شـــارع الـ ح ـــب ,, مبنـــ ؟ ـــى ...

[بسمة امل]

يســ ع ــد ربي أوقاتكم جميـــع ...




,









,








,





موضوعي اللي حابة أتكلم فيه ...
يمكن الكثير من الأعضاء يشوفون انه مكرر ... ويمكن الأغلبية مجرد مايعرف
صلب الموضوع ... يقفل الصفحه ... لأنه ملّ التكرار ...
بتكلم بموضوع ناقشناهـ كثير ... وعددنا أسبابه .. وأسباب انتشارهـ ..
ولكن حلوله ..؟
أغلبنا اكتفى بالدعاء ..
" الله يهدي الجميع ,, والدعاء له أثرهـ أكيد وبلا شك "
بس لازم من حلول واقعية , حلول نقدر نغير بها الوضع اللي عايشين بوسطه ...


" الشــــــــذوذ الجنســـــــــــي " + " البنــــــــات المســــــترجلات " ...

أنا راح أتكلم من خلال واقعي اللي أشوفه كل يوم .. " بالجامعة " ..

" بالجامعة للأسف فيه شارع مخصص لهالفئة ويسمى بـ " شارع الحب " ... طبعاً هالشارع كل عجب الدنيا
تلقاهـ فيه .. مناظر أكثر من مقززهـ ... والأمر اللي يخليك تستعجب هو طريقة تفكير بنات " شارع الحب " ..
يعني البنات المسترجلات ... تلقاهم على طول بهذاك الشارع .. والبنت اللي ودها تنحب .. تمشي بهذا الشارع ...
وتختار البنت " طبعا الشاب فـنظرها " وتبتسم لها ... ويصير الحب
يمكن البعض يستغرب من كلامي ويحس اني أبالغ ... أو يشوفه جنون ... يمكن جنون صح ..
بس نشوفه جنون .. لأننا فاهمين شـ " معنى الشذوذ " ... وودنا نلغيه من مجتمعنا ... لكن هم شايفين انه صح ...
هذا شي ...

الشي الثاني : أي اثنين يحبون بعض ... تكون البنت " المسترجلة " خايفة أحد يخطف حبيبتها منها ... فتلقى
البنت تمشي ووراها بنتين حماية لها لجل محد يتعرض لها .. والبنات الـ " بدي قارد " هم اللي يخوفون أكثر وأكثر
لأنهم مايمشون إلا بـ مشارط , أو شي تقدر تهددك فيه ...

للأسف بالجامعة الكل عارف " شارع الحب " واللي بيصير فيه ... ومع ذلك .. في ظل اننا دوم نتكلم
ونناقش الشذوذ .. ماتلقى الأمن أبد يقربون من هذا الشارع ... لأنه معروف بالتصوير ... سواء بالفيديو أو تصوير
عادي .. فكل وحدهـ خايفة على نفسها ... وممكن تتعرض لضرب أو انتقام إذا صادرت جوال .. أو انتقدت بنتين !!!!

بالاضافه لـ " شارع الحب " فيه مبني مخصص لهذه الفئة .. بدون ذكر رقم المبني ...
وهو المبنى اللي صارت فيه جريمة القتل العام ...
طبعاً هذا المبني اللي محترمه نغسها تاخذ محاضرتها وتطلع بدون ماتطالع في أي بنت , أو تلتفت لأحد ...


" يشـــــــ هـ ــد الله على كلامي " وهذا واقع جامعتي للأسف ...



الكل يعرف إن سبب الشذوذ " 90% نفسي , وتقريبا 5 % أو أقل عضوي " ...

ما أطالب إننا نعدّل الوضع اللي وصلت سن العشرين وهي مقتنعة ان الشذوذ طبيعي مابيدنا إلا الدعاء لها ...
بس تكفووووووون ... تكفوووووووون ...
الأجيال القادمة ... الصغار ... صدقوني محتاجين للتوعية ... لأنهم إذا مالقوا التوعية اللي تمنعهم من هالشي
ويقتنعون بإنه حرام , ويعرفون الأسباب والنتائج المترتبة على هالسلوك .. والله
بيكبرون ودهم يجربون هالسلوك .. ودهم يعرفون سبب الانجذاب رغم ان الاثنين من نفس الجنس ...
التوعية .. من الابتدائي والمتوسط والثانوي ... دور المدارس كبيـــــــــــــر ...
والله بالثانوي كنّا يوم نشوف اثنين جالسين سوى وأياديهم بأيادي بعض كنّا نتقزز ونسوي أي شي لجل يخجلهم
لكن بعد اللي شفناهـ بالجامعة .........................؟؟

