[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياإلهٍ جل صنعه وتصويره =ياعظيمٍ قانعينٍ بتدبيره
ياكريمٍ يزبنه كل من يشكي = ضيقةٍ شلّت من الضيم وتفكيره
يامجيب أنزل عذابك على الكافر = الهلاك لبوش وألحقه ببليره
ياشديد في عقابه وفي بطشه = افزع لأمٍّ جلت عن شقا الديرة
حيةٍ بس اذبحوها بذبحتهم = لْضناها ماانفعوها هل الجيرة
وإفزع لشيخٍ خذوا منه عكاّزه = شايبٍ طاعن وتاهت مشاويره
اختلط شيبه بشلاّل دمعاته = راحوا اللي كانوا النور في سيره
ياسميع اسمع دعا حِرِّةٍ صاحت = حِرِّةٍ باعوا شرفها بتسعيره
اغتصبها علوج في عقر ديرتها = والعرب ماكن بقلوبهم غيره
صمتهم مخجل ونظراتهم ذلة = مابهم واحد يبي يفتح السيرة
عبر شاشات الفضا عارنا ينقل = عارنا بالحيل زادوا جماهيره
يابصير ٍ شف يتاماً تقفّتهم = حربة المشرك وطحنات جنزيره
ياسميع أدعوك عنهم وعن نفسي = من سواك العبد يرجي مقاديره
دعوة اليتمان يارب تسمعها = وانت تسمع للنمل في طوابيره
مالهم غيرك فيارب ترحمهم = عينٍ بْصيرة بس إيدينن قْصيرة
أجب لدعواتهم يوم شرَّدهم = كافرٍمايشبعه لحم خنزيره
يمّموا هي دعوة عنهم أطلقها = ضاق فيها الصدر حتى انكشف بيره
انتقم يامالك الملك من جيشٍ = غرِّته قوَّتْه وأغواه سكّيره
ساعيٍ في الأرض مفسد ومتجبِّر = للقتل والموت ماضي بتصديره
يدري إنه مايلاقى ولايجابَه = ويدري إنه بالغٍ حيل تأثيره
ويدري إنه قطبٍ أوحد ولاغيره = ويدري إن الناس تكره مساييره
بس مايدري أو إنه بسكراته = إنك القادر لدحره وتدميره
وإنك بغمضة جفن تقلع جذوره = ومن عقب عزِّه إنهلِّل لتكسيره
ضالمٍ جبّار في كل حالاته = يخدع العالم بغشِّه وتزويره
إيتباهى في نفوذه وتسليحه = ويرهب العالم بويلات تفجيره
لو قرى التاريخ مازاد في كِبْرِه = ولانفش ريشه وهوَّن عن الطيرة
كم هلك مفسد وكم بيد من ظالم = من عقابك ماانفعنِّه محاذيره
تسقط أمريكا ويسقط محالفها = من عجم وإلاّ عرب لِعْن أبو صيره
دمّرتنا دمّر الله حضارتها = عل فيها الذل تبدا تباشيره
نشِّبتنا في بَعَضْنا وخلّتنا = حيلنا مابيننا زاد تدويره
العدو بأوطاننا حط قوّاته = ومن غبانا إنقول لعلَّها خيرة
العراق الموت جاثم على صدره = سبَّة اللي جاه من دون تأشيره
غاصبٍ طامع بنفطه وخيراته = خاسيٍ لو هو تشدَّق بتحريره
جا بطيّارة ومن فوق دبّابة = وياكثر منّا يجاهر بتقديره
يدّعي إنه نزيهٍ ديمقراطي = وهو خبيثٍ الطمع كل تفكيره
يزرع الفتنة ويوقد سعايرها = والعميل يعاونه في مشاويره
ياعرب مافيه داعي لقمتكم = عمرو موسى حافظينن تقاريره
نشجب ونأمل ونرفض ونستنكر = والجيوش فكل يوم ٍ هي مغيرة
آه ياقوميَّة البؤس يايعرب = الأمم تكبر ولازلتي صْغيرة
ماأقول اليوم غير الأمل بالله = الجواد الفرد مانرتجي غيره
شعر \ حمدان سالم العنزي[/poem]
رد مع اقتباس
-new.gif)
