رسالتي للشاعر الكبير عايض العتيبي ( الصريح ) والرد عليها ,,,,,,

[ناصر القزلان]

تلقيت ومجموعة من الاخوة دعوة كريمه من الاخ الشاعر / عايض بن سرحي العتيبي ( الصريح العتيبي ) لزيارته في مكه المكرمة , فتمت الزيارة بحمد الله يوم الخميس 3 / 3 / 1428هـ في منزله العامر , وقد وجدنا من الحفاوة والترحيب مايعجز الوصف عنه , فجاءت هذه الابيات المتواضعة تعبيرا ًعما دار في نفسي والاخوة الكرام فقلت :


[poem=font="Simplified Arabic,5,green,bold,normal" bkcolor="transparent" bkimage="" border="solid,2,green" type=1 line=0 align=center use=ex num="0,black"]
قال التميمي يوم نوّخ له القاف = ابيات يرسمها القمر في مداره
سلام يابيت ٍ على حيد مشراف = لاصرت في بابه تشوف المناره
منارة ٍ تشرف على خير الاوقاف = قبلة هل التوحيد رمز الطهاره
سلام عد اللي على الدايرة طاف = صلى صلاة الصبح والاستخاره
ينصا الرفيق اللي للاجواد مضياف = ماقام يحسب ربحها والخساره
عايض ولد سرحي ذرا كل خواف = أمير لو ماشال ختم الاماره
له في طريق المجد والعز ميقاف = ماياخذ من القسم غير الفقاره
بالمرجله وافي وبالشعر عراف = وعند اللوازم دوم رهن الاشاره
غطى على شعر العصيمي وصياف = تقول يبني بالقوافي عماره
لو للكرم كلمه تحدث بالانصاف = عطاه من صرف المعاني قراره
جيناه والمكتوب بالعين ينشاف = من يوم جتنا دعوته للزياره
حفاوة الترحيب من كل الاصناف = صدق المحبه والوفا والحراره
من روس قوم ٍ جاوزوا كل الاوصاف = رجالهم بالطيب يقدح شراره
تسلطنوا في نجد وافين الاطراف = قبل الرخاء بالدار يرخي ستاره
عتبان حدوها على كل الاعراف = ماسايسوها بالدهاء والشطاره
الا بحد الرمح والسيف قصاف = لاثور البارود مع كل غاره
يوم الذهب مايصرفه كل صراف = حطوا على ختم الشجاعه شعاره
أخذت لي مع هاجس الشعر محراف = ابيات من فكري مشت في مساره
ماتوفي الفكره ولو كانت آلاف = لكن عن التقصير ساق اعتذاره
يخاف من ناس ٍ يحبون الارجاف = وكبودهم دايم عليها مراره
وختامها صلوا على نور الاشراف = اعداد من زار المدينه وزاره [/poem]


[align=center]وقد رد علي الشاعر الكبير / عايض بن سرحي العتيبي بالابيات التاليه :- [/align]

[poem=font="Simplified Arabic,5,darkblue,bold,normal" bkcolor="transparent" bkimage="" border="solid,2,darkblue" type=1 line=0 align=center use=ex num="0,black"]
ماهل همالاًً ومارف رفاف=مزناًً تضاحك بارقه في سماره
وماخايلوه أهل المزارع والأرياف=وساقو علية اهل المواشي بشاره
يامرحبا بالخير النادر الواف= نمراً تسلسل من مجاني نماره
بني تميم اللي يقودون الأسلاف=ويطوعون اللي براسه نعاره
في نجد وأطراف الجزيرة والأسياف=بنولهم مجدن عظيم وحضاره
يوم السنين الماضية غبر وعجاف=بفعولهم نالو مكان الصداره
ماعلقو عاني ولاحطو احلاف=حليفهم سيف الظفروالجساره
واليوم نالو ورتقو كل ماناف=قاده وحكام وقضاة ووزاره
تميم عادات وتقاليد واعراف=ومجداًً بني ساسة وثبت اجداره
ترضى ويرضون الشوافع والأحناف=والحنبلي والمالكي في دياره
وتغضب ويغضب مدن وشعوب وضفاف=واللي يمين اطويق واللي يساره
ياناصر القزلان للورد قطاف= وانت اقتطفت اليانعه من ثماره
الشعر فيه من الجواهر والأصداف=نوعاًً كسب منه التميمي اخياره
والشعر صيد ابوارديه وحواف=يحتاج قناصه فنون ومهاره
وان نزهه راعيه عن كذب وسفاف=يصير له دايم رصيد وتجاره
ومن يختصر قوله عن اسهاب وسراف=اخذ جميله ورتقا بالعباره
ونا طلبت ابيوته الشرد اسعاف=في ساعة بين الهدو والإثاره
حايلته وعرضني اجنوب وكتاف=وذار وجفل ماعاد اوكد اغباره
اجيه من قدام ويعود اخلاف=وان طاع والا قلت اطيع اختياره
ولو طاع خليت القلم يرعف ارعاف=سطرت مابين الظلوع ابغزاره
مشاعراًً لهل الوفاء مثلك انظاف=ماخلقت الا للنقا والطهاره
وسلم ودم مازرفلت حم الأشعاف=وماعسعس الليل وتنفس نهاره [/poem]

[مشاعر حالمه]

حجزززززز

قبل الزحمممممممممممممممه

: )

تحيتي لك / مشاعر حالمه

[majroh-tamem]

[align=center][all1=FF3366]الغالي أبو محمد دائماً أهل الطيب والشهامة والعز تكون خاناتهم واحده مهم تغيرت الحياة.

