السلام عليكم ورحمة الله وبركاته
مرحبا تراحيب المطر ..
هذي قصيدة منقوله
عن الشاعر. كاتم الونه .
بصوت المبدع . ابو نواف.
والله يحييكم [ramv]http://www.5ymah.net/rm/gxr.ra[/ramv]
للحفظ يالغالين
قم ياولد زهب لنا جيب جقـس آر
دام الوسـم أقبـل علينـا بـنـوّه
وزهب معاميلي على شبـت النـار
ومن السمر زوّد لجل طيب ضـوّه
يامحـلا مجّلاسنـا جنـب مجمـار
وريح النفل غطى على كـل جـوّه
وحليـب خلفـة طيبـة بيننـا دار
بكريةٍ تـوّه علـى العشـب تـوّه
وفنجال صيني ناقـعٍ بـن وبهـار
بنٍ علـى المحمـاس لا ماتشـوّه
واليا طرى الشاهي له القرم بيطار
قم ياسعد سوّه على الكيـف سـوّه
وسط النفود اللي بها خوش تذكـار
طعسٍ حمر توّه مـن الوبـل تـوّه
فيه الثرى يلحق ثراهـا بلاشبـار
مسقيه ربـي مـن تباشيـر نـوّه
ودارت سوالف كلها طيب وأخبـار
فيهـا الميانـة سايـده والاخـوة
وهلت قرايحنا على ذكـر الاشعـار
حتى العليمي بالشعـر قـد تفـوّه
واللغز جاء دوره على عصر الافكار
نرمي على عينه ولـو قـد تمـوّه
واليا رقدنـا مانسينـا بالاسحـار
نوتر وهاذي سنـة أهـل المـروّة
حياكم الله
سلام..
رد مع اقتباس