وطبعاً قبل المدرسة الأهل :

.. يعني قصات الشعر اللي مثل الاولاد ... وطريقة المشي .. وأسلوب الكلام ... هذا كله نابع من البيت ..
"" والله ياعالم عندنا بنات يحلقون شعورهم بالموس مثل الشباب... وتسوي سوالف ...""" وين أهلها عنها ...؟
وللأسف ربع هالصنف من البنات سببها لأنها وحيدة بين أخوانها ...
فتلقى معاملة الأهل لها مثل معاملة إخوانها ...
البنت إذا من صغرها ماحست .. بأنوثتها ..
عمرها ماراح تحس بهالشي ...
والشذوذ .. لو كان عضوي مثل زيادة هرمونات الذكورهـ أو غيرها .. يقدورن الأهل معالجة البنت ..


(( أتمنى من كل قلبي إن كل مدّرس أو مدّرسة يمر بهالموضوع .. يبدأ بتوعية طلابه ...
كل أب يلاحظ تصرفات أولادهـ " بناته وأولادهـ" ... وكل أم نفس الشي ...
اعذروني على إطالتي واستخدامي لبعض مصطلحات كلنا بغنى اننا نقراها ولكن هذا واقعنا ...
لازم نداوي جراحه قبل ماتتعفن ويصعب علينا مداواتها ...))

ربي يهديني ويهدي الجميع ويحفظنا يارب من كل سلوك ... يضر بنا وبسمعتنا وشرفنا ...

أختكم ...

[الدندووووونه]

[align=right]حبيبتي/ بسمة أمل...

كلااامكـ سليم....

اللي يقهرني كان عندنا بنات بالكليه.... يسوووون بلاااوي ... وربي صرت اخاف أروح الكليه منهم....

أمي تقول لي .. يمشون في طريق أنتي بطريق ثاني.... من كثر ماصاروا معروفين بقلة أدبهم...

مره سألت وحده تقرب لوحده منهم بس شتّان مابينهما وقلت لها هذي وين أهلها عنها... ماتت من الضحك سألتها وش فيكـ قالت لي أهلها عادي عندهم الأب سكراان والأم بعالم ثاني الأولاد ألعن منها.... أنا احياناً أرحمهم...

والله ماأرتحت إلاّ لمن فصلوهم من الكليه بعد مامسكوهم في قضايا كثيره.. وأخلاقيه بعد... صرت ارووح لعالم نظيييييف...

بسوووومه...

لاتتعبين حالك هم أناس مرضى لاعدوا الأربعين ممكن يفهمون ويندمون على اللي سووه.. أقوول يمكن...

ألحين إغسلي يدينكـ...

الله يعينكـ هذا وأنت ببداية مشوارك في الكليه... ياقلبي... لا وصار عندكم قتل وين الحكووومه... الموضوع ..تعدّى حدوووده....
ودمـــــــتي[/align]

[بسمة امل]

ياقلبي انتي أقول لك الأمن يخافون منهم ..
وربي ماما ... كل يوم قبل مااروح
يابنتي انتبهي وحدهـ تتعرض لك طنشيها ...
أي وحدهـ تقول لك أبيك بكلمة بعيد عن البنات طنشي ...
بالبداية كنت أقول لها أنا كبيرهـ وأعرف اتصرف ...
بس يوم شفت الواقع ... من جد أنا صرت أخاف ...


والمصيبـــــــــــــه ...

إن المسألة وربي توصل أحيان لـ هتك العرض ...!!!!

[سرررراب]

والله حاله خلصنا من رصيف الجميلات قبل خمس سنوات
كأن فيه رصيف قدام مبنى ما تجلس فيه إلا البنت الحلوه والشينة واللي

مي حلوه ولا كشخه يضحكوا عليها...

والحين جاء شارع الحب...

والله شر البلية ما يضحك..

لو جلست في الشارع راح تشوفوا العجب ومناظر غريبة_الله يستر علينا_

تشوف البنت كاشخة باللبس الحلو المكياج وتتمختر رايحة جاية على تبي أحد

يعاكسها والله أنها وصلت بهم حد التلقيم والغزل..

ولو رحتي الكافتيريا بعد الساعة 2 الظهر والله بتشوفي العجب...

لكن المشكلة والسؤال ما الذي يدفع فتيات في هذا الحرم الجامعي لمثل هذه التصرفات؟؟

وأين دور الأهل عندما تخرج الفتاه بذلك المنظر من لباس مخل أو تشبه بالرجال

وأقسم لكم أن الحد وصل بأحدى الفتيات برسم شنب...

