[poem=font="Simplified Arabic,7,darkred,bold,normal" bkcolor="burlywood" bkimage="" border="double,4,gray" type=2 line=0 align=center use=ex num="0,black"]
( كل حي(ن) يشيب ونخوتك ما تشيب )
قلت للدمع ساعدني بلحظة رحيل=ما فزع لي وانا اللي طالبه يستجيب
عين ما صدقت وشلون دمعه يسيل=رغم الايمان ابقنعها ولا من نصيب
دايم الشهم لا من غاب يهتز جيل=تبكي الارض مثل الشمس لا جت تغيب
يا ابو عبد العزيز ابشر مقامك جميل=ساكن قلوب اهل حايل عزيز(ن)حبيب
في عروق البشر حبك جرى سلسبيل=انتعش منه (اجا)وانساب عطف(ن) وطيب
اشهد انك حبيب الناس والله كفيل=كل حي(ن)يشيب ونخوتك ما تشيب
كل حايل تجي يمك اذا اسود ليل=من بشداتهم ينخون لامر(ن) عصيب!
كم عجوز(ن)وشايب كم يتيم او عليل=شدوا رحالهم وامسوا بصدر(ن)رحيب
ثم عادوا لهلهم مسفهلين حيل=زاروا اللي ليا منك بغيته قريب
تاقف بجانب المظلوم تصهل صهيل=وتاقف بجانب المضيوم ليث(ن)مهيب
كنك الدوحة اللي له ظلال(ن)ظليل=كنك الشهد ما يحتاج عقبه طبيب
شلت يا نافل الثنتين حمل(ن)ثقيل=كيف ننساك وفراقك علينا صعيب
ما تفططن مراجل وانت شهم(ن) اصيل=ما تحررى مديح الناس وانت اللبيب
خادم(ن)للوطن سفر الصحافه دليل=صادق الطرح ما تخشى عيون الرقيب
يا العريفي ترى ما به لشخصك مثيل=ولا شبيه(ن)لطبعك من بعيد او قريب
يا عسى الوالي الفرد العزيز الجليل=يسكنك جنة الفردوس رب(ن)مجيب[/poem]
رد مع اقتباس
