بسم الله الرحمن الرحيم
بالبدآيه أعتذر للمعيوف عن موضوعي بعد مباراة التعآون تعرفون ضغط مآبعد
الهزيمه الوآحد يلقي كلام ماله معنى بس والله مايهمني إلا ان اشوف الاهلي يفرح
جماهيره وهنا المقصد لا غير .
زبدة الكلام كلنا نشوف الاهلي هالسنه أعلى فريق كلمة بالنسبه للإستحواذ والتمرير الصحيح
وكلنا نشوف الضغط المتواصل طول التسعين دقيقه مما يخلي الفرق تحاول تسجل الهدف
وتتراجع للدفاع طول الـ 90 دقيقه التعاون والرائد والعروبه ف ليش الاهلي يعاني قدام هذي
الفرق هنا السؤال !
المُشكله رقم وآحد ! ( الضغط العآلي ) .
استحوآذ بدون ضغط عآلي لا يعتبر أستحواذ على الإطلاق وينقلب عليك بالسلب وكلنا
شفنا مباراة التعآون كيف ريتشي و إيفولو يستلمون مرتآحين لين يفتح لهم أحد ويقومون
بالتمرير له وهالمشكله شفناها قدام الاتحاد والنصر بداية الدوري !
آخر مثال مدرب النصر كارينيو بمباراة الديربي لعب ع الاستحواذ مما قلل خطورة الهلال
بلاعبيه السريعين واعتمد ع الضغط العالي جداً بغالب وشراحيلي وعوض خميس وشل
وسط الهلال نهائياً !
المشكله رقم إثنين ( الأوفرات او الكور العرضيه ) .
نزلت موضوع بداية الموسم عن مشكلة اللاعب السعودي مع التعامل مع الكرات العرضيه
وكيف حقق الفتح الدوري العام الي راح عن طريق الـ 85 % من اهدافه العرضيه واستغلالها
الارقام الي يسويها الاهلي بالكرات العرضيه مخيفه جداً مباراة التعاون 18 عرضيه خاطئه !
خصوصاً عندنا نهازين للكرات العرضيه امثال يونس وفيكتور اذكر عرضيه صحيحه واحده
لعبها يونس بالعارضه ووحده لفيكتور شالها مدافع التعاون من الشبك فما بالك لو كان الاهلي
لعب ع الاقل 5 اوفرات صحيحه ماشفنا الخساره بمباراة التعاون !
المشكله الثالثه ( موسورو ) !!
اللاعب موسورو مجتهد لا يختلف عليها اثنين بس ياجماعه اللاعب يذبح الفريق من الوريد للوريد
بسببه يحصل وسط الملعب اختلاط وتشتيت افكار وبسببه يتم إرجاع تيسير لمركز غير مركزه
وركن العيسى والفهمي بالدكه وبصاص تتبدل مراكزه باستمرار بسبب موسورو ف كذا اللاعب
مضاره اكثر من من منفعته أتمنى الإتيان بلاعب يصنع الفارق زي العآلم ولا بلاش ياخي .
بالأخير الفارق بيننا وبين النصر 5 نقآط وبعآلم كرة القدم لا يوجد مستحيل إذا تم إصلاح المشاكل
وتم تنبيه السيد بيريرا بأخطائه وومساندته لأن عمله ممتاز جداً بس تشوبه بعض الاخطاء
بأذن الله نشوف اهلي يفرحنا !
تششآو .
رد مع اقتباس
