تكفون يابرقا وتكفون ياروق

[مذكر الروقي]

أعذروني على طــــــــــول الغياب

وهذا نتاج غيابي أهديه لكم عسى أن ينول أعجابكم

[frame="3 70"][poem=font="Arial,5,white,normal,normal" bkcolor="transparent" bkimage="backgrounds/26.gif" border="none,5,gray" type=1 line=0 align=center use=ex num="0,black"]
تكفون يابرقا وتكفون يـــــــــــاروق = أنـا بليت بحبهــــا ويش أســــوي
قلبي غداء عقب أريش العين محروق = وأن قلت له يكفى ولع قال تــوي
قلت أستخر لا تجعل الطاق مطبوق = قال استخرت وتو شبيت ضـوي
أشب نار الشوق من شان مخلوق = وأصبحت من نار الغرام امتكـوي
قصة غرامـ(ن) بين عاشق ومعشوق = حتى الوريد أصبح عليه متلــــوى
غرون ذبحني لونها لون غرنـــوق = والعود موز من القراح متــــروي
والعين عين اللي على راس زملـــوق = يوعد لخربـ (ن) با الثمام متزوي
والثوب عن شطـ (ن) زما خلف مطروق = سبع طرقات(ن) فوقهن امتطوي
والساق قولو كل مطـرود ملحـــوق = لقلوب عشاق الأدامي مغـــــوي
بعض الأجل قالو على الأ جل مسبوق = وأنا منول كان للبعد نــــــــــوي [/poem][/frame]


معاني الكلمات
الأدمي :- نوع من أنواع الضبى


مع خالص تقديري

[فيصل العتيبي]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
والثوب عن شطـ(ن) زما خلف مطروق=سـبـع طـرقــات(ن) فـوقـهـن امـتـطـوي[/poem]
سبع واجد يامذكر :)

حجزتها مابي احد يرد قبلي

وصح السانك يالذيب من هنا للقصيده الجاية ,,

والبيت المذكور اعلاه بيحاسبك عليه زبن بن عميــر

أنا عاجبني واجيزك عليه :)

تحياتي

فيصل العتيبي

[محمد الروقي]

فيصل ابيك تعترف يوم شفت سبع طرقات

قلبك مارقص هههههههه اما انا قلبي تقول لعبت الورعان القرقيعه



صح لساااااااااااانك يامذكر الروقي وفكنا من بعض الاوصاف يابن الحلال

[عبيد الكثيري]

صح السانك
وعلى ماقال أخوي محمد فكنا من بعض الأوصاف

تحياتي وأشواقي

[محمد الجبريني]

اخوي الشاعر مذكر الروقي
والله جيتك عاصب نصي يوم شفت تكفون يابرقا
وتكفون ياروق وانا ماني منهم بس حركتني تكفي
قلت اما معهم ولا عليهم هههههههههههههههه
لله درك وصح السااانك مدد بلا عدد عرفت كيف تستفز
البشر جززززله تقبل اعجابي وفااائق احترااامي

[عايدالعنزي]

الشاعر

مذكر الروقي

صح لسانك

وعلى شانك

رائعه بروعتك ياجزل

ولك

احترامي
وتقديري

[ماجد]

مذكر الروقي

والنعم والله

وابشر بفزعتك

صح لسانك وابيات جزله ورائعة

ولاهنت اخوي

نبضـ الشمالــــــــ

[محمد السليس]

مذكر الروقي

ابشر بسعدك بالجاه والمال

ولاهنت

ياعساني مانحرم من هالنزف الجزل
صح لسانك ولاهنت
وتسلم على جزالة وعذوبة قافك
دمت لنا
ودام لك كل الود
تحياتي

[نياف العتيبي]

والعيـن عيـن اللـي علـى راس زمـلـوق
يـوعـد لـخـربـ(ن) بــا الثـمـام مـتــزوي

والثوب عن شطـ(ن) زما خلف مطروق
سـبـع طـرقــات(ن) فـوقـهـن امـتـطـوي


حسبي الله على شيطانك .. وصف موغل في الاسراف .. وقد قلنا بلاش من هالسوالف

مذكر

رااااائعه .. راااااائعه


صح لساااانك

ولاهنتتتتت


النااااايف

[زايد الروقي]

صح لسانك يا مذكر



واشف كل الشباب ولوا مع هالوصف ههههههههههههه




دمت مميز اخوي


..........

