اسعفوووووني بسررررعه مافي وقت

[((راما))]

السلام عليكم ورحمة الله وبركاته كيفكم بنات رياض صدق ثقلت عليكم لكن مااستغني عن افكاركم عندي اختبار نهائي الثلاثاء والله العظيم محتاسه انا وصاحباتي لكن ابطلب طلب ابغى افكار لالعاب في وقت اللعب في الخارج والاستاذه محدده مواضيع لهذا الاختبار واللي هي /1ـ اعلى واسفل
2ـ طويل وقصير 3ـ يمين ويسار 4ـ امام وخلف 5ـ داخل وخارج واخر موضوع عن القفز تكفووووووووووووووون ساعدوني االليله لو ببعض الافكار والاستاذه الله يهديها مانزلت الورقه الا اليوم

[أثر منسي]

[align=center]هلا راما


يالله ايش الصدفه الحلوه هاذي

شووفي عيوني انا وقت ما عرضووو البنات اعمالهم ماكنت فيه لاني جيت على الاخير وانتي عارفتها مو كل شي يعجبها

بس انا لما سويت مفهوم يمين ويسار جبت معاي دب مرره كبير وسياره بعد كبيره وو راكون كبير بعد ووشاحنه كبيره

وسويت فيها يمين ويسار وامام وخلف وجبتها بالعاني كبيره عشان ماتقولي مايناسب اللعب في الخارج


وعمل لطويل وقصير فيه واحد في بالي مرره حلو وان شا الله يعجبك

ووهو انك تجيب ورق جرايد وتلفينها لحد ماتصير عند كوره وبعدين تدخليها جو شراب لحمي وتجيبين قماش الجوخ الوان

وتقصينه مثلثات وبعدين تخيطيها على الشراب الين مايصير عندك كوره ملونه

وتسويه منها اعداد كبيره وبعدين تلصقينهم ورا بعض ويصير عندك شكل دودوة ام اربعه واربعين و سوي الراس

بشراب ابيض ولصقي عليه عيون وسويله فم ومن فوق قصي المصاصه مقاس مره صغير عشان تصير لك اذااانه

واستخدمي القطن الملون على انه فم وسويله ذيل بنفس حركة المصاصه

ونفس الطريقه سوي واحد ثاني بعدد كور اقل عشان يصير عندك طويل وقصير

واعرضيها على لوحه وغطيها بقماش جوخ عشان يكون شكلها حلووو وحطي عليها الدودوة


وان شاء الله يعجبك ويعجبها لانه بشغل يديك ولانه كمان كبير ومجسم

وبالتوفيق عيوني

وخلينا نشوفك في الكليه [/align]

[الغـــــــــــــامضة]

اهلين بأحلى راما ..

لعبة القفز ..

عندك خيارين اما تسوين اطواق على شكل أذان أرانب ويلبسها الأطفال ويقفزو بواسطة كيس خيش أو بيت مخده ويكون سباق بين طفلين هذا اول خيار ..
ثاني خيار تجيبي ورق ملون تقصية على شكل خطوات أقدام وتلصقيها في ساحة اللعب ويبداء الطفل بلاقفز على هذه الخطوات ..


داخل وخارج ..

تنفعلها لعبة بر وبحر جيبي طوق كبير وحطية على الأرض ويقفز الاطفال داخل الطوق عند سماع كلمة بحر ولما تقولي بر يقفزوا خارج الطوق ..


امام وخلف ..

لعبة الدودة ..

تقسمي الأطفال لفريقين ويكونوا متراصين بشكل قطار خلف بعض لكن على شكل دودة يعني زيك زاك قسم ينقل الكرة من الخلف يعني يعطيها الطفل اللي بعده عشان يوصلها لأخر الدودة والقسم الثاني ينقلها للأمام عشان توصل لأول الدودة ..

طويل قصير ..

اختاري مجموعه من القوارير الفارغةالمختلفة بالطول مثلا قوارير الماء ولونيها عشان يصير شكلها جذاب للأطفال
وقسميعا على سلتين وكوني سباق بين كل طفلين لترتيب الاطوال من الاقصر للأطول والفائز اللي ينتهي اولا ..


اعلى اسفل ..

لعبة نخلة نملة نخلة يوقف الاطفال نملة يجلسوا ..

او

تختاري طفلين وتعطي كل طفل كورة ولما تقولي اعلى يحط الكورة فوق واسفل ينزل الكورة تحت ..


سوري حياتي مالقيت شي في بالي على يمين ويسار ..

يارب اكون افدتك لاتنسيني من دعائك ..

[سارهـ]

سا سلااااااااااااام

والله صرتوا اصحاب مع بعض في الكلية

وناسة

كل وحدة تساعد الثانية والله ماقصرتوا



حتى غموضتي ما قصرت والله


مشكورين

[((راما))]

مشكوره خويتي اثر منسي وحبيبتي الغامضه لكن تكفوووووووون ابغى اسهل لانه مافي وقت سارووونه والله فرحت لما شفت مشاركتك بس خسارررررررررررررررره ماطلعت اللي ابغاه ياناس ساعدووني والله العظيم اعصابي تعبت الاختبار قرب وانا مانزلت المكتبه

[أثر منسي]

اهلين راما


اقول حبيبي احمدي ربك على الافكار ولا تقعدي تتبطري هذا سهل وهذا صعب

اهم شي ان كل مفهوم وله فكره جاهزه عندك غيرك ماعنده احد يساعده ومافي شي يجي بسرعه ومن غير تعب

وانتي عارفه كيف استاذتنا ماتبي شي جاهز اتعبي اليوم وخلاص

وانا اشوف ان الافكار اللي عطتك هيا الغامضه سهله ومايبيلها وقت وماقصرت معك


وبعدين اغراضها متوفره عندك بالبيت

رووحي بس جهزيها ولا تطولين عالنت


بالتوفيق ان شالله

[((راما))]

هلا والله اثر منسي احب اقوووووووولك اذا المناقشه تزعل احد الله يغنيني عن افكارك ماابيها( ثانكس ) الحمد لله اختباري مررررره سهل وعملي اعجب الاستاذه

[سارهـ]

راما ما خبرتك يا عيوني تزعلين بسرعة

اثر منسي ما قالت شي يزعل بالعكس قالتلك نصيحة اخوية


ويا هلا فيك ياقلبي


واتمنى لك التوفيق