[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
اغيب انا والغيبتي بعض الاسباب=لوغبت ماهي رغبتي واختياري
من يسأل اللكزس عن اديار الاجناب=حيثه رفيق لي عن الوضع داري
اول سبب في غيبتي سود الاهداب=لو قلت منهي قلت ماني بداري
نجل العيون وجسمها حيل جذاب=صادق غلاها بارن الحال باري
اللي رحل مايحسب لقلبي احساب=رحل وخلاني حبيس الطواري
منصاب قلبي من هوى الترف منصاب=ماحدن ربح في الحب بايع وشاري
ياهل الهوى لو قالوا الحب غلاب=هذي غلاها غصب وايضا اجباري
ماينعذل قلب من البعد مرتاب=ولاتنعذل رجل حفت بالمساري
لو انها ياناس من بعض الاقراب=او ان ابوها ساكن الحي جاري
ماكان ابشكي حب تلعات الارقاب=ولاهمت باسباب الخطر والغداري
ان جيت ادق ارقام ربعي والاصحاب=ادق رقمه غصب ماني بداري
مرات يرسلي مشاريه واعتاب=ومرات ماطريله على البال طاري
ان كان تجرح خاطري وانت لعاب=اخير من رجواك رد اعتباري[/poem]
رد مع اقتباس
-new.gif)
المشاركة الأصلية كتبت بواسطة جارح الكسر
[/align]
