** ماذا تـفـعـل الـمرأة عـندما يهـرب الرجـل؟ **

[المسافر؟]

[align=center]مساء الخير عليكم

راح أتكلم عن موضوع يمكن يخلي الحريم (النساء) مبسوطة لأنه

فيه سب بالرجال

وقبل كل شي كلمة حق أقولها لبناتنا وأمهاتنا أنهم كنز من الحب

والعطف والله مهما يبعد الرجل عنها ويدور ماراح يلقى صدر

حنون وفدائية وكل واحد يشوف أمه وش تسوي مع أبوه والله

يلعنها وشينة نفس كل النهار بس تلقاها صابرة ومتحملة وتشيل

الهموم والمشاكل وهذا مايختلف فيه احد


وفي هذا الموضوع أبغى أتكلم عن سر من أسرار الرجال


وهو إن الرجل في بعض الأحيان يبعد عن زوجته وحبيبته بدون

سبب وتحس الزوجة والحبيبة إن زوجها ماله خلقها ولا يحب يتكلم

معها رغم إنها ماسوت معه شي ولا زعلته وتلقى المرأة المسكينة

تلوم نفسها وتقول أكيد انا أخطيت معه او قلت له كلام يزعل

ونشوفها تقرب منه حتى تصلح الأمور بس تفاجأ انها كل ماقربت


منه تلقاه يبعد أكثر ولكن بعد فترة تلقى الرجل رجع لها وهو مبسوط

إنقلاب 180درجة


ولكن اختي هذا شي طبيعي وهو من أسرار الرجل (يبتعد بدون

سبب وبعد فترة يرجع احسن من الأول)


سر لازم ان المرأة تعرفه وتفهمه زين حتى ماتقول إن حبيبي ما

يحبني وتفهم الموضوع غلط وهذي هي طبيعة الرجل خلقه الله كذا


الرجل في بعض الأحيان بعد مايشبع من الحب يحس انه بحاجه

للشعور بالحرية وانه مستقل(وده يقعد لحاله)


فتشوفين الرجل يبعد عنك بعض الوقت بس بعد فترة يحس انه

ناقصة حب وحنان بعد ماشبع من الحرية فيرجع لك (على كيفه )

ورجله فوق رقبته

بعدين انتي لازم تفهمين الشيء هذا وانه طبيعة فيه وغصب عنه

ولا تظني انه يحب يعذبك لأنه نفسه مايدري ليش يسوي كذا

بس تعاملي معه بصبر وحكمة ولاتخافين ولاتقولي في نفسك يمكن

انا الغلطانة انا اللي خليته يبعد عني او تخافي انه يخليك ويروح

(لا)خليه على راحته راح تلقينه يرجع لك احسن من الاول

اختي افهمي الرجل افهمي هذا السر فيه لاتكوني دائما لازقة فيه

ناشبة في حلقة أعطيه حريته خليه هو اللي يحتاج لك هو اللي يجي

لمك خليه يشتاق لك اذا ابعد عنك لاتلاحقينه ولاتركضين وراه

ابعدي عنه فترة أواسمحي له إنه يبعد عنك فترة

اذا الرجل ماعطيته فرصة يبتعد عنك فما راح يلقى فرصة يقترب منك

ويااختي اذا اصريتي انك تكوني لازقة مع انه يبتعد عنك فأنتي

تعطينه فرصة انه يهرب منك وماراح يشتاق لك أبدا



بالعكس خليه على راحته وراح تشوفي حبيبك اللي مايهتم فيك

ولايحب يكلمك فجأة تلقينه مايستغني عنك ولا يمكن يعيش من دونك

لأنه شبع من الحرية واحتاج للحب ورجع ولهان ومشتاق

بعض الحريم (النساء)الحين اذا شافت زوجها وحبيبها مبعد عنها

وقاعد لوحده ومايبغى يكلمها نلقاها تلزق فيه زي صمغ ابوجن

وهو يحاول يبعد وهي تقرب منه وتبدأ تتكلم عن المشاعر والحب

وهو ماله خلقها وماله نفس للكلام ليش لانها ماتعرف تختار وقت

حلو ومناسب للكلام عن الحب لأن الرجل يحب يبعد ويجلس لحاله

بس بعد فترة تلاقينه تغير ومبسوط ويسولف هذا هو الوقت المناسب

للكلام عن الحب ولاتتوقعين ان الرجل يبدأ بالكلام عن الحب

(لا)لأنه ماعنده شي يقوله في البداية والرجال عموما يحتاجون

لسبب حتى يتكلمون إدفعيه انه يتكلم

عليك انتي ان تبدي في الكلام عن الحب فأنتي راح تشجعين الرجل

على انه يتكلم بس لو غصبتي او ضغطتي عليه انه يتكلم الاول

وبديتي تسألينه عن الحب راح يتضايق (سعادة البيه)ويحس انك

تحققين معاه يعني زي الشرطة


اختي تكلمي عن مشاعرك وحبك وأحاسيسك بدون ماتطلبي من

حبيبك انه يتكلم خليه يسمع بس (فقط) واشكريه انه قاعد يسمع لك

لأنك اذا عودتي حبيبك على الإستماع والإنصات راح يرتاح لك

وراح يتكلم هو من نفسه بدون ماتطلبي منه

يمكن طولت (الكلام) عليكم بس راح أقول الزبدة من

الهرج(الخلاصة):

إن سبب البرود في العلاقات بين الأزواج والأحباب إنهم دايم لاصقين في بعض مايبعدون

عن بعض لو لفترة قصيرة تكون إجازة لهم من العلاقة .

