أصفـــــــــــــــــر العـــــــــــــرقـــــــ ـــــــوب

[ناصر محمد السبيعي]

قصيده جديده واتمنى انها تعجبكم السالفه ومافيها في واحد حضري يمزح معي وجاب العيد هههههههههههه يقول:يابدوي رح احلب البعارين. ياناس البعارين قامت تحلب ههههههههههههههههه اتركم مع القصيده وارجو من الشعار انهم يطلعون لي الابيات الغير موزونه:
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
اسمع ترفق واقراء البيت بالهون=انا سبيعي ومن شيوخ ن مناعير
انا من اللي سلم الطيب يرقون=صلف ن قوي في الاوقات المعاسير
ماني من اللي وقت الاصعاب يرخون=ووقت الشدايد يخلقون المعاذير
انا من اللي وقت الاصعاب يقسون=سيوفنا حدب ن قويه مباتير
لو هي بكيفك ياصفر العرقوب يا<جون>=تترك لنا الخلفات وتحلب لك بعير
على طاري الحليب اللي تشربون=حنا ترا نشرب حليب المغاتير[/poem]

جون اسم امريكي وسلامتكــــــــــــــــــ ـــــــمـ

[ناصر محمد السبيعي]

اكرر ارجو من الشعار انتقاد القصيده واخراج البيوت الغير موزونه واذا كان فيه بيت موزون يعلموني على اي بحر موزون ولكم جزيل الشكر

[ناصر محمد السبيعي]

وين الناس؟؟؟؟

[صقر المملكه]

اسمع ترفـق واقـراء البيـت بالهـون
انا سبيعـي ومـن شيـوخ ن مناعيـر
انا مـن اللـي سلـم الطيـب يرقـون
صلف ن قوي في الاوقـات المعاسيـر
ماني من اللي وقت الاصعاب يرخـون
ووقـت الشدايـد يخلقـون المعـاذيـر
انا من اللي وقـت الاصعـاب يقسـون
سيوفنـا حــدب ن قـويـه مباتـيـر
لو هي بكيفك ياصفر العرقوب يا<جون>
تترك لنا الخلفات وتحلـب لـك بعيـر
على طـاري الحليـب اللـي تشربـون
حنـا تـرا نشـرب حليـب المغاتيـر

الله الله

صح لسانك

واعتلا شانك

قصيده جزله من شاعر جزل

تحياتي لك يا شاعر الغلبا

[ناصر محمد السبيعي]

صح بدنك


لاهنت على مرورك

[دكتور غرابيل]

صح لسانك
شاعر الغلبا
ردك حلو


واعتقد ان البيت الخامس
في خلل بالوزن


وصح لسانك
مره ثانيه

[النوري]

ناصرمحمدالسبيعي


جميلة ابياتك....يابدوي اصيل

والنعم هم الاصل والعشيره..

عندك بيتين ....لك عليه

لو هي بكيفك ياصفر العرقوب يا<جون>
تترك لنا الخلفات وتحلـب لـك بعيـر
على طـاري الحليـب اللـي تشربـون
حنـا تـرا نشـرب حليـب المغاتيـر

ركيكه شوي طلعت عن وزن الابيات السابقه..

وانت ماعليك..لك بالشعر والمحاوره