ألــغــاز شــعــريــة

[جواهر عبدالله]

بسم الله الرحمن الرحيم

السلام عليكم ورحمة الله وبركاته

اللهم صل على محمد وعلى آله وصحبه أجمعين ، وبعد ..

أُقدم لكم مجموعة من الألغاز الشعرية .. من باب الترفيه ـ وتغيير الجو ـ .. وكل مرة راح أطرح لكم لغز واحد ..

وهذا أول لغز نبدأ فيه :



[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انشدك عن قصرٍ قديمٍ ولا زال = ولا أحدٍ لمس جدران سوره بياديه
لا هو بنى مهندس ولا بني عمال = ولا يحق لك قبل الثمانين تآتيه[/poem]



وش الحل ؟

[خــــالـــــد]

[align=center]
جواهر عبدالله

<< يقدر الألغاز ..

مافيه تحدي من فلوس هنا ؟ هههههههههههههه

تحليل البيتين ...

قصر قديم .. ولا هو ملمووس وماهو بني مهندس ولا عمال !! يعني هذا قصر غير ...


واللي فك اللغز كلمة ( ما يحق لك فوق الثمانين تاتيه ) ...

قربت الكلمات مع بعضها ... قصر بعد ثمانين

راح فكري على طول

قصر الصلاة ..

بحث إن الواحد ما يقدر يلمس بيده

ولا هو بني عامل ولا مهندس

وما احد يقدر يستخدم القصر قبل ثمانين كيلو ... !!


الإجابة هي أعتقد أنها صحيحة .. ويمكن يكون عندك إجابة ثانية غير هذي


شكراً لك

[/align]

[فيصل العتيبي]

شكراً جواهر

وأنت صح ياخالد :)

<----- كان مجهز الحل لكن خالد اختصرها هههههههه

تحياتي

[جواهر عبدالله]

ما شاء الله عليك يا خالد ..

وخيرها بغيرها يا فيصل ..

،

،

اللغز الثاني :

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انشدك عن شيء(ن) كما المر لونه= علاه من اريش العين توقيع[/poem]

[خــــالـــــد]

[align=center]
هلا بجواهر !!

هذا اللغز قد حليته من زمان في أحد المجالس ..

ويبدأ بـ حرف الـ ( أ )

ومفك اللغز في ( توقيع أريش العين )

إذا ماعرفتوه علموني بس

تراني أتفلت أبي احل السؤال
[/align]

[دفا المشاعر]

،، جواهر عبد الله ،،

طرحك للألغاز الشعرية فكرة جميلة جـــداً ،،

تم تثبيتها من قبلي ،،

< خــالد ننتظر حلك للسؤال نخبرك تحب الألغاز كثيررررررررر

في حفظ الله ورعايته ،،

[سيف العدالة]

جواهر عبدالله

فكرة رائعة

بفكر شوي واجيكِ

[جواهر عبدالله]

خالد .. الله يستر منك .. لازم أتحداك بلغز .. وأتمنى ما تكسب التحدي مثل كل مرة .

دفا .. تسلمين يا الغالية .. نورتي المنتديات الأدبية .

بغداد .. ما صار شوي .. وينك ؟ .. ترى خالد يتهدد .

[خــــالـــــد]

[align=center]
< < مكمم أكمامه ويتفلت يبي يردّ
هههههههههههههه[/align]

[سيف العدالة]

جواهر

سهليه شوي

[جواهر عبدالله]

طيب يا بغداد بـ قربه لك شوي ..

هو شي لونه أبيض .. وناس تستخدمه مع القهوة وناس مع الشاي ..

ومفتاح اللغز وضحه خالد .. يا الله عاد شغلي مخك ..

وعلى فكرة كلمة ( علاه ) تعني ( عليه ) .

[سيف العدالة]

مافيه شيء لونه ابيض ويستخدم مع القهوة والشاي غير السكر

جواهر


صح ولا ألقط وجهي

الحقيني يابنت السعودية ترى مافهمت يعني ايش اريش العين توقيع

[جواهر عبدالله]

لا مو السكر ..

شوفي .. هو مو من مكونات القهوة والشاي .. يقدم معاهم ..

خلاص هذا اللي أقدر أقوله لك ..

[سيف العدالة]

قصدك مبيض القهوة

[جواهر عبدالله]

لا يا بغداد ..

الجواب هو : ( الإقط ) .. أو ( المضير ) مثل ما يسميه البعض .