تستاهل ياعتيبي أيه الشاعر الكبير الغالي.

أبو محمد كيف نفرق بينكم فكل واحد منك كبير بطيبه وتواضع وشعره.


جزله وتسلم يابو محمد


جزله وتسلم يالعتيبي

تقبلوا مني خاص الإحترام والتقدير والإعجاب الا محمدود[/all1][/align]

[أمل عبدالعزيز]

,
,
,
الشاعر العذب ( ناصر القزلااان )..
.


يوم الذهب مايصرفه كـل صـراف
حطوا على ختم الشجاعـه شعـاره
أخذت لي مع هاجس الشعر محراف
ابيات من فكري مشت فـي مسـاره
ماتوفي الفكـره ولـو كانـت آلاف
لكن عن التقصيـر سـاق اعتـذاره
يخاف من ناس ٍ يحبـون الارجـاف
وكبودهـم دايـم عليهـا مــراره
وختامها صلوا على نور الاشـراف
اعـداد مـن زار المديـنـه وزاره


.
.
أبيات جزلة ورائعة كمااا تعودنا منك ياناصر
تكتُب بأريحية أكثر من رائعة
وتنثر المعاني العذبة من بحر بصدق
هكذا نجدُك في كل نص
متميِّز
دام شعرك أيها الرائع بهكذا حضور
وصح لسان الشاعر ( عايض العتيبي )....


.
.
رسالة ورد ولا أروع.
.
.

[زايد الروقي]

ناصر



صح لسانك




و صح لسان عايض




رديه رااااااااائعه و ابيات جزله من شعراء يشار لهم بالبنان




........

[أبوعبدالرحمن]

أخذت لي مع هاجس الشعر محراف
ابيات من فكري مشت فـي مسـاره
ماتوفي الفكـره ولـو كانـت آلاف
لكن عن التقصيـر سـاق اعتـذاره
يخاف من ناس ٍ يحبـون الارجـاف
وكبودهـم دايـم عليهـا مــراره
وختامها صلوا على نور الاشـراف
اعـداد مـن زار المديـنـه وزاره



الله يديم الاخوة


ويدم لنا هالمواقف اللي تخلينا نقرا شعر حقيقي



صح قلبك وكلك يا ناصر


وصح لسان العتيبي على هذا الرد الوافي



تحيتي لكم

[نشمي مقعد العتيبي]

ناصر القـــزلان

صح لسانك

وصح لسااان عايض

صوت وصدى

اسعدنا كثيرا

[جارح الكسر]

صحت السنتكم جميعاً


ونعم بك وبعايض وفعل الطيب يذكرويبان
تقبلوا ود واحترااام جارح المرشدي

[عطية الثبيتي]

[align=center]كم هي رائعة يا ناصر
,
,
,
صح السانك والسان الشاعر عايض العتيبي
,
,
,
لكم اجمل تحية وتقدير[/align]

[عبيد الكثيري]

صح السانك يالبناخي يالقرم

ولا يهون الشاعر عايض العتيبي

[محمد السليس]

شاايبي واستااذي ناصر القزلان

بعيد عن كلمات الاطراء والمجاملات لانها

لاتصل مقام المبدعين والراقين

الف تحيه لقلمك المبدع والراقي لانه يكتب الحروف بماء الذهب

صح لسانك ملياااااااااااار

ويسلم راسك يالذيب

وصح لساان عايض العتيبي على هالرد الوافي

دمت ودام ابداعك يابعدي

تقبل مني خالص التقدير والاحترام

وأتمنى ومن كل قلبي أن أرى لك كل جديد وأن تمتعنا بإبداعاتك.
وتقبل خالص تحياتي ،،،،،،،،،،،،

[خــــالـــــد]

[align=center]
ناصر القزلان

صح لسانك وقلبك يالجززززل

رائع يا ناصر بكل ما تقدمه لنا

أشهد إنك مبدع

سلمت يمينك وقلبك !

[/align]

[مهدي بن مسفر الحبابي]

أخوي ناصر القزلان

سلـمت ودمــت

صح لسانك ولسان عايض العتيبي

بيض الله وجهك ووجهه

صوت وصدى ولا اروع

لك فائق احترامي وتقديري

[منصور الحربي]

مساءك سكر :

الشاعر الكبير ماصر القزلان :

أولا صح لسانك على هذه القصيدة الطيبة وصح لسان الشاعر الكبير عايض العتيبي ..

ثانيا : بحمد الله ومنته وتحت ظل نؤسس هذا البلد الكريم الذي جمع القبائل العربية تحت لواء واحد تجمعها الأخوة وشيم العرب الاصيله .. وفي هذه المساجلة مالرائعه مايؤكد خيرية هذا العمل الجبار ..

تحيتي لكليكما .. وبيض الله وجيهكم ..

[ناصر القزلان]

الراقية .. مشاعر حالمه ..

تشرفت بحضوركـــــ الكريم .. ولازال الحجز بانتظار التأكيد ..

كل الود والاحترام ..

تحياتي ..

أخوكـــــــــ ,,,,,