مهند:طيب طيب يلا بسرررعه فهد
ويطيرو الدكاتره على غرفة العماليات وخالد مو مستوعب الوضع ايش الي بيصير
ويوصل في هاللحظه اخو ماجد...
نواف:خاااالد فين ماااجد
خالد...........
نواف:خاااالد فيييييين مااااااااجد
خالد:ها ايوه هلا....هوا في غرفة العماليات
نواف:ليييه مو قلتلي لسه لازم احنا نجي وبعدين يسوو له
خالد:والله مدري يانواف فجاءه الدكاتره اخدوه على الغرفه طيران بدون ما يقولولي شي
نواف:الله يستر بس
وبعد اكثر من تلات ساعات في بيت ابو خالد........
رهف:منىىىىىىىىىىىىى ماااااااااااااجد يامنى ابغا ارووووووح له
منى:يامجنونه فين تروحي ايش الموضوع هوا لعبه ماتقدري تلاقي الدنيا هناك مقلوبه انتي شو يوديكي بين الرجاجيل والهيلمان الي هناك ومالك اي صفه تروح تسألي عنه فيها........
رهف حست انها بتفقد ماجد وانها ماتقدر تكلمه ولاتشوفه تاني وفرصة انها تتطمن عليه مستحيييله فبدت تبكي لاشعورياً ودموعها تنزل على عينها.....
منى:رهفففففففف شووووو فيكي حبيبتي
رهف........
منى:شفتي قلتلك تحبيه وتموتي فيه كمان مو بس تحبيه
رهف......
منى:اعترفي بسرعه يلاااااا
رهف بصراااخ:ايوه احببببببه وامووووووت فيه كماااااان خلااااااااص ارتحتي
وتحط رهف يدها على وجهها وتبكي وتشهق من كتر البكا....
منى انصدمت من الطريقه الي قالتها منى بس ماحبت تعلق لان رهف من جد معصبه ومنهاره......
منى:طيب يارهف هدي وقومي روحي بيتك احسلك ترتاحي شكلك مره تعبااانه واي شي جديد بيصير ببلغك
رهف تمسح دموعها:طيب خلاص بروح بس بلغيني اول بأول الله يخليكي واذا ممكن تخلي سواقكم يوصلني
منى:طيب ان شاء الله ويلا امشي انا بوصلك معاه
وفي المستشفى....
خالد:نوااااااف مو كأنهم طولو ليهم تلات ساعات واكتر ما طلعووه لايكون صار فيه شي
نواف:لا سمي بالله لاتفاول عليه ان شاء الله خير
خالد:امييييين يااااااارب
ويقطع عليهم كلامهم الدكتور بخروجه المفاجئ.....
الدكتور وبشكل حزين ووجه شااااااحب:ماجد..




يتبع

[حــنــيــن]

الليث............

معـــــــــــــك..

يعطيك الف عافيه...

[اللـــــيث]

الليث............

معـــــــــــــك..

يعطيك الف عافيه...

تسلمين على متابعتك ...

[sha3noona almajnoona]

الليث


يعطيك العافيه



متى راح تنتهي القصه



:)



احب اقراها كامله اسلوب التشويق يعذبني





موفق

[اللـــــيث]

شعنونه

لا بد من اسلةوب التشويق ,,,

واذا ظل الحال على كذااا راح الغي القصة ... لانه ما اشوف متابعه ...

ما اشوف الا مشاعر حالمه .... وصراحة ما ابي اعلقه بالقصة ...شكلي برسل لها بقية القصة على الخاااصة ...

[sha3noona almajnoona]

الليث قووواك الله






ننتظر باقي الاجزاء :)



خلصت القصه باقي تكملها لنا يالطيب










موفق

[اللـــــيث]

ابشري بالخير ....

[هَذْيَّان]

[align=left]انا ماأحب أحتري الأجزاء

:

الليث..

لي صارت كامله

بلغني

أيه مابي تمرمرني..

:

وأنا فضووليه مووت أبي أعرف الأحداث قبل أقرأ..

:

هههههههههه

:

تسلم

وبسرعه كملها..حراام..[/align]