[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
في وسط بيتي سيّر اليوم غاليين= وما كنت أظنّك واحدٍ من ضيوفي
شفتك وصديت النظر عنك يا زين = ما هو جفا لكن هذي ظروفي
الود ودي انطق اليوم حرفين= لكن لساني انعقد في حروفي
واللي جبرني ما أكلّمك هالحين= عيون غيرك لا تناظر لخوفي
لو الملا تبصر فعيني العناوين= يلقون اسمك ساكنٍ وسط شوفي
لا والذي علاّك في القلب والعين= الحب باقي لو يقصّر وقوفي
الحب ما ينفع به اليوم حلين= أدري وتدري وش سبايب عزوفي
حبست دمعي لا تميل الموازين= روفي علي يا دمعة الشوق روفي
في داخلي زلزال شوق وبراكين= شوقي كبير وما تعدّى رفوفي
وفي داخلي ديوان غير الدواوين= شفت القهر والحزن هذي وصوفي
محدٍ درى وأنا احسب الناس دارين= كن العرب تقرا الخوافي بجوفــــي
من عامي الأول إلى عام ألفين= وهموم قلبي اتعبت لي كتوفي
الحال ضايع لو يطول العمر شين= والدمع ما قصّر بعد صار يوفي
دام اللقا ممنوع ما بين قلبين= ارسل طيوفك تلتقي مع طيوفي
اقول في نفسي عسى الليل ليلين= والوقت عاندني واشوفه يطوفي
ويوم الضيوف أقفوا عن الدار سارين= عيني بكت لمفارق أغلى ضيوفي[/poem]
رد مع اقتباس
