[align=center]مساءكم سكر :
.
.
.
قصيدة كنت ( مخبيها ) للأدوار النهائية في مسابقة غرابيل التي خرجت منها بكل راحة بال . . أضعها بينكم تمنياتي أن تنال رضاكم :
.
.
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
تعبت من كثر السهر والتفاكير = ليله ورى ليله . . وعام ٍ ورى عام !!
القلب وأنهكته طوال المشاوير = والعين ماعادت تهنى بالأحلام !!
ياصاحبي ماعاد للذنب تبرير = العذر جاني . . والهوى سيد الأحكام !!
وأوضاعنا محتاجه ( شوي تغيير ) = يمكن يقوم الحظ وتطيح الأوهام !!
دايم حكايات المحبة أساطير = واللي يميزها عن الغير الآلام !!
من عهد ( قيس بن الملوح ) إلى ( الزير ) = والحب متميز بتحطيم الأرقام !!
يعلم ( العاشق ) فنون التعابير = ويعلم ( المعشوقه ) ( فنون الإجرام ) !!
وأنا مابيك تحب من قلب وتغير = أبيك . . ياسر الحزن . . عذب الانسام !!
تجرب غيابي ولاحظ وش يصير = وأنا بجرب غيبتك طول الأيام !!
وإذا شعرت ان الحزن داخلك غير = وقلبك تنهد هم في صمت وهيام !!
وإشتاقت أسماعك لـ ( تصبح على خير ) = تعال تلقاني على خبرك العام !!
مغرم . . ولك بالقلب حشمة وتقدير = وقلبي يقول من الوله كل ماهام !!
( فرقاك ياسيَد جميع الغنادير = ماتشبه إلا العيد بعيون الأيتام ) !![/poem]
.
.
للجميع تحياتي ..
أخوكم : منصور الحربي ( مغترب )
16/4/2007م [/align]