انا اللبيب اللي فهم بـ آلآشآره ..}
السسلام عليكم ورحمة الله وبركاته
آعود لكم بعد غيبه وابتعاد عن النت
بشكل عام بهذه القصيده التي اتمنى ان تحوز
على رضاكم ....)
يا بوي قل المال ما ضنتي عيب
والرجل ما يعيبه سوا وطي عاره
واللي وثق فبوه ما يلحقه ريب
واثق بتربيته ويمشي بأماره
مهو بشرط امير سيارته جيب
لكن يعز النفس عن مال جاره
حتى القريًب اتركه لو هو قريب
لانه على الطيحه يسوق البشاره
وقريبنا لو هو ملا وجهه الشيب
طبع النساء يا بوي ضيع وقاره
ماني براجي منه حل الاصاعيب
وما فيه رجالن بيسمع قراره
لا شاف له حرمه يسوق التراحيب
ولا شاف له رجال ضيع مساره
مكالماته صلخ معهن واكاذيب
ويغني لنوره ويرقص لساره
وده يذل اللي ربا تربية ذيب
من صغر سنه ما رضى بالحقاره
ارسل علي من الجماعه مناديب
يبيني ارجعله ولو باستشاره
حاول ولكن فاطنن للاساليب
وانا اللبيب اللي فهم بالاشاره
انا ولد ساير عطيب المضاريب
وما ضنتي ارضى ابد بالخساره
ابوي رباني على العز والطيب
وانا ولده اخذت منه الجساره
عندي كلام الحق مهو بتهريب
وهم عندهم تاره و تاره وتاره
وبالرغم من ذلك حفظت المواجيب
وسترت حاجاتن تجيب المراره
آخوكم : رآئد ساير آلعوني
رد مع اقتباس
