--------------------------------------------------------------------------------
مساء الخير والاحساس والطيبه مساء مايليق الا باحبابي ...
عندي لكم اليوم فكره حلوه وسهله وجميله شوفتها فنقلتها لكم
اوكيه الفكره ياجماعه هي انه بالجرايد نقدر نصلح مزهريات وجرات ( وجرات من جر يجر فهو مجرور وهي اللي يحطون فيها الماء زمان ) واي اشكال اخرى
الادوات :
جرايد + غراء ابيض ( غراء خشب علبة بيضاء والغطاء احمر:b: ) + صحن من المطبخ + فازة مزهريه او ثلاجة شاي او قهوه بس مايكون فيها اشكال بارزة كثير + كيس نايلون
الخطوات :
() تاخذ الغراء وتصب منه شوي في الصحن واذا تبي تخففه تضيف عليه شوي ماء .
() تاخذ المزهريه وتغطيها بكيس النايلون ( لكي لا تلصق الجرايد فيما بعد بالمزهريه) .
() تاخذ سفره تشتغل عليها عشان الغراء بيحوس عليك الدنيا بعدين .
() تقطع الجرايد الى شرايح يعني تقريبا 5سم العرض والطول تقريبا 15 سم او قريبه من هالمقاس ( تبون الصدق بكيفكم المقاس ترى بس ابي اسوي يعني اني مهتم بالمقاسات:P ) .
() تاخذ اول شريحه وتمررها على الغراء اللى في الصحن وتلصقها على المزهريه بعد ان غطيتها بكيس النايلون جيدا ويكون الكيس مشدود بشطرطون في بداية العمل زي ماقلنا .
() وتاخذ الشريحه الثانيه وكمان تمررها على الغراء وتلصقها وهكذا .. حتى تغطي المزهريه تماما بالجرايد .
() تغمس يدك في الغراء وتمسح بها على المزهريه حتى تتأكد ان جميع شرايح الجرايد تماسكت مع بعض .
() نغطي المزهريه بطبقه ثانيه من الشرايح بس من دون ان نمررها في الصحن يعني على طول نلصقها ( عشان احنا مسحنا بيدنا المبتله بالغراء على الطبقه الاولى ) .
() الطبقه الثالثه من الشرايح نعمل فيها كما فعلنا في الطبقه الاولى .
() الطبقه الرابعه من الشرايح = = = = = = الثانيه .
() نعمل هكذا في كل الطبقات حتى يكون عندنا طبقه من الشرايح سميكه نوعا ما ( مو تقعد تعمل طبقات لين يتغير شكل المزهريه ويتحول شكلها ابريق شاي وكمان ماتسوي طبقه نحيفه مرّه وبعدين ماتكون قويه فيما بعد .. اكيد فهمتوا علي )
المرحله المهمه من الشغل انتهت :c: :c:
نجي عند المرحله الثانيه ( انتوا معايه فاهمين او )
بعدما جفت الشرايح اللي عملناها على المزهريه نقوم بالمشرط ونقصها من المنتصف ( يعني من الاعلى لين القاعده بس مو نقص اسفل القاعده يعني الى اسفل الجانب الايمن وكذلك من الاعلى الى اسفل الجانب الايسر )
نخرج المزهريه الاصليه من داخل مزهريه الجرايد ( وهنا يفيدنا كيس النايلون لو ماحطينا كيس كان لقينا الجرايد لزقت بالمزهريه :b: )
نجمع الجانبين مع بعض بحيث نرجعهما ( احلى يا مثقف :e: )زي ماكانوا ( اقصد مزهريه الجرايد المزهريه الاصليه خلاص انتهى دورها وترجعها مكانها )
ناخذ شطرطون ورقي ونلصق الجانبين جيدا
نعمل بالشرايح وكما فعلنا في بدايه العمل طبقتين او ثلاث ( لكي يختفي اثار القطع اللي عملناه :b: )
بكذا نكون انتهينا من العمل :c: :c: :c: :c: :c:
باقي اخر مرحله وهي مرحلة الالوان وهذي ياسيدي بكيفك وبمزاجك
اما ان تدهنها بلون ابيض سميك لكي يختفي شكل الجريده وبعدين تتفلسف بالوان من عندك
او تترك شكل الجرايد بس تضيف حركات ورتوش ( احلى يارتوش اللي يعرف معناها يقول لي :f: )
يعني تكتب خبر بطريقه حلوه ومقلوبه على المزهريه عشان تعقّد اي واحد زائر جاكم البيت ويبي يقرأ الخبر اذا شاف المزهريه ...
احبتي هذي الفكره من طء طء الى سلام عليكم وكيف الحال كمان
وعلى فكره باقي عندي فكره ثانيه عن الجرايد كمان بس في المرات القادمه
واللي عاوز يستفسر ان ايتها حاجه عن الفكره اللي فوق يقول لي وبالله مايستحي :b:
وفتّكم بعافيه
محبة الفن
رد مع اقتباس