نسأل الله أن يرحمنا برحمته...

بـــســـمـــة أمـــــل...

كل الشكر على الموضوع الرائع

ولي تعليق بسيط لم تحدث حادثة قتل العام الماضي وأنما كانت

مشاجرة قويه نوعاً ما..

[§¤°~®~°¤§ الزعيم§¤°~®~°¤§]

أنا أقول ليش الشباب هونو من الزواج؟؟؟؟؟؟؟؟؟؟؟؟؟؟؟؟؟؟؟
الله يهديهم ويصلحهم

أخوك/ الزعيم

[بسمة العشاق]

بسمة أمل

مانقول الا الله يهديهم

ويحفظ بناتنا من هالكلام الفاضي

اما عن أشوف ان شاء الله ماأشوف هالمناظر
لكن الكلام أنا سمعت في أحد الكليات وانصدمت من الانحلال اللي صاير في المجتمع

وحدة من البنات تمزح تقول أنا ادعي للاختلاط لان البنات رجعوا على بعضهم ..اعذروني على هالكلمة


مانقول أولا وأخيرا الا الله يهديهم ويسامح أهلهم اللي خلواهم اللي أهملواهم

تشااااو

[أ- منصور]

مشكورة أختي على الموضوع

[الـوافـي]

بسمة أمل
نسأل الله العفو والعافيه
من تربى في تربيه صالحه فلن تغيره أعاصير المتغيرات
البيت هو لبنه البدايه وهوالأساس .
تحياتي
أبو مها

[جنون 2005]

الله يعينك اخت بسمة امل

الحقيقة اللي قاعد يسير بمدارس الاولاد والبنات شي يشيب الراس

اللي عنده ولد والا بنت والله صار محتار وين المدرسة الزينة ووديهم لها

على العموم الله يعينك لين يجي التخرج

ويظهر من كلامك انك أول سنة

يعني باقي ثلاث عجاف ربي يعينك عليها

الله يستر الاحوال ويعدلها بس


مشكوره على افراد هذا الموضوع الجرئ

[muk6]

مشكورة اختي بسمة امل على الموضوع

[الجوهرهـ]

لاحول ولا قوة الا بالله شهالكلام ااختي
؟؟؟

اذا بتتكلمين عن ظاهره او شخصيات نشوفها فـ اكتبي بشكل عام
لان منظر الفتيات المسترجلات نلقاه باالمدرسه باالمدن الترفيهيه باالكليات بكل مكان ...الخ



لكن انكم تتكلمون عن شارع..؟ ومبنى مادري ايش... وتشووهون اسم جامعه من ارقى جامعاتنا فهذا الغباء بعينه



والله العظيم ولا ابالغ ان قلت لكم لما سجلت بهذي الجامعه اللي اختنا في الله ماهي عاجبتها من كثر اللي سمعته بغيت اروح اسحب ملفي قاعده اقول وين هذا معقوله كلامك صح؟؟

لما دخلت شفت العكس و شارع 5 وهو طريق ممر عند بوابه الخروج رقم 5وعنده كافتريا وفيه بنات جالسين حاله حال الاماكن الثانيه
لاشفت هاالتخلف اللي تقولونه ولا مر علينا
وللاسف فيه كثير يرددون كلام بدون تفكير او حتى تأكد ...


انتي تتكلمين عن مدينة جامعيه فيها 18000الف طالبه
و20مبنى اجناس واشكال ملونه
و8بوابات

اذا شذت وحده او ثنين او حتى عشر هذا مايعني تشويه سمعت مكان ومن فيه


مثل ماقلت لك القضيه اللي قاعده تناقشينها الاولى والاجدر انك وضحتيها بشكل محايد وبعيد عن ربطها بمكان قاعدين تردون كلام مستهلك اطلق من فئه قاصره التفكير


ويااختي اذا المناظر اللي ذكرتيها لاتحتمل ومسببه لك ازعاج هذي الكليات الثانيه قاتحه ابوبها و مانعه الجوال وكل طالباتها يستخدمونه وحاطينه بجيوب مخفيه
وكلهم دخولهم بوقت واحد وخروجهم بوقت واحد ومع هذا فيها نماذج مثل اللي ذكرتيها واكثر
مع انها المفروض تكون قمه لانها مجتمع بسيط واعداد ماتتجاوز الالوف وفوق هذا اسلاميه تربويه...
والكل يتنمى فيها ينظم للجامعه اللي ذكرتيها طبعا العقلا اللي همهم التعليم والاستفاده مو همهم لعب ومسخره وتصرفات محرمه كانوا يسوونها من ايام الثانوي وماجت على مكان





انا اللي زعلني طريقه عرضك للموضوع
لو كان النقاش محايد ومنطقي سيجد القبول والتحليل والنقاش الهادف..

