شفت الألم في عينها

[جواهر عبدالله]

بسم الله الرحمن الرحيم

السلام عليكم ورحمة الله وبركاته

اللهم صل على محمد وعلى آله وصحبه أجمعين

،

،

[poem=font="Simplified Arabic,4,black,bold,normal" bkcolor="transparent" bkimage="backgrounds/45.gif" border="inset,4,gray" type=2 line=0 align=center use=ex num="0,black"]
كل البياض أعشقه وأهوى طواريه =إلا سرير(ن) للمرض والونيني
أنا الألم يا ناس بالحيل ما أبيه =يفتح مواجعٍ ماضية من سنيني
شفت الألم في عينها وصرت أرجيه=تكفى طلبتك خلها وأحتويني
ما بيدي شي(ن) أقدر إني أسويه=غير الدعاء من قلب دايم حزيني
غاب الفرح والحزن تهت بأراضيه=ما غير أدوّر وين فرحي وويني
يا عين كفي الدمع بالله كفيه=ماعاد باقي دمع في وسط عيني
زاد الألم في جدتي يوم أنا فيه=نادت جواهر من عناي الحقيني
بعيونها لوم وعتب مع مشاريه =يا جدتي لبيه بس آمريني
عن عينها دمعي أحاول أخبيّه=ضميت يدها وسط راحة يديني
‎رجيتها بنظرة يتيم(ن) تساويه=دمعة طفل ما عاش لحظة حنيني
لا ترحلين وقربك بعمري أشريه=يا جدتي تكفين لا تتركيني[/poem]

[rams]http://www.5ymah-up.net/upload/upload/wh_67622059.ra[/rams]

أداء المنشد / أبو نواف .

،

،

وللجميع أطيب التحايا .

[فزاع الهاجري]

يا عين كفـي الدمـع بالله كفيـه
ماعاد باقي دمع في وسط عينـي
زاد الألم في جدتي يوم أنـا فيـه
نادت جواهر من عنـاي الحقينـي




جواهر قصيده معبره وشعور صادق



صح الله السانس مدد بلا عدد



تقبلي تحياتي

[جواهر عبدالله]

فزاع الهاجري

،

،

صح بدنك .. وألف شكر على تشريفك .

[فوووووشي]

عن عينها دمعـي أحـاول أخبيّـه
ضميت يدها وسط راحـة يدينـي
‎رجيتها بنظرة يتيـم(ن) تساويـه
دمعة طفل ما عاش لحظة حنينـي
لا ترحلين وقربك بعمري أشريـه
يـا جدتـي تكفيـن لا تتركيـنـي

تتركيني

اووووووووووووه يا جواهر ..مير انتك قلبتي على قلبي المواجع

دووم كلماتك عذبه وتحاكي واقع مرير..

الله لا يفجع قلبك في غواليك ويا ربي تكون هذي الآلآم آخر اتعابكم

والله يشفي جدتك ويقومها بالسلامه..

وانشاد ابو نواف جميل يخالط شغاف القلووب الله يحرسه

صح بدنك وصح قلبك يا جوهرة غرابيل المصوون

[مازن]

جواهر عبدالله

قصيدة في غاية الروعه من التأثير


أشكرك على نقلك لنا هالقصيدة الجميلة

لاهنتِ

[جواهر عبدالله]

|◄ فوشي ◄|



الله يجزاك خير يا الغالية

وألف شكر على تواصلك .



لا عدمتك .

[جواهر عبدالله]

|◄ مازن ◄|



يا هلا فيك

والقصيدة من كلماتي .. وليست منقولة .



أشكر لك حضورك .

[بـــشـــرى]

جواهـر عبد الله

.......................

صح لساانك مليون ولا يكفوون

والله يعطي من قالها ( أبو نواف ) ألف خير

تحيتي لك

أختك .. بـــشــرى

[روح طفلة!!]

شفت الألم في عينها وصرت أرجيه
تكفـى طلبتـك خلهـا وأحتوينـي

روـوـوـوعــــــــهـ
مآشآء الله
تسلميـــن يآ الغلا
وربي يعطيكـ الفـ عآفيــــهـ

لآتـحرميــنــآ من جديدكـ

تقبلي مـروري

[جواهر عبدالله]

|◄ بشرى ◄|



الله يعافيك يا رب

نورتي المتصفح ..



أشكر لك حضورك .

[جواهر عبدالله]

|◄ روح طفلة ◄|



الله يعافيك يارب

والروعة في حضورك ..



ألف شكر لك يا الغلا .

[دلوعةأمها]

يسلموووووووو

مشكور اخي