تعرفي على الطبق .. ( وش الطبخة ؟ )

[جواهر عبدالله]

(( خاص با البنات بس ))



بسم الله الرحمن الرحيم

السلام عليكم ورحمة الله وبركاته

هذا موضوع من باب التجديد والفائدة .. ويحتاج لتفاعل منكم ..

كل مرة نجيب صورة طبق معين ( أطباق رئيسية / حلويات / سلطات / صواني ... ) .. والمطلوب معرفة اسم الطبق ..

يمكن تتعدد الأسماء لكن الطبق واحد .. وهذي فائدة من الموضوع ..

راح أبدأ معاكم بالحلويات :





وش الطبق ؟




با نتظار تفاعلكم .

[بـنـت الـشـيـوخ]

موضوع جداً جداً رااااااااائع
,
,

:بفكر:

والله ياجواهر

دققت وحاولت ==>> يمين ويسااااااااااار

وماعرفته

,
,
ننتظر الإجابة على احر من جمر ,,

[بـنـت الـشـيـوخ]

اختار الاجابه الصحيحه/

1_ سبرنج رول بالمارس

2_ او الباونتي او التوكس البيبي

============>> من غشنا فليس منّا

[ريف العين]

سبرينجروول بيبي بالمارس

:بفكر:

ان شاء الله صووووح

[sha3noona almajnoona]

جوااااااااااااااااهر



يعطيك الف عافيه على هالفكره المميزه وبجد انت كذا




انا عرفت الطبق خخخخخخخ





ننتظر الاجابه من باقي الاعضاء





لي عووودة

[هـمـْـْ الغلا ـْـْـس]

قـــهر جيت متحمسه ابي اعرف شنو الطبـق بس ماطلعت لي الصـورهـ :زعلان:

[جواهر عبدالله]

بنت الشيوخ .. هلا وغلا .

عين الريف .. هلا بك .. محاولة حلوة منك .

الشعنونة .. هلا بك .. وتسلمين على التثبيت .. والله يعافيك .

همس الغلا .. حياك الله .. شوفي المرفق يمكن تطلع لك الصورة بحجم أكبر وأوضح ..

،

،

راح أعطيكم فرصة للتخمين إلى بكرة إن شاء الله .. ومو ضروري تقولون اسم الطبق .. لأن مثل ما قلت لكم .. تعددت المسميات والطبق واحد .. بس حاولوا تتعرفون على مقاديره .. وهذي صورة مقربة له .. وفيه كمان بالمرفق صورة أكبر ..

[المربية منى]

شكل حلو
بس
ماعرافها

ممكن اعراف الطريقة ؟

ويسلمووووووووووو

[فتوو القحطاني]

موضوع رايق

واعتقد والله اعلم انه حلي الحلاوه وهو عجينه سبرنغ رول محشيه بحبات كاكاو

>>>>>>>>>> هاه عرفت عقب الفلسفه هذي

[جواهر عبدالله]

منى .. حياك الله ، وإن شاء الله أكتب لك الطريقة .

فتوو .. يا سلام عليك .. وصلتي ..

،

،

على العموم الأغلبية قال إنها سبرنغ رول .. لكن فتوو هي اللي توصلت للمقادير تماماً ولـ اسم الطبق .

[ حلى الحلاوة ]

المقادير :

سبرنغ رول ( حجم صغير ) + حلاو جالكسي سادة + هيرشي + شيرة .

الطريقة :

ـ نقسم شرائح السبرنغ رول بالنص وبالطول .

ـ كل قسم نحط فيه نص حلاوة جالكسي ونطويها على شكل أصبع .. ونربطها مع الأطراف بخيط ( يمين وشمال ) .

ـ نشوحها على الزيت تشويح بسيط .. وبعدها نفك الخيوط منها ، ونسقيها بشيرة .

ـ نصفها في صينية التقديم بعد ما نصفيها من الشيرة .. ونصب عليها الهيرشي .

وصحة وعافية على قلوبكم .

[جواهر عبدالله]

هنا طبق سهل وواضح مرررررة

المطلوب معرفة مكوناته ..

[ناعمة]

::

جيجي

فكرة حلووووووووة


بس ماعرفته :مدري:

::

قربي الصورة شوي

[جواهر عبدالله]

يؤسفني يا ناعمة

ما عندي غير هالصورة ..

حاولي .

[sha3noona almajnoona]

جوااااااااهر


يعطيك العافيه


وضحي لنا الصورة شوي او عطينا نبذه عن الطبق



مشكوووووره

[جواهر عبدالله]

ما فيه أوضح من كذا

حاولوا تعرفون على المكونات ..

الأخضر والأحمر وشو عبارة عنه ؟

عموماً بحاول أكبر الصورة إذا قدرت .