بين عقل وبين نفس وبين روح ؟؟ الخضاري الدوسري

[عبدالله الخضاري الدوسري]

السلام عليكم ورحمة الله وبركاته

تحية من أعماق نفسي لكل مشرفي وأعضاء هذا المنتدى الغالي

سامحوني على تقصيري في التواصل

يشرفني أن تمروا على محاولاتي الشعرية وأسعد بنقدكم وملاحظاتكم

[poem=font="Simplified Arabic,5,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
بين عقل وبين نفس وبين روح = ضيع الرّبان مرســى الباخرة
ان لبسنا الزهد عرّانا الطموح = نبغي الدنيـــــا ونبغي الآخرة
الله اكبر ايّها النفس الجموح = للقا الاكــــبر وش انتي ذاخره
يا مشيّدة العماير والصّروح = يا مسحّـــــبة البشوت الفاخرة
كل بطاح (ن) له يوم(ن) بطوح = والوعد بين العظــام النّــاخرة
القبور اللي فنت من عصر نوح = والقبور اللي باهـــلها زاخـرة
والنّصوب اللي على البيدا تلوح = والجداد الشّامخـــات السّاخرة
ما وعينا الدرس مع كثر الشروح= دهورتنا : ( الاخرة مستااااخرة )[/poem]

محبكم
عبدالله بن راجس الدوسري

[أحمد السكران]

ما وعينا الدرس مع كثر الشروح
دهورتنا : ( الاخرة مستااااخرة )


عبدالله بن راجس


صح لسانك

[سلطان بن فيحان]

هلا والله ومرحبا صح لسانك مليووووون ياعبدالله لاهنت جزله بكل معنى الجزااااااله

[عايدالعنزي]

الشاعر الجزل

عبدالله الدوسري

صح لسانك

وعلى شانك


رائع كامل الروعة

دمت بهذا الجمال المبدع


لك

تحياتي

وتقديري

[دكتور غرابيل]

صح لسانك
قصيدتك جميله بمعنى الكلمه

[همس المشاعر]

صح بوحك



لاهنت

[جارح الكسر]

صح لسانك

جارح

[مهدي بن مسفر الحبابي]

أخوي عبدالله بن راجس الدوسري

ارحب يابو راجس من طول الغيبات جاء بالغنايم

صح لسانك واعتلا شانك وبيض الله وجهك

رايعه ووافيه من راس واحساس وافي

لك فااائق احترامي وتقديري

[محمد فراج الدوسري]

بين عقل وبين نفس وبين روح
======ضيع الرّبان مرسى الباخرة
ان لبسنا الزهد عرّانا الطموح
ن=====بغي الدنيا ونبغي الآخرة
الله اكبر ايّها النفس الجموح
======للقا الاكبر وش انتي ذاخره


يعني ماتنازلت واحسبني لو طلبت اكبر عيالك ترخصه


على العموم تكتب بماء الشعر يا بوراجس


صح السانك من هنا الى مالا نهايه


لك الود والورد

[عبد الرحمن مازن العطاوي]

[align=center].
.


والنّصوب اللي على البيدا تلوح
والجداد الشّامخات السّاخرة

ما وعينا الدرس مع كثر الشروح
دهورتنا : ( الاخرة مستااااخرة )


لاصارت هذي محاولة الشكوى لله .!

عزالله كايفه وجزله يابو عابد


صح لسانك ملاييين ولاهنت
تحيتي لك

.
.[/align]

[زبن بن عمير]

القافية خطيرة

والشعر جزل


سلمت يالدوسري



بيض الله وجهك

[أبوعبدالرحمن]

قافية ولا اروع

وشاعر متمكن فعلا


اشتقنا لحرفك كثير يابوراجس


وصح قلبك وكلك

[خــــالـــــد]

[align=center]
عبدالله الخضاري

صح لساااااااانك وقلبك ..

من طول الغيبات جاب الغنايم ..

تسلم يالغالي

[/align]

[محمد الروقي]

اشوف الربع ينادون يابن راجس


بس انا ابي اخاطب صاحب هذه القصيده

عبد الله الدوسري واقوله صح لساااااااانك الى رضاك

وتقبل الود والورد

[عبدالله الخضاري الدوسري]

مرحبا بالأعزاء

أحمد السكران
مرحبا بإطلالتك ومبادرة الجميلة لكونك أول من رد
فلك جزيل الشكر والمودة

سلطان بن فيحان
بل الجزل نبع أناملك وبوح قلمك ودفق مشاعرك

عايد العنزي
الروعة أنت أسها وزاوية حجرها ونجمها الساطع

دكتور غرابيل
تقول قصيدتي جميلة وهي في الحقيقة لا توازي جمال توقيعك

همس المشاعر
أسعدك المولى في الدنيا والآخرة

جارح الكسر
صح بدنك وسعدت بمرورك كسعادة الطلاب بالإجازة والمعلمين برفع مستوياتهم

مهدي بن مسفر
أستاذي القدير وأخي الفاضل أبو نواف
يا أخي أسعد برؤيتك وأنت مخالفني مع الخط العام فكيف وأنت ترد علي وتتواصل معي
في منتدى شامخ كغرابيل
تطول غيبتنا ونزداد لك محبة وتقديرا

محمد فراج
شاعرنا الكريييييم
أسعد بتواصلك وإبداعك
أسأل الله أن لا يقطعنا من إبداع مثل إبداع ليلة الأربعاء الماضي ؟
وبعدين البيعان بالخيار مالم يتفرقا

عبدالرحمن العطاوي
ولد مازن والله ونعم يالعطاوي
قول وفعل
ان كان مالي مع هل الطيب صولات ** ماني ولد مازن ولاني عطاوي

زبن بن عمير
حفيد الشعر والجزالة
وسلالة الإبداع والتألق
يشرفني مرورك
وبيض الله وجهك على نشر قصيدتي في الذب عن رسول الله صلى الله عليه وسلم


أبو عبدالرحمن
تقول اشتقنا لك !!
من طيبك وطيب أصلك
لو سئلتُ عن شخص أجبرني على حبه واحترامه وأنا لم أره ؟
لقلت : مشرفنا الغالي
أبو عبدالرحمن
حفظ الله لك من في الصورة

خالد
توقيعك الإبداعي استمرار لإبداع خلودك وخلود إبداعك
أن تكون مبدعا أحيانا جميل
ولكن الأجمل
أن تكون خالدا

محمد الروقي
أسأل الله أن يجمعك ب ( محمد ) صلى الله عليه وسلم في الفردوس الأعلى
أحب من اسمه محمد
فكيف إذا كان محمد وروقي بعد ؟!



محبكم
عبدالله بن راجس الدوسري


..