لو نسيتا مانسيتك
مغرم في حبك إنتا
منتا إي والله منتا
صاحب بالأمس كنتا
للاسف قلبي طعنتا
بس أنا الي ماقريتك
لو نسيتا مانسيتك
زايد في حب ذاتك
والكبر يسقي نباتك
تلك والله صفاتك
وردتي تستر حصاتك
كل هذا وأشتريتك
لو نسيتا مانسيتك
آه ياطيف خذاني
طار بي لا قصى مكان
حبني ثمن نساني
ياترى ماذا دهاني
ليتني ياهيه جيتك،،،،
لو نسيتا مانسيتك
المسافه تنطوي لك
والتلايع تستوي لك
والمراجل تنتخي لك
والمعذب يشتكي لك
ظلمتي تحتاج ليتك
لو نسيتا مانسيتك
قلت لي والليل حالك
يومها جالس لحالك
ياسعد وشلون حالك
طرت يوم أوحيت صيتك
لو نسيتا مانسيتك
شاقني ياناس ضوّه
وقفته ،غنجه ،هدوّه
مطرت مسبوق نوّه
ممتلي جيده فتوّه
آه يامحلا سموّه
يابعد حيك وميتك
لو نسيتا مانسيتك
ياترى وشلون ملاّ
مذ دعاه الشوق ولاّ
مانخاني وقلت كلاّ
مختصرها كنت خلاّ
يالوفا هاقد نعيتك
لو نسيتا مانسيتك
سعد بن عثمان العثمان
رد مع اقتباس
المشاركة الأصلية كتبت بواسطة أبوعبدالرحمن
