بعد ماخلصت غداي وقمت من على السفرة رحت غسلت يديني
وكعادتي في نزول الدرج امشي على مهلي المهم طبعا تعرفون تاثير ضرب الخمس على الدمجة فهي تغطي على البصر وتجعله مشوش
المهم يوم اني امشي واشوف ذا ك الشيء المدور يلمع واطالع اتمقل فيه ياولد وش ذا المهم قلت اكيد شي
غريب المهم واخذ المزهرية اللي جنبة والفخها في هذا الجسم الغريب الا ويطلع شين حمر منه تدرون طلعت دمجة ولد عمي
المهم وانا والله احطها في الريوس وارجع للغرفة وولد عمي هج من الدم اللي دمجته المهم شافني ابوي وقال زود وش فيك راجعن مبكر اليوم غريبة قلت انا من باب التميلح ابوي انا ماعادني بعاصي لك امر من الحين <<<= مصلحجي
المهم ويدق الجرس رنن اليمن من جد المهم وانا احط الاسبيكر (( السماعة ))
يعني على وذوني واتسمع طلع عمي جاين معصب تتواقد من عينيه شرارة غضب
المهم وانا اسكر السماعة وعلى صكة السماعة جا ابوي يقول من هو ذا
قلت هذا الله يسلمك ابو ناصرن جاي يبغى الاجار <<===== يعرف يصرف
المهم انا طبعا ضمنت انه ماهو خارج اليوم من البيت خوفن من بو ناصر صاحب البيت المهم قال ابوي اعطيه زلب ولاترد لو انه يموت هب عليه باقي على الشهر كم من اسبوع وجاي الحين
ويمر اليوم بسلام
في اليوم التالي
كنت مستغرقا في النوم العميق المهم ومادريت الا ذاك اللي تالني من علباي يصارخ علي
ويقول زوييييييييييييييد اجل اللي جا امس ابو ناصار هذا عمك ابوك على ابو اللي جابك انت ماتستحي
يوم انك تفلق ولد عمك وبعد تصكر السماعة في وجه عمك قلت ليه بااب اسكر في وجه قال هييييييه انت امزح معك انا
قلت لاوالله محشوم <<<<==== محترم
المهم تجي الوالد وتصيح
وليييييييدي
ولييييييدي
وليييييييدي
شوي شوي على وليدي يابوزود
قال ابوي ياحرمه هع هع هع الفقيها بس
المهم قالت الوالدة عندي حلن يرضي جميع الاطراف قال وشنهو
قالت نزوج زود
وانا اللي ينقلب مخي 180 درجة وجهي يصير طماطه واصيح واقول لا لا لا لا مايصير ابي امي ابي ابوي ماابي اتزوج <<<<==== ترا امزح
المهم قلت لامي من هي تعيسة الحظ اقصد سعيدة الحظ قالت لي بنت عمك ياوليدي
قلت يايمة ودي اشوفها
الشوفة الشرعية طبعن
أنا ما عندي استعداد اشترى سمك في مويه
.. ولو الود ودي انى أشوفها وتوها صاحيه من النوم ...بس صعبه تجى تخطب عالصباح ...وثاني شي عندها أخوان الواحد منهم كنه فيل ابرهة الاشرم أخاف أروح لهم يقلبون المجلس حلبه مصارعه...
قال ابوي : : وش عليك من أخوانها ...
قلت :اجل بتطلع على مين اقلها الديزاين<< أمريكي الله يجيرني...
جتنى أمي الله يخليها.. يازين أمهاتنا على نياتهم تبى تزوج ولدها وتغنيله من يوم هو باللفة {....}..المهم
قالت: وش رأيك في كلام أبوك يوم كلمك عن موضى تراها حلوه وزوينه ...
قلت: مين تشبه
قالت فيها من بياض السوريه << جارتنا
قلت :هذى لونها قمحي ...
قالت :لاحقتها شوى شمس بس ما يضر...
وقلت: مين بعد ...
قالت: سلمك الله ياولدى ..قاصه شعرها مثل قصت فطومه ...
قلت :فطومه ذي من يوم طلعت من بطن أمها وهذا شعرها ؟ ...وحتى مأخذين منه عينه عارضينها في متحف ميونيخ...كعينه للطلح العربي يمه الله يخليتس أنا أبي مراءه ما أبى بودي قارد...
قلت :العيون أهم شي العيون يمه أبيها مثل اللي يطلعون في مجلة فواصل ..
.قالت : عيونها كبار تقول فنجال قهوة ...
قلت: لا تكون عيونها مضفدعه
...قالت: شوى بس تحط كحل وتظبط .
..قلت: هي تحب الكوره ..
قالت: ليه يا ولدى
..قلت :علشان ما ابلش لا جاءت مباراة ما تقول ودنى السوق. ..
قالت: لا تخاف وبعد تراها تشجع المنتخب
..قلت: والله بلشه من له نفس يشجع المنتخب بعد الثمانية بس مهى مشكله أهم شي عندها ميول رياضي وأنا باطوره..
المهم جاني أبوي وقال تراهم موافقين تشوفها والوعد الليلة.. المهم اتفقت انا والوالد الله يحفظه...إذا أعجبتني العروس ارفع العقال شوى...وإذا ما أعجبتني أميل العقال ...المهم رحت أنا وأبوي لعند عمى.. الله يا شينه قام يدقق فيني وأنا طول حياتي معه . . ما بحلق بعيونه إلا ذي المرة ...
