[align=right]
في يوم من الأيام ( لا يا جماعه أنا مش هاغنى لعبد الحليم ) هههههههه
ده يوم تانى غير بتاع عم عبد الحليم حافظ والست عبيده زروت في فيلم ( يوم من رجلي ) هههههه
كنت طالع على السلم بعد يوم عمل شاق وعمال أجلجل رائعه المبدعه الفنانه العظيمة الست00 (عبله كامل) ههههه
سقف الأوضه بيلعب ليه من حلاوة الواد إيطاليانو عليه هههههههه
( قال سقف الأوضه قال ) طب هو فيه سقف بيلعب برضه
و بصيت لقيت الواد سمير إبن عم سالم جارنا بيجري ورايا على السلم....
حاولت أنفد بجلدي وأجري ولا أعمل حركة يمين ولا شمال كده علشان افلت منه بس للأسف الواد كان زى الصاروخ ومسكنى
قالي:عمو إيطاليانو
قولتله :إيه عمو دي إسمها آبيه إيطاليانو إما إنك واد سيرس و بيئه صحيح
قالي : يا عم نفض دماغك بقي وإسمعنى
قولتله ( وأنا مزهول طبعآ ) : نفض دماغك 00 ولد يا قليل الأدب طب ودينى لأربيك
قالي : ماشي يا عم الحاج بس إبقي ربينى بعدين00 أنا هلعب للأهلي في نهائي بطولة الجمهوريه للكراتيه
تحت سن عشر سنين والماتش هيبقى في الصاله المغطاه بتاعت النادي
والنبي يا عمو 000إحمم 000قصدي يا آبيه تيجي لأحسن خايف الصاله تبقى فاضيه و محدش يشجعني
قولتله : كارتيه إيه يا بنى ونيلة إيه؟ إيه الجيل المنيل بستين نيله ده هو أنا فاضيلك
لقيت الواد بص في الارض وعنيه دمعت بصراحه صعب عليا روحت معلق الفانله الحمرا بتاعت الواد أخويا
و ربطها في إيد المقشة وعملت فيها الواد ( بروسلي ) في عز مجده شايل علم الأهلي
وحضرت مصاصه من اللي فيها صفارة دى علي شوية شخاليل علي بالونتين وطيران على النادي ....
وصلت لقيت الواد سمير بيلعب في الفاينال مع عيل من نادي الزمالك
قولت إما أعمل فيها مشجع كروى ( ما هوأنا بعد كده عرفت إن فيه فرق بين الكورة والكراتيه )
المهم ضربت كوبايتين يانسون علشان يسلكوا زورى علشان أعرف أشجع بزمة وضمير
وقعدت في المدرجات لوحدى ما فيش حد طالع صوته غيري ههههههه
:إديلوه يا سمير ....إضربوه .....دغدغوه ....كسروووو ....مرمط بيه الملعب يالاه ...
فشفش عضموه..عايزأشوفه جثه ومتشال مربعن ههههههه ..
في الناحيه اللي جنبي كان قاعد راجل شايفني وأنا بديلوه الإرشادات العظيمه
التي وإن دلت فانها تدل على إني بسم الله ما شاء الله ( تيس في الكارتيه ) هههههه
وفي أي رياضه تانية إن شالله حتى لو رياضة السيجا هههههه ( طبعآ مش عارفنها )
لقيت الراجل نفخ مناخيره وبيقولى : بقى لو كان ده أخوك كنت ترضي حد يضربوه ولا يقول عليه كدا ؟؟؟
قولتله : ده زملكاوي ابن ستين زملكاوي انت مش شايف بيلعب ازاي ده حمار واللي دربه حمار
... وبعدين انت ايه الي حشرك انت؟
بصيت لقيت إتناشر دور إتبنوا وطلعوا فوق بعض وعملوا شكل بني ادم
الراجل :أنا أبقى مدرب فريق نادي الزمالك وأبقى أبو الحمار الي بيلعب
وعينك ما تشوف ألا النور
التحام منقطع النظير وناس كتيرلابسه أبيض في ابيض و اسلحه بيضا وفراخ بيضه
وحسيت إن الدنيا كلها ما بقاش فيها لون غير الأبيض
ولما إتراميت علي ضهرى في الأرض ولقيت ناس كتير عمالة تعدى من فوقى
رجاله علي عيال علي 000 حريم 000 هههههههه
وربنا يخليهم الحريم يا رب عارفونى إن فيه ألوان تانيه كتير غير اللون الأبيض ههههههههههه
المهم يعني كويس اني أخدت إيد المقشه معايا 00 وأعتقد اني لسه ما فقدتش حاسه اللمس أو السمع الحمد لله
وعلى باب النادى لقيت حاجه بتجري ورايا خير الله إما إجعله خير صوتها كده شبه صوت الواد سمير
لفيت وقولتله : مين هناك عدو ولا حبيب
قالي : إيه ده يا عمو إيطاليانو إيه السواد اللي حولين عنيك ؟ ومال هدومك مقطعه كدا ليه ؟
قولتله : وأنت مال أمك أنت
قالي : عمو إيطاليانو مش تقولى مبروك أنا كسبت بطوله الجمهوريه في الكراتيه
قولتله : كسبت بطولة الجمهوريه في الكراتيه طب غور من وشي دلوقتى يالاه لاحسن وديني بإيد المقشه دى وهنفضك أنت واللى جابك ههههههههه
آآآآآآآآآآآآى يا عينى
يلا سلامو عليكو
سلالالالالالالالالالالالا لام [/align]
رد مع اقتباس
