صباح المشاكل
قصدي
صباح الخيـــــر
ياربي من وين أبدأ ، وربي عندي سلسلة مشاكل
أبتدي من السلسلة الأولى ولا الوسطى ولا الطرفانية
يااااربي أنا لي مجموعة مشاكل وحلوها لي .......
المشكلة الأولى /
ما أنام مثل الأوادم والخلق حياتي معكوسة من يوم ما أتخرجتأنام بالفجر بعد الصلاة وأصحى المغرب وأكون صاحية ألين فجر اليوم الثاني ، وماصار يتعدل إلا إذا عندي صحوة مهمة في الصباح ، مشكلتي مشكلة لا نوم مثل الخلق ولا شي ، من هالمشكلة عندي مصيبتن أكبر ، ياربي ياربي ياربي
المصيبة إني أسمع مواء القطط من اليوم الجديد من بعد 12 فجراً ألين بعد صلاة الفجر وهي تطربني قصدي ترعبني بموائها إللي يخرع بلدوربي صوت مو طبيعي أقسم بالله أحسه صوت جني متلبسها ، كإنها وحوش أشك إنها قطط الله يكافيها وربي تعبتني وأنا وحدي بغرفتي ما أشوف النوم إن حاولت أنام بدري وأعدل فيه ، نغمات غريبة تطلقها سمفونيات تركية وغربية ومجونية وعيوني تصير مثل الفنجان وأصحى
، ياربي وش أسوي تعبت بغيت أصحي ماما لكن قلت بنفسي حرام أقلقها وش أسوي ؟! ، وغرفتي لازم أنام بظلام دامس وإذا لمحة نور مافي نوم خلاص يروح ، وأنا وحدي أنام بغرفتي لا ونيس ولا شي مع الجدران الخمسة ، الخامس السقف الملبس بالجبس فوق
بعد ما أسمع مواء القطط تصير عندي حالة اسمها وسوسة الليل ، وربي بس لا أخوفكم أتخيل جني بسم الله يسحبني من رجلاتي أو يمسكها لأنها صارت لأمي من قبل وزمان < ما تنسى ، وأتخيل وأقعد أقرأ المعوذات وأنتفض من الخوف ، ولي هاليومين كوابيس طايحة فيني أحلم إني أطيح من هاوية يا ويلي يل ويلي يا ويلي من حظي الردي وربي كإنه واقع حقيقي وأنسجم مع الطيحة من الهاوية، وش هذا ؟! ، وربي بأشد شعري وهذا أنا أقرأ قرآن بآخر الليل وإللي حافظته وأصلي صلاة الفجر وأصلي البقية كل صلاة أصليها ثم أنام < الله يحفظكم من هالبلاوي والكوارث الحياتية الليلية ، وش الحل ؟؟ :زعلان:
المشكلة الثانية /
طزووووووووني إبرة بوريدي ، يعني دمي دمي ضاع مني ، بأنبوب تحليل وربي خفت منه عهدي بلون الدم من زمان ، لونه عودي مو أحمر مثل لون الحب يعني لونه يخووووووووووووف ، شفت دمي إللي ضاع مني صابني الدوار ، الحين عندي نقص دم وش تنصحوني أشرب عشان أعوض الدم المفقود ؟؟ << تحب صحتها
المشكلة الثالثة /
أعصب ويوم أعصب كلي يرتجف وخشمي يصير أحمر وإذني تميل للون الأحمر المحروق :icon_frow ، وش أسوي بعصبيتي كيف ما أعصب وما بقى مني شي غير عظام ، وكل ما أحد يشوفني يقول لي يا دفا إنت نحفتي وربي عقدوني وكرهت شكلي ونفسيياربي وش أسوي بعمري لا تقولون كلي زين ماشاء الله آكل ومعدل أكلي طيب الحمد لله ، ولا تقولون لي كلي خميرة ما أبي أخاف الحال
ينعكس وينتكس وأصير برميل وبعدها ما أقدر أرد الوزن وأصير مثل البقرة الضخمة المخرعة في الحديقة الغناء
، أعطوني الحل ؟؟
المشكلة الرابعة والأخيرة /
مشكلة الإتصــال ، وما أدراكم كيف حالي مع الإتصال ؟! ، إذا ما أخذ راحة بتصير كارثة ، الإتصال يحب ينام كثير ويجيب الهم والغم وما يقوم إلا برفسة مني في بطنه ، أنا ركبت من فترة دي إس إل لكن هالشهر غييرت الشركة وأخذت سعودي نت ، أسوأ اتصال بالوجود حسب مزاجه ما ألقى إلا أوقات عشر دقائق وبيفصل نفسي أفصل الشركة بكبرهاحسبي الله على ابليسهم نصابين وشركة مو بزينة وربي اتنكبت بعمري ، شكيت بكل شي ، طلع الخلل منها يعني 150 ريال مافي اتصال تمام ، وش أسوي ياربي ياربي ياربي بس يفصل وعقلي صاير يفصل معاه ، وكل شي أحوس فيه عطوني الحل ؟؟
بعد سلسلة مشاكلي أحب أنوه إلى الآتي /
إللي يحبني يساعدني وإللي ما يحبني لا يساعدني وأهم مشكلة أبيها تنحل مشكلة مواء القطط وقلقها والنوم الغير منتظم وجزء من أسباب عدم انتظامه لصقتي الطويلة بغرابيل حتى لو عندكم حبوب منومة هاتوها لي
0
0
0
^ سلسلة مشاكل دفا المشاعر ^
رد مع اقتباس
من عظم هذه المشاكل وعندي كم حل كالأتي 
:
المشاركة الأصلية كتبت بواسطة الدوســــ ALI ــــري
[/url
[/mark]
