السوق النسائي ،،،،، دعوة للنقاش

[نظـــرة أمـــل]

[align=center]بسم الله الرحمن الرحيم[/align]
[align=justify]
كثرت الأسواق النسائية في المدن الكبرى في المملكة وخصوصاً عاصمتها الرياض وهذا أمر جيد فالنساء في بلادنا بحاجة لسوق نسائي 100% ليتسوقن براحة تامة وتكون هذه الأسواق والمراكز النسائية ملتقى لهن بعيداً عن انظار الرجال وتتميز الأسواق النسائية باحتوائها على بعض المنتجات المبتكرة والفريدة التي لا يوجد لها مثيل في الأسواق العامة إيضاً هذه الأسواق تفتح مجال تجاري للمرأة السعودية وتسمح لها ممارسة عمل يستهوي الكثير من النساء في العالم كله فطبيعة المرأة محبه للبيع والشراء والأخذ والعطاء وبذات في مايختص بأمور التزين من أدوات ومستحضرات التجميل ومن عطورات نسائية .

المشكلة أن بعض هذه الأسواق لا تلقى أي اهتمام من الدولة كما تعاني من بعض التعقيدات تجعل الأقبال عليها قليل كما هناك أفكار حولها وحول كثرت المفاسد والمحظورات فيها وبسبب عدم وجود رقابة عليها يحدث الغش في المنتجات وارتفاع خيالي في الأسعار ..

بنوتات
ما رأيكن في أسواق المملكة النسائية بشكل عام؟
وهل السوق النسائي قد وصل الى مستوى الأسواق العامة من ناحية التنظيم وجودة البضائع؟
وما أجمل سوق نسائي زرتيه ؟

كما أرغب من الجنس الخشن أن يدلو بدلوه ويذكر لنا الفكرة التي لديه عن الأسواق النسائية ؟
وهل يفضل تسوق قريباته في الأسواق العامة أم الأسواق النسائية؟



على هامش الموضوع..
زرت مع أختي أحد أسواق المنطقة الشرقية فدخلت أحدى المحلات وكان مكتوب على لوحته أم مسفر للمجوهرات والعطورات الفرنسية طبعاً الي تبيع فيه طاقه أحلى برقع وكل ماسألنها من وين هل خاتم أو الأسواره قالت من باريس توني في الصيف الي أقفى* جايبته من هناك

* مضى [/align]

أنتظر أرائكم حول الموضوع :خجل:

[بنت الريف]

هلالالا بك أختي نظرة أمل
يعطيك العافية
السوق النسائي عموما بالشرقية ماعندنا الا سوق نسائي واحد حسب علمي :11sted_re مسكين والله يوم يقولون بيقفلونه ويوم يقولون لا والسبب ان المستأجرات للمحلات مادفعوا الايجار لانهم خسرانين مافيه زبائن لن المحلات لاتفي باحتياج النساء مافيه محلات ماركات ولاشركات معروفة ((اقصد اللي بالشرقية )يمكن تتميز بوجود جلابيات متميزة لكن الاسعار مبالغ جدا فيها
ثانيا اكثر اللي يجونه يبون يجتمعون مع صديقاتهم يشربون كوفي ..

عني أنا ما أحب الاسواق النسائية لانه بتضطرين تتجملين وتكشخين يمكن تشوفين احد من ربعك او زميلاتك وستكون مكان لدور عرض الأزياء ..
وأنا مافيني والله عساني اطق عباتي وانا رايحة لسوق واغسل وجهي ..
وخلي ابو العيال بصحبتنا مع بعض اقلها يساعدنا بحمل الأكياس ويمكن يشوف لنا شيء حلو ويشتريه لنا ..
انا لااؤيد وجود مجمعات نسائية لانه مهما تكلمنا لاتطالها الرقابة
هذا رأيي واحترم وجهة نظر من يخالفني

[عبدالهادي الجهني]

،

،


نظرة أمل


........ لاكون معكي صريحا لست مؤيدا لتلك الاسواق من بدايتها ولذلك يرجع لعدم الوثوق بها ،، فالنساء يتسوقن في مكان مغلق ومن الذي يأمن من عدم وجود كاميرات تصوير!

فينبغي الحذر من ذلك

...... كذلك يوجد سبب آخر وهو غلاء أسعارها في كثير مما تعرضه من ملبوسات،،


مع الشكر

اخوك/ ساحل

،

،

،

[أمل عبدالعزيز]

,
,

,
أختي العزيزة نظرة أمل

موضوع شيق
وقضية صادقة
لربما لم أزر في حياتي كلها سوى سوق نسائي واحد وهو المملكة الدور الثالث وكان من أروع الأسواق النسائية على الإطلاق ...
حيث كان مثل السوق الرجالي فقط الفرق في العمالة وكانت العمالة تقريباً أجنبية سوى البعض والأسعار هي هي لافرق.
.

وماسواه فلم أشاهد ياغاليتي.
.
وأتمنى تكون الأسواق النسائية أكثر دقة ومتابعة
فلعلها تكفينا مؤنة مصائب كثيرة.

.
تحيتي لك.

.