[وافي السبيعي]

[align=center]غــرون ذبحـنـي لونـهـا لــون غـرنـوق
والـعـود مــوز مــن الـقــراح مـتــروي


صح لسانك يا مذكر


رائعه يارائع



تحيتي لك[/align]

[خــــالـــــد]

[align=center]
مذكر الروقي

صح لسانك وقلبك

تسلم يمينك يالغالي

قصيدة رائعة

لك مني أطيب تحية

[/align]

[أبوعبدالرحمن]

صح لسانك يا مذكر


والثوب عن شطـ(ن) زما خلف مطروق
سـبـع طـرقــات(ن) فـوقـهـن امـتـطـوي

هذا وصف مدرعة حربية

مالومك يوم استفزعت ببرقا مع روق


سلمت ودمت اخي

تحيتي لك

[صادق الإحساس]

[align=center]

[frame="3 70"][poem=font="Arial,5,white,normal,normal" bkcolor="transparent" bkimage="backgrounds/26.gif" border="none,5,gray" type=1 line=0 align=center use=ex num="0,black"]
تكفون يابرقا وتكفون يـــــــــــاروق = أنـا بليت بحبهــــا ويش أســــوي
قلبي غداء عقب أريش العين محروق = وأن قلت له يكفى ولع قال تــوي [/poem]

أتيتك متوشحاً سيفي
ومعي أربعمائة فارس
من أبناء (( عمومتي ))
الأشاوس للنجدة !!

قلت :ـ

لعل وعسى ،،

أن أنفع مالم تستطع معه صبرا !!



لكن حينما علمت أن الأمر

((( أنثى )))

عاد من معي إلى ديارهم سالمون !!
و انزويت أنا بركنٍ مكهف !!
((( لفشلي قبلك !! )))

فكيف إذن أفيدك الآن يا أبن عمي !!؟

قلت :
قديما / وأقول حاضرا / وسأجدد القول مستقبلا !!
( إن أمد الله في عمري )

قلت :

أن الأنثى خطيرة للغاية !!
بل حتى مجرمة !!

وتكمن خطورتها في (( غيابها )) أكثر !!
ويكمن إجرامها في (( حاجتنا )) لها
ولهذا الإجرام !!



لا أملك لك سوى :

الدعاء !!

هكذا ... فقط !!



تصبر يا فتى تصبر

كان الله في عونك
مادمت في حاجتها !!


مؤلم وضع أبن الروقي يا قومنا !!
لكن من المفرح في ألمه أنه أخرج
لنا هذه الرائعة من روائع العشق !!


يتألم هو ويتنفس الشعر
ونفرح نحن باستمتاعنا
بشعرهِ !!



أكفف يا صديقي ... مذكر أكفف
لكي لا أرقى أنا بمشرافٍ مقابل
لمشرافك وأرفع عالي صوتي

لأقول :ـ

يا أهل العشق ،،

هل رأيتم نجمين مثلنا!!؟

يبكيا الرجال من فعلهم
وقت الحرب وتبكيهما

(( الأنثى ))

من فعلها ساعة العشق!!



سيقول كل من مر بنا :ـ

(( هكذا بلوى العشاق !! ))




صح لسانك
عدد ما كتبت



لك
ود و ورد
ودعم معنوي فقط !!




صادق الإحساس

.[/align]

[سعد النخيش]

مذكر الروقي

صح لسانك وقلبك

تسلم يمينك يالغالي

قصيدة رائعة