][ قصيدة فتاة غلطانة برقم التلفون ][

[乂 مـحـمـد 乂]

يا هلا بحبايبي

اعضاء وزوار منتديات غرابيل

جايب لكم قصيده لشاعر ما اعرفه صراحه

بس اعجبتني القصيدة قلت انقلها لكم

تفضلو
/
\
البشر فـي الاتصـالات يخطـون
يخطون واخطي.. عذرنا هاتف فلان؟؟
ومن عادتـي ماهتـمّ باللـي يقولـون
من غلط في رقمي .لقى الردّ غلطـان
الين جـااء فـي يـوم ..دق ّ التلفـون
شفت الرقم.. لقيتـه اشكـال والـوان
فتحت جوّالـي ابعـرف مـن يكـون
سمعـت صـوتٍ فيـه بحّـه وفتّـان

قالت لي: انت سعود؟ قلت: ايه بالعون.
لعيونك.. اسمي سعود لو كان ضيـدان
قالت :اتظنّي مخطئه. قلت :وشلـون؟؟
قلبـي توقّـف مانبـض فيـه شريـان
بالهـون يابنـت الاجاويـد بالـهـون
من عـادة الانسـان يرتـاح لانسـان
تسمّعـي يابنـت وابلـيـس ملـعـون
اخذي كلام ٍ مصدره صـدق وجـدان

ماني بقايل لك: انـا انسـان مزيـون
اطرق ولاله شبه في الانـس والجـان
انا محمّـد.. وافـي الهـرج مـوزون
اوزن كلامي.. قبـل اقولـه بميـزان
وانا الّـذي لاحـبّ ..لايمكـن يخـون
مخلص مدامه حيّ .ويمـوت ماخـان
وانـا اذا حبّيـت.. حبّيـت بجـنـون
حبّـي يفجـر داخلـي الـف بركـان
وانا الّذي ماطـرد ورى مـن يقفّـون
من صدّ عنّي عمد.. بجزيـه حقـران
هذي وصوفي .واكثرالنّاس يشـرون
وانتي عليـك اليـوم تقديـر الاثمـان

قالت :اشوفك قمـت يامحمـد تمـون
تضحـك وضحكتهـا تقاسيـم فـنّـان
قلت :الميانه.. ماهي بضحكـة سنـون
احيـان ماتلقينهـاا بـيـن الاخــوان
ترى الميانه شـيّ واضـح ومضمـون
اذا اجتمع شخصين.. في قلب ولسـان

قالت :كلامك وافـي ٍ يابـن خلـدون
احيان احسّ ان جلستـك بيـن شيبـان
يامحمد .اسمع كلمة البنـت ميسـون
اسلوبك ووقتك.. مضت دونها ازمـان
هـذا زمـن قدواتـه افـلام كرتـون
وهذا زمان ارجالـه اجسـاد وابـدان
قالت.. وغنّت لي على وقتـي لحـون
قلت: اسكتي من بعد ماخاطري شـان
انا ادري ان الوقت.. من دون في دون
لكن فمـان الله وانـس ِ اللـذي كـان

قلته وانا صامل.. وهـي عندهـا آذون
لكنّـهـا ماصـدّقـت سـمـع الاذاان
ضاقت ...وخلـق الله دايـم يضيقـون
وانا قفلـت الخطّ..ضايـق وزعـلان
ونسيت.. والاجواد في الوقت ينسـون
ماسـمّـي الانـسـان الاّ بنـسـيـان

المشكله..بـنـات حــوّا مايسـلـون
دقّت علـي وانـا لهـا شبـه شفقـان
قبل آآتكلّم.. قالـت: اسمـع ولاتهـون
اسمي مهو ميسون.. حان الصدق حان
الاسم عمشاء وآخـر الجـدّ مصيـون
مهـره ولا طوّعـت بلجـام وعنـان
قلت: ارحبي مليون تضـرب بمليـون
اقولهـا مليـون مـن قلـب ولسـان
قلت: ارحبي في العين ..ولحافك جفون
وظلالك من الشمس باهـداب الاعيـان
ياعيـن حـر ٍ بالمطالـيـع مفـتـون
حر ٍ شـراه مولّـع الصيـد طربـان
\
وســـــــــــــــــلامتــ ـــــــــــــكم
/
دمتم بود
\
منقـــــــــــــــــــول

[خــــالـــــد]

[align=center]
أسير المحبة

تسلم على النقل

يعطيك العافية يا اسير

دمت ولا هنت

[/align]

[sadeem_911]

تسلم والله رااااااااااااائعه الله يعطيك العاااااااافيه على النقل الرائع

تحياااااااااااااااتي لك

[عباااادي]

[align=center]000مشكور اخوي عم جد القصيده في قمة الروعه000

00ربي يعطيك الف عاافيه على نقلك الطيب والجميل00

00ان شاءالله نشوف ابداعك اكثر يالغالي00

00تحيااااااااتي عباااااادي00[/align]

[سيد الكلمات]

الله يعطيك العافية

[غيمه رحاله]

انا محمّـد.. وافـي الهـرج مـوزون
اوزن كلامي.. قبـل اقولـه بميـزان
وانا الّـذي لاحـبّ ..لايمكـن يخـون
مخلص مدامه حيّ .ويمـوت ماخـان
وانـا اذا حبّيـت.. حبّيـت بجـنـون
حبّـي يفجـر داخلـي الـف بركـان
وانا الّذي ماطـرد ورى مـن يقفّـون
من صدّ عنّي عمد.. بجزيـه حقـران
هذي وصوفي .واكثرالنّاس يشـرون
وانتي عليـك اليـوم تقديـر الاثمـانيسلمووووووووووووووووووووو وووووووووووووو صح لسانك ولسااااان قايلها.......

رااااااااااائعه اسير المحبه ....كلك ذوووق

[صدى المشاعر]

تسلم على النقل