السلام عليكم

من الموسم الي راح وحنا نعاني من مشكله في الدفاع والمشكله هذي تواجه جميع الانديه مو الهلال الحاله ..
حاليا فترة احلال شباب الاتحاد تمر باصعب اوقاتها وهالفتره تشابها فترة احلال مركز الحراسه في الهلال ،،القصد ان
اخطاء الحراسه في الهلال مو غريبه لان حارسنا تنقصه خبرة المباريات الكبيره والتفاهم مع اللاعبين الي قدامه .. انا
معكم ان خطأ واحد منه يغير نتيجة مباراة كامله ،، يعني خطاه بجهد موسم كامل لكن الحمد لله تونا ببداية الموسم

سامي الجابر الكوووتش الكبير الخطه الي اعتمد عليها ماجابت نتيجه مع الاتحاد والدليل ان الثلاث اهداف الاخيره هلت
على بابهم بعد ماضااااع فريق الاتحاد وخصوصا خط الدفاع وهالنتيجه يعاني من كبوتها إلى الحين فريقهم ،، وبرضو
ما جابت نتيجه مع الاهلي قبل الاتحاد واخيرا ما جابت نتيجه مع النصر وكانت المباراة ماشيه لتعادل لكن الاخطاء الفردية
لا يسأل عنها المدرب و هزمت الفريق كله ...
القصد الكوتش يقارع كبار المدربين في الدوري السعودي الي صرف عليهم ملايين "ومن وجهة نظر شخصيه للآداء"
انتهت مباريات النصر والاتحاد بالتعادل الايجابي والاهلي بالتعادل السلبي وهذي خطوة جيده في عالم التدريب للكوتش
لكن ماترضي جماهير الهلال ابد :cry: بس ترضيني كمحب للكوتش ويا كوتش "وحشتنا اهداف الزوري" :ba:

اجمل مافي المباراة استحواذ اللاعبين على الكوره وبناء هجمه منظمه يقابلها انضباط تكتيكي دفاعي اكثر من رائع لفريق النصر وتتحول مجريات المباراة لسرعه وكوره بسيطه ،، الجميل في الهزيمه امس ان كوتشتا محبوب عند الجماهير وهذا شي جدا ايجابي على اللاعبين والاجمل ان الهلال فعلا اثبت امس انه فريق متجانس اكثر من اي فريق خصوص في خط الهجوم والوسط ويقدر بالطرق المتكرر لدفاع الخصم التقدم في منطقة الثمانية عشر وان استعصى على هجوم الهلال اللعب بالتكتيك كانت الحلول الفرديه موجودة والالعاب الثنائيه بين اللاعبين برضو موجودة ،، ما اختلف مع الجميع ان الهجوم الهلالي افضل هجوم في الدوري وعدد اهداف الهلال هي الي تتكلم لكن نطمع بكثرة الخطط التكتيكيه ،، الهلال يحتاج تنظيم في خط الدفاع مثل ماكان سامي مدرب مهاجمين في فرنسا فهو يحتاج مدرب مدافعين "اتوقع" افضل مدرب للمدافعين يكون حارس وياليت يكون الدعيع و نستفيد منه في الدفاع والحراسه :yes:


ومثل مالهلال يشتغل ترى باقي الاندية تشتغل
النصر السنه هذي متكامل واللعب معه متعه
ماشفناها لنا اكثر من 15 سنه


16 جوله متبقيه نتمنى التوفيق لهلالنا