قال :الله يحيكم... محنا بلاقين احسن من زود طبعا وقتها قمت ورحت حبيت رأسه مدري ليش طرالى احبه
وشوى واسمع صوت البناجر ...صدق من قال { نعومتها من خشخشة بناجرها}
...ويوم فتحت الباب وشفت ظهر أيدها مليانن شعر
قلت: أبوها حاله وأميل العقال...
ويوم تمقلت زين في الباب طلع أخوها أبو لحمه راس ...
وقال: أدخلي يا موضى... وارجع واعدل العقال.
..وجلس أخوها حولي وقال: تحب كوعك ولا تعرس عليها
..فرديت وقلت :همانى فالع راسك من قبل واليوم باخذ اختك ودواك عندي ..
قال: بنشوف وطلع من المجلس ..
ويوم دخلت قالت: السلام عليكم وحبت فوق راس أبوي ..
وقلت :هلا أم جنيني<< سبيكة..
فراحت واندست ورى أبوها..
فقلت :وراتس تعالى حولي.. فقام عمى يكح كح{بيى يصرف} ...فقمت ونقزت حوله وادق على ظهره وأقول بسما لله عليك واظمه ويوم ظميته خشيت جو رومانسي وامسح على شماغه وعيني بعينها ... دفني عمى وقام طالع فيني وحسيت من نظرته يقول وش ذا البلشه..
المهم رجعت محلى وكل ماطا لعنى أبوي رفعت العقال.
.قام أبوي يتكلم مع عمى ويقول: أبشرك ناقه بن مسدر لقوها في شعيب بن سالم.
.قال عمى :الحمد الله الحلال ما يضيع ..وأنا قاعد أبوس أيدي وأرسل لها (*******)... مشينا وقمت حبيت راس عمى واغمز لها من على رأسه.. صدق من قال {{ نظره وبسمه وغمزت عين }}...
واحنا في السيارة قال أبوي :ها عجبتك..
قلت :غير الدفع الرباعي لا دور..
المهم وصلنا البيت ويوم شافتنى أمي قالت: ها بشرو أن شالله خير ..
قلت :حرام عليتس يمه بسكووووله..بسكووووله ...
قالت :وش كبسولته ..والله أنها أطول بنات الجماعة..
قلت :لااااا أنا اقصد باسكال المشعلانى وطلق بعد..
.قال ابوى :لالالا قصده باسكال رئيس وزراء افريقيا ها هاهاها<<بتشديد الهاء لان أبو اللي يضحك
وفي اليوم الثاني من صباح الله الخير قمت ورحت عند عمى أبو مدامتى ..وأدق الجرس فرد على عمى
وقلت جاى افطر معك يا عمى ..
فقال الله يخارجنا ادخل..
.فقلت ادخل وألا اقلط.. يعنى ادخل المجلس وألا اقلط في الصالة..
.فقال يافغره البيت مليان حريم ادخل المجلس ..
المهم دخلت المجلس وريحة العود تفوح منه...وش ذا العود بالربع يخلى الواحد يتهيض ...دخل عمى على وأنا قاعد أسوى بروفات
واصوت أقول: موضى زيني القهوة
فقال: وراك شايل الكلفه من أول يوم
...قلت: يا عم المقصد سلامتك أنا رجالها ودي ازهب للعرس بسرعة واتزوج...
قال: خلاص جيبو المملك وأبوك معك
..قلت: وش المملك ..أنا مملك نفسي عطني ورقه وقلم واوريك الشغل كلها شخطتين وهل قبلت بها ...وأوقعها من عند العمدة...
خذا التلفون ودق على أبوي ...
قال :اسمع ياخوي ترانا هونا من العرس
..قال: اكيد الغثا زود عندك..
نقزت عنده وحبيت رأسه وايدينه واقول : تكفي يا عم السناره غمزت..يعنى على بلاطه يا عمى ماني جاى علشان سواد عيونك..جاى علشان شمعت حياتي....
حذفني بالتلفون .
.وقال: مع الف سلامه مافية نصيب ..وسحبني وطلعنى برى بالقوة. .. وأدق الجرس عليه مره ثانيه. . واقول له كنادري نسيتها بالدرج يوم ارقى فوق خل موضى تنزلها لي الله لا يهينك وشوى ألقاها ناطلها من فوق البلكونه..
واجى عند أبوي واقول : تكفي عمى زعل على وطردني..
قال: قلعتك تستاهل ماجاك ..ناشب له من يوم تصبح لين تمسى وأنت عندهم..نجلس يومين لين يهدى عمك وبعدين نسلم عليه وتعتذر منه ..
صبرت يومين ما دقيت جرس عمى ..بس سويت خمسات على بيتهم أدور عليه دواره ..حتى الشارع انحفر.. وبعدها رحت أنا وأبوي وتسامحت من عمى....
ويجى أخوها أبو لحمه راس ويطالع فينى. ..
ويقول : انا مانيب راضى على زواجهم ..نقز عمى وقال: لاما صرت رجال خذينا رايك..وانا اللي انقز عنده
واقول :إذا ضبطت المسألة بتسافر معنا شهر العسل {ميم ميم }محمول مكفول ...
قال :أنا أبى أسبانيا...
قلت :بس ابشر على خشمي.. وفى ويوم الزواج قلتله لاتسئل ولا تعب نفسك اركب الطيارة ونام ويوم قرب الليل سفرته على
=
=
=
=
=
=
=
=
= =
=
=
=
=
=
=
=
=
=
بوركينا فاسو
قفلة :
ماحد يسلم مني :تصفير: اتمنى يعجبكم حتسي
رد مع اقتباس
