[align=center]الاحبه اعضاء وزوار منتدى غرابيل ..
هذه قصيده وجهها لي الشاعر .. ناصر مطلق البقمي
قبل فتره .. ولم اتركها تجاهلا ً ولكن لمكانته عندي حاولت ان اجتهد
في الرد عليه .. ..
واليكم قصيدة الاخ ناصر
[poem=font="Simplified Arabic,5,black,bold,normal" bkcolor="transparent" bkimage="backgrounds/24.gif" border="solid,4,black" type=2 line=0 align=center use=ex num="0,black"]
الا يالنايف الدنيا تقّلب والزمن دوار=وعيني من بلاوي الوقت والايام محزونه
رياح الوقت يانياف تجرفنا مع التيار=بوقتٍ حالكٍ مظلم وزادت ظلمه مزونه
يدن بخافقي هاجس ويعلن ثورة الثوار=وتصرخ فالمحاني سالفه ما عاد مدفونه
تضيق ابها المحاني ثم يكتبها قواف أشعار=قلمها ظلع من صدره وحبره نازف طعونه
حروفً في ربيع القاف لاجاته كما الامطار=ليا من طاح في أرضٍ خلا ما هيب مسكونه
بروضٍ تختلط فيه الخزامى والنفل وازهار=يهندب من هواجيسه ويزعج عاذب لحونه
ليا منّه شعل ناره ودنا له حليب بكار=ورحب جايد اليمنى بكل اللي يمرونه
ليا شاف المسير زاد صوته بالهلا تجهار=يخاف إمن الكرم يسبْق عليه وينعزم دونه
كذا حال القوافي كان في راسي تمر افكار=تعادى مسرجات الفكر في راسٍ من شجونه
يحس الناس غداره ويشعر بالزمن غدار=بعد ما ذاق سيف الغدر من ناسٍ يحبونه
يحد الغدر سيفه وادري بسيف الغَدر بتار=يبي يطعن فوادٍ من نقاه محرم يخونه
قسم بالله لا منه ضرب بين الضلوع وطار=شرر من ضربه ظلوعي يروع لو تشوفونه
تحطمني جروح الحب والايام والاقدار=وانا صابر على جرحي وسوو الي تسوونه
أعرف ان الهوى يذبح واعرف ان المفارق ضار=وأعرف العاشق يبين غلاه بنظرة عيونه
وأعرف ان الزمن دايم يذوقك المرار إمْرار=يسوق المر فدلالٍ من الحرمان مدهونه
مثل ما قيل فأمثال العرب وان جابو الاخبار=ترى هالوقت ما يضحك ولو بانت لك سنونه
وأعرف ان الزمن يقطع علينا دايم المشوار=وان الناس قد تفنى وبه شيٍ يريدونه
دخيلك يا بعد راسي ليا طروني الحضار=وقالو لك وش اخباره عساه بخير وشلونه
قل أنه ما ارتخى دايم ولو ان الزمن دوار=وراسه لأرتخى والله ما يبقى على متونه[/poem]
ردي المتوااضع على الشاعر ناصر البقمي ..
[poem=font="Simplified Arabic,5,black,bold,normal" bkcolor="transparent" bkimage="backgrounds/24.gif" border="solid,4,black" type=2 line=0 align=center use=ex num="0,black"]
هلابك يالبيوت اللي تسرّ الخاطر المحتار= اهلي بالبيوت وشاعر ٍ تطربني فنونه
ثلاث شهور ابرمجها على الشاشات يالشعار= أصبحها وأمسيها وأقول القاف ياهونه
أنا مأخرتها عاجز ولاني فالقواف احتار = أخاف إمن القصور يصير في قافي ومضمونه
أبي ردي على ناصر يقص السالفه منشار = مادام انه عليّه يالنشاما باح مكنونه
أعرفه طيب السيره وعرفه من رجال أخيار = قبيله صيتها بين القبايل دوم توحونه
من بقوم ٍ لها تاريخها فالضيف ويا الجار = ونجدة من نصاها في صباح ٍ سلبت ضعونه
رفيقي لانخاني مايجملني معه معذار = أسوق الروح من شانه ولا روحي بممنونه
الآ ياناصر الدنيا فلكها دايما ً فرار = نهار إنقوله سكر وعشر أيام ليمونه
تراها مثل بدر ٍ لاتجلى في سماه ودار = مصيره يارفيقي راجع ٍ شكله لعرجونه
ترى الدنيا بها ياصاحبي خيّر ونسل احرار = وفيها من بنات الغيد مزيونه ومصيونه
بها رجل ٍ يسدك لانصيته لو نباه الحار = ليا رحب وهلابك ملكت الكون وركونه
وسهم الحب ياناصر عذاب وشعلة ٍ من نار = ولايشكي عذاب الحب غير اللي يذوقونه
عقاب ونوت ياناصر لهم في سيرته تذكار= وقيس ابن الملوح صار فالتاريخ مجنونه
تصبرّ لينها تصلح تصبر ّ والفلك يندار= ترى للصابرين افراج من ربي وله عونه
ولاتطرد ورى المقفي ترى طرد المقفي عار=ومن يطرد ورى المقفي قسم مابلل شنونه
عطيتك موجز علومي بدله هيلها ذعّار = وابي منك السموحه كان قصرنا بمضمونه[/poem][/align]
رد مع اقتباس
