لغز والذكي يحله

[منيرة الحربي]

هذا لغز والذكي يحله


[poem=font="Simplified Arabic,6,black,bold,normal" bkcolor="transparent" bkimage="" border="none,4,black" type=2 line=1 align=center use=ex num="0,black"]
انشدك عن رجل ٍ دعي من محله = والفى على رجال ٍ تعزه وتغليه


وتزوج اللي ودها صافي ٍ له = والفى عليه الموت في حضن مغليه [/poem]

[محمد السليس]

مافيه اختيارات

[منيرة الحربي]

او شي يامحمد كل عام وانت بخير



وثاني شي مافيه اختيارات



واللغز تراه بسيط وانت شاعر وتعرف



تحياتي لك وجيتك منوره

[محمد السليس]

وانتى بخير وصحه وسلامه

والعذر على الخول بدون معايده وسلام بس من قو الحماس والتفكير شاركت في هالموضوع

والليله فالدوريه عندنا ابطرحه على الشياب وان شاء الله يحلونه

ولاهنتى والله

[عواض الشلوي]

السلام عليكم ورحمة الله وبركاته

وكل عام وجميع الاخوان والاخوات بخير

بنت الأمراء

اشكرك على المشاركة الرائعة

بالنسبة لي فأني اشارك اخي محمد السليس الراي

لأني وجدت اكثر من خيار لحل اللغز

واتمنا ان يكون فيه خيارات

تحياتي

[محمد السليس]

لاهنت ياعواض

وعيدك مبارك

وانا من الضحى الكبير وانا احوس وادوس في هاللغز

وودى احله وازريت

[النوري]

هذا لغز والذكي يحله


[poem=font="Simplified Arabic,6,black,bold,normal" bkcolor="transparent" bkimage="" border="none,4,black" type=2 line=1 align=center use=ex num="0,black"]
انشدك عن رجل ٍ دعي من محله = والفى على رجال ٍ تعزه وتغليه


وتزوج اللي ودها صافي ٍ له = والفى عليه الموت في حضن مغليه [/poem]

بنت الامراء
من العايدين يالغاليه..
مانتب سهله يابنت الرجال
اموت انا باللغز واحيا بحله


كان عندي سالفه فهو..........الراكوب............وهو فرع تلقح به النخله...
والله اعلم وصلى الله على نبينامحمد وعلى آله وسلم

واذا ماحالفني الحظ ....فلي عوده بعد تفكر وش لو اظفر بالجايزه >>ملزمه

[محمد السليس]

النورى

كل عام وانتى بخير وصحه وسلامه

الراكوب = اللى هو الوبار

وننتظر بنت الامراء

[عواض الشلوي]

ياهلا ومسهلا اخوي محمد

مافيه الا ان نقوم بمحاولات الوصول للحل

محاولتي الأولى

انشدك عن رجل ٍ دعي من محلـه = والفى على رجال ٍ تعـزه وتغليـه

الكيف ( البن والهيل )


وتزوج اللي ودهـا صافـي ٍ لـه

الدله

والفى عليه الموت في حضن مغليه

اهنتهت اخر حياته بالدله رحمه الله

تحياتي للجميع

[منيرة الحربي]

اختي النوري كل عام وانتي بخير


انا النخل ماعرف عنه شي وما لج لوء يالغليه مهو اللي قلتي



اخوي عواض شلوي كل عام وانت بخير اما حلك فا انت قربت للحل ولكن ماهو البن والهيل


تراه قريب الحل وبسيط تحياتي للجميع

[عواض الشلوي]

انشدك عن رجل ٍ دعي من محلـه = والفى على رجال ٍ تعـزه وتغليـه
وتزوج اللي ودهـا صافـي ٍ لـه = والفى عليه الموت في حضن مغليه

اختي بنت الأمراء اتمنا اني وصلت للحل واذا لم اتوصل للحل

فأني اعلن انسحابي ، واشكرك على المتابعه والتوضيح اكثر

اللغز بامر الله توصلت حله=ياللي تبي الطيب من السوق تشريه
العود الأصلي ياهل الطيب كله= بلمبخره والطيب من طيب راعيه

تحياتي

[منيرة الحربي]

صح فكرك ياعواض وهو العود الزرق


وحبيبته المبخره والفا عليه الموت فيها


وهودايم يلفي على الرجال وحنا لنا قسم منه



وتحياتي لك واللجميع اللي شاركم

[عواض الشلوي]

بنت الامراء

مشكوره على المتابعه

والشكر موصول للأخ محمد السليس والأخت النوري

الذين شاركوا معنا وزادتنا مشاركاتهم وتفاعلهم حماس وتفاعل

تحياتي للجميع

[محمد السليس]

بيض الله وجهك ياعواض

والحضور اللي ينومس حضورك والله

ولاهانت اختنا بنت الامراء على هالموضوع اللى شرفنا بحضورك والمشاركه معك ومع كل من حضر


وانا كنت اقول انه العود بس متردد هههههههههه

ودمتو ا بخير كلكم

[منيرة الحربي]

اشكر كل من الاخ عواض ولاخت النوري ولاخ محمد السليس



مادامك يامحمد تعرف ليه ماقلته اجل ابجيب لك لغز ثاني



بس ترا ماهو لك الحالك للجميع بس اليوم ابريحكم




بكره انشالله



وشكركم كثير الشكر على تفاعلكم مع موضوعي