[poem=font="Simplified Arabic,5,blue,normal,normal" bkcolor="transparent" bkimage="" border="none,4,darkblue" type=0 line=0 align=center use=ex num="0,black"]
[align=center]يا وجود اللي هجوسه بالضماير من عذابه = كل ما نامت عيونه حرك الهاجس لهيبه
الحروف اللي على قلبي ثلاثه ما تشابه = زادت طعوني من الاحرف وطعناتي عطيبه
الحبيب اللي تولا ضامر القلب وسطابه = زود الجرح بفؤادي وين بابحث عن طبيبه
ما يطيب القلب ظني ضربته مثل الحرابه = كيف يصبر ويتسلى بعد ما فارق حبيبه
المحبه والموده من على عهد الصحابه = المحبه سم للعاشق وسمي من دريبه
لو بغيت ابحث عن المخزون واقرا في كتابه = هلت دموعي ودمعات العيون اكبر مصيبه
الحبيب اللي تمركز بالحشا عقلي غدابه = ياخذ المجمول عقلي قلتلك ماهي غريبه
مزنة(ن) تلمع على البراق في حد السحابه = لا سرا ليل المزن يلمع وبراقه يجيبه
والله اني عايش(ن) في هم وحزان وكاّبه = والحزن خافي يبيله فهم وعقول(ن) لبيبه
والختام اقول ما ندري لو ان الوقت جابه = يمكن تجيبه مقادير مفاهمها صعيبه[/align][/poem]
رد مع اقتباس