[أول خطوة]

^^^^^^^^^^^^^

الجوهرة اعجبني ردك بارك الله فيك ويدل على منطقك الرائع


بس سؤال لكاتبة الموضوع هل الجامعة الي انت تتكلمين عنها هي جامعة الملك سعود


لاني احب ذكر الاسامي

لان كل واحد لازم يتكلم من واقع تجربة

والي خلاني اشكك الكلام الغريب الي انتي كاتبته ما ادري هل نحن ندرس في عالم مختلف عنكم ام ماذا ؟؟


لي عودة بعد التوضيح

[سرررراب]

أختي الجوهرهـ..

كلامك صحيح مئه بالمئه ولكن الاخت بسمه أمل لم تبالغ

وفيه مبنى وشارع كما وصفت وكلانا بالجامعه نعرفه..

والله ما خفي كان أعظم ولاننكر أنه يوجد خير والحكم لا يعمم

ولكن الشر يعم والخير يخص..

ولو جلستي في الشارع اللي تكلمت عنه راح تشوفي.

أعذروني للعوده ولكن لتوضيح..

[الجوهرهـ]

سراب اشكرك..ومنهو عبدالله:mf_popean

خطوة امل ايه حبيتي قصدهم هاالجامعه :(


وتبون الصدق ولا ودي اطلع عن الموضوع لكن بما انه نظام الجامعه ديموقراطي ومرن صار الحكي عليهم كثير يمكن اول مافتحت صار فيها اشياء بحكم الانفتاح المفاجي تصير الامور مهوله

دخلتها وبتخرج منها بعد كم شهر ماشفت هاالشي وجلست بخمسه و12 و17 ياسراب وماشفت الاخلق مثل البقيه اللي بنت امير واللي بنت مواطن عادي الزينه والشينه

مادري ليش التحليل بهذي الصوره


مره من المرات اخوي موديني للجامعه يقول جوهره ياختي جامعتكم سمعتها زفت
قلت ليه
قال مادري؟
نشبت بحلقه لين عطاني اسباب وطبعا ماعنده اسباب بس يسمع ويردد

قال والله فيها بنات مسترجلات>>>روحوا شوفوا المدن الترفيهيه والكليات وحتى الاسواق المغلق تلقون العجب

البنات يلبسون كتف >>>>>>يعني الغى البقيه الباقين وانا يااخته اللي معه ولابسه عبايتي على رويسي يقول هاالحكي

ولا العذر الواهي مدرساتكم علمانيات >>متميزات واجه اجتماعيه ومشاركات بكل المحافل واخرتها علمانيات واشك انه يعرف تعريق العلمانيه:11retcher


تدرون وش مشكلتنا ننشغل باالاجزاء ونترك الكل
ننشغل باالتوافه ونترك الاهم

هذي الجامعه خرجت نوابغ للامانه
خرجت فتيات على قدر من العلم والاخلاق
كل المتميزين والمتميزات والاكاديمين هم خريجين هذه الجامعه..

درسنا فيها بكل اريحيه المجال مفتوح بحثنا وقدمنا ندوات وتعليم متطور والكتروني ومسموعه اقتراحتنا فتحت لنا افاق من طرق التعليم الجديده وليست العقيمه واوامر ونواهي وكاننا طالبات مراحل ابتدائيه

ارجع اكرر قصدي من هاالرد كله لاننكر وجود اخطاء بكل مجتمع سواء دوله عائله مدرسه جامعه ..الخ
ولكن ان نلغي حسنات صرح تعليمي لاغبار عليه هذا الموجع

[سرررراب]

حبيبتي الجوهرهـ

اولاً: اعذريني على الخطأ وترى عدلته ولا يهمك..

ثانياً: الجامعة مي جامعة الملك سعود..

ثالثاً والاهم: احنا ما ننكر الخير ولا ان الكل يتمنى الدراسة بالجامعة

بس نقول أن هذه ظاهره خطيره شفناها ونتنمى حلها ويمكن صارت

منتشره بجامعتنا بشكل مخيف

ويمكن أحنا شفنا بجامعتنا شيء ما شفتوه..