وياأختي اذا شفتي حبيبك وزوجك ابعد عنك لاتعاقبينه ولاتلاحقينه

ولاتقلقين عليه لأن الرجل مايحب يعامل زي الطفل ولاتقولي له

ليش تعاملني كذا؟

خليه على راحته ولاتنذلي له أو تراضينه وأنتي ما أخطيتي عليه اذا

ابعد عنك بدون سبب إتركيه (درب يسد مايرد)

واحذري احذري انك تنزلين نفسك له او تستحقري نفسك قدامه بل

خليك قوية ومتماسكة (إعلان قشطة)

حافظي على شخصيتك وكبريائك ولا تلاحقينه

يكمن يزعلون الرجال من هالكلام بس برضه النساء مايستاهلون

اللي نسوي معاهم وزي مانقول للمرأة اتركي الرجال على راحته

نقول للرجل ارحم المرأة وخلي في بالك إن النساء حساسات من أي

كلمة وبسرعة ينجر حون بس الحق علطول يرضون ببوسة او

كلمة حلوة أ و وردة ترجع المياه لمجاريها

آسف على الإطالة لأني حبيت أوضح بالتفصيل الممل واذا احد عنده

اعتراض على الموضوع او أي موضوع كتبته يقوله فقلبي كبير

ويتحمل باااااااااااااااااااااي


**المـــســـــــافــــــــ ــــــــــــر**
[/align]

[خــــالـــــد]

[align=center]
المسافر

الله يهديك (( لا تفتح عيون مسكرة )) .. فضيحة علينا هههه

موضوع رائع وممتاز جداً , لا يسعني إلا أن أقدم لك الشكر والتقدير

" الطرفين " .. يمارسان أحياناً طرق خاطئة في العلاقة الزوجية

والتي بسببها قد " تفتر " هذه العلاقة .. ويكون لها نتائج غير مرضية للطرفين

ومن ضمنها .. مثل ما ذكرت " الالتصاق المباشر " .. أي يكونا طوال الوقت مع بعضهما

وهذا ليس بالأمر الإيجابي لـ العلاقة .. لابد من إثارة عنصر " الاشتياق " .. بالابتعاد قليلاً

شكراً لك

[/align]

[معذبتهم]

سلمت يمناك المسافر


لاهنت اخوي

[صدى المشاعر]

يعطيك العافية

[المسافر؟]

[align=center] شكرا خالد على المرور


عاد ادارة مانقدر نقول شي



سم ياطويل العمر[/align]

[بـنـت الـشـيـوخ]

خليه على راحته ولاتنذلي له أو تراضينه وأنتي ما أخطيتي عليه اذا

ابعد عنك بدون سبب إتركيه (درب يسد مايرد)

واحذري احذري انك تنزلين نفسك له او تستحقري نفسك قدامه بل

خليك قوية ومتماسكة (إعلان قشطة)

حافظي على شخصيتك وكبريائك ولا تلاحقينه

لله دركـ

هذا الكلام والا بلا...

اعجبني موضوعكـ

وفعلا المرأه لها كرامتها ....






بس وش السبب اللي يخليه يطفش او يمل ؟؟

المفروض يكون عنده شويه ذووق
ومايحسسها نهائياَ
لانه حتى المرأه بشر...تطفش وتمل
وعاد البيت كله على راسها,, والاطفال ,, ومسؤوليات كثيره..

وفوق كل هذا تتحمل..




اخوي المسافر

يعطيكـ العاااااااااااااااااافيه

ويسلموووووووووووووووووووو

[!! المتحـديـة !!]

!! المسافر !!

قسمن بالله انك كلامك ميه بالميه ’’

ياخوي من جد كنت محتاجه اقرأ هالموضوع بالذات هالفتره ’’

من جد احيانا نلاحظ فتور العلاقه بدون مانعرف وش السبب ’’

بس مدام هذا سببكم اوكيه خلاص بنفهم الحين وبقوووه وبنتعدل انشاء الله ’’

المسافر موضوعك جميل وطرحك اجمل وتكفى كثر من هاالاسرار اللي تمتلكونها ’’

عشان نقدر نتواصل معاكم بكل سهوله ’’

تقبل مروري واحترامي لقلمك ’’

!! المتحدية !!

[المسافر؟]

[align=center] شكرا بنت الشيوخ والمتحدية

على المرور[/align]

[نور الإيمان]

المسافر؟ مساء الخير عليكم

راح أتكلم عن موضوع يمكن يخلي الحريم (النساء) مبسوطة لأنه

فيه سب بالرجال

وقبل كل شي كلمة حق أقولها لبناتنا وأمهاتنا أنهم كنز من الحب

والعطف والله مهما يبعد الرجل عنها ويدور ماراح يلقى صدر

حنون وفدائية وكل واحد يشوف أمه وش تسوي مع أبوه والله

يلعنها وشينة نفس كل النهار بس تلقاها صابرة ومتحملة

اخى المسافر
جزاك الله خيرا ان شاء الله على الموضوع
بارك الله فى اناملك
الحياة الزوجيه حياة تحتاج الىتفاهم وتقارب فى وجهات النظر
وتحتاج الى كثير من التنازلات لكى تسير هذه الحياة بطريقه مرضيه للطرفين
لله درك
لافض فوك
تحيتى لك
اختك نور الايمان

[*أهداب*]

تعرف موضوعك جاز لي ..

ايه كذا المواضيع ولا بلاش...صار قلت هو يبي يهج فترة ..لأنه شبع حب أو ماله مزاج ..

ابشر ..فهم وعلم..ويستم التنفيذ على عدة مراحل ...


المرحلة الأولى ...راح نجوعه جوع الكلاب ..(لاكلام ولا سلام ولا نعبره بعد)


المرحلة الثانية ..راح نحط كلامنا وما يثير سعادته على جرعات قليلة ...

المرحلة الثالثة ...يبطي عظم لاقام يتلزق مره ثانية ويبي