[~*~قاهرهم~*~]

[align=center]بما اني من الجنس الخشن...؟

حبيت ادلو بدلوي واتمنى تقبل وجهة نظري

اولاً انا بتكلم عن الموضوع من محورين:

الأول: الناحية الاقتصاديهبما انه انا عمري ما درست اقتصاد ولا اعرف اي
مصطلح اقتصادي بس اسمحوا لي اتفلسف شوي بحكم خبرتي البسيطه
في المرمطه في الدوائر الحكومية والانظمة المحليه " بس تراي موب معقب "
طبعاً كمشاريع اكيد راح تدعم اقتصاد البلد لو درست بشكل صحيح

لكن على مستوى الأفراد والمستثمرين
نجد ان الموضوع شوي معقد ... فلو كنت مستثمر وصاحب رأس مال
انهبلت وجت براسك فكرة افتتاح مركز نسائي؟؟؟؟
ما اقول الا الله يعظم اجرك وان شاء الله بتكون سبب في دخولك الجنة
وذلك لانك راح تؤجر من كثر ما تصبر على اللي بتشوف وتسكت
يعني باختصاااااااااار الموضوع اصعب مما يتخيله اي شخص

اما على مستوى المستثمر العادي واللي حاب يستاجر محل في مركز نسائي
فنجد انه المسأله مو مجديه اقتصادياً اذا حب يبيع بسعر السوق برا لانه راح يخسر
وهذا سبب انه المراكز النسائيه دايم غاليه
لانه الايجارات شي خرافي ومبالغ فيه بالمرررررررررررره
وبالتالي تجدين انه المستثمر سواء رجل او امرأه لازم يعوض ذلك برفع الأسعار
عشان على الأقل يغطي المصاريف واحتمال ما يطلع باي ربح
وانا شخصياً صاحب تجربه في هالمجال في احد المراكز النسائيه المشهوره بالرياض
واللي يجي بالمستوى بعد المركز اللي ذكرته الاخت الفاضله امل عبدالعزيز
لانه لما فكرت استثمر فيه بنشاط معين وجدت انه خسرااااااااااان ميه بالميه
بسبب المبالغه في الايجار
ولو قارنت السعر بمحل خارجي اجد انه اوفر لي استأجر برا
عشان كذا صرفت نظر عن الموضوع
برضه ما ننسى عدد الزبائن لانه اوقات العمل بالمراكز النسائيه شوي محدوده

ثانياً:الناحية الاجتماعيه

المركز النسائي بمجرد الاسم يبعث الاطمئنان لانه المرأه بتكون في خصوصيه تامه
ولكن الواقع للاسف مخالف تماماً لانه وللاسف اصبحت هذه المراكز مرتعاً خصباً
لعينات اقل ما اقول عنها وبكل احترام للقارئ بانها قذره ولا تعكس حال البنت السعوديه
واللي نعتبرها جوهره بل انفس من ذلك ونحرص عليها ونصونها
بس من اللي شفته شخصياً بالمركز اللي ذكرته سابقاً ... والله انه فعلاً شي محزن
لما اشوف التبرج والانحطاط ظاهر للعيان وبدون حتى اي حيا لا من الله ولا من خلقه
وهذا شي للاسف شفته بعيني بحكم دخولي للمركز ولكن قبل افتتاحه رسمياً طبعاً

وعشان كذا انا لا اسمح اني اودي اختي او زوجتي او اي من محارمي لمثل هالمكان
وانا هنا لا اعمم على جميع المراكز ولكن فعلاً يجب ان يكون هناك رقابه
غير كذا اللي اعرفه انه الحريم يدورون الماركات والحركاااااااااااات وهذي حسب علمي
غير موجوده في المراكز النسائيه لانه الماركات العالميه ما تفتح الا بوجود وكيل لها بالممكله
ومو بكيفه يفتح باي مكان لازم يدرس المكان ويوافق عليه والله اعلم
الا المركز اللي في المملكة واعتقد اسمه عالم المراه يمكن يكون فيه بحكم موقعه

وبعد اتوقع انه الحرمه وخصوصاً المتزوجه تحب تتسوق مع زوجها وتخليه يشيل عنها شوي
بعض الاكياس وتتميلح معه عشان يعزمها على كوفي........

اسف على الاطاله
ولكن باختصار المراكز النسائيه جيده اذا اعطيت اهتمام وكان هناك رقابه صارمه
من جميع الجهات المعنيه

تمنياتي للجميع بالتوفيق[/align]

[ريمي]

اختي الفاضلة
انا بنية ومن يجيبون طاري سوق نسائي تطقني ام الركب
حدي مملكة المراءة افرفرها بساعة:11sted_re وانزل تحت

والسبب اوكي سوق نسائى على عيني وراسي
بس ما يعجبني يجونك هالبنات (
مغير يدورون بجوالاتهم احس يبي لهم جلد
والشي الثاني اختي كثرو اللي مايخافون الله
اللي انخطفت واللي كبت عليها شي

بسم الله علينا

بس والله هاللي يبيعون بالمحلات يا اجنبيات ياا مدري وش يصيرون
يعني ينخاف منهم

الشي الثاني / ما فلح الرجال بالبيع تجيك الحرمة
مرة كنت بسوق نسائي اول مرة واخر مرة
ققمت قلت وريني ذا فيه مقاس يعين اسالها
قعدت ساعة تجر عمرها في الاخير طلعت يعني مافية ذرابة ابو هنود :واو:
كلامي ابو الحوسة لكن ...:مزون:
تسلمين على هالطرح

[وهج الحياة020]

انا مع وجود مراكز تسوق نسائية ولكن مع رقابة طبعاً لأن فيها راحة ليه اتعامل مع امرأة مثلي أخذ وأعطي معها ونرتاح من الأختلاط ومساوئه , ومن رجت الي يجبني السوق يحطني في السوق ويروح يقضي مشاويره الى أن انتهي برواق وكمان توفير فرص استثمارية وفرص عمل للعطلنجيات .. بس للأسف جدة بكبرها ما فيها الى سوق واحد نسائي على حد علمي وكمان ما اعرف فين موقعه .. وتقبلوا تحياتي .. :ندو: