اتصلت بي باكيه ولمست مدى الصدق في حديثها من خلال نحيبها الذي لاينقطع , تعاطفت معها بشده وشرحت لي معاناتها التي تتمثل في اصرار والدها على تزويجها بالقوه من شخص لاترغب به ..لم يكن في يدي حل او عصا سحريه فطلبت منها مهلة يومين , لم أنم ليلتها افكر في كيفية حل مشكلتها , كانت الحلول كلها صعبه والطرق مغلقه .. هداني تفكيري - بعد هداية الله وتوفيقه- الى استخدام لغة العاطفه من خلال قصيده اكتبها على لسان الفتاة لتخاطب بها اباها , استحسنت الفكره فكتبت القصيده وبها جاء الفرج من الله فاتصلت بي لتزف لي البشرى حيث أقسم والدها الا يزوجها بدون رضاها وبادر بفسخ خطوبتها ..
[poem=font="Simplified Arabic,5,black,normal,normal" bkcolor="sienna" bkimage="" border="solid,3,black" type=1 line=0 align=center use=ex num="0,black"]
يابوي خلوني على كيفي اختار = يابوي هذا العرس مابه غصيبه
يابوي لاترمون قلبي على النار = وتصير بكره ياجماعه مصيبه
يابوي انا اللي عارفه كل الاسرار= قلبي وانا ادري في دواه وطبيبه
يابوي انا مليت من كثر الاشوار= والموت من شور القريب لقريبه
يبه .. يبه .. يامكرم الضيف والجار= ياسيدي ياتاج قلبي حبيبه
لو شفت دمعي تالي الليل مدرار= النوم حاربني وانا له حريبه
في خاطري هم .. وهواجيس وافكار = ماجابت الورقا من النوح اجيبه
الله يعين الي من الهم محتار= اعيش في دنياي مثل الغريبه
الحلم الاول مات يابوي وانهار= ذبحت حلمي ليه .. والله عجيبه
يابوي زاد الهم ضاقت بي الدار = صارت حياتي ياحياتي صعيبه
وشعاد لو في غرفتي ورد وازهار = اشوفها يابوي مثلي كئيبه
ياتاج راسي لاتحمّلني أوزار = تكفا طلبتك .. لاتزيد المصيبه[/poem]
رد مع اقتباس
[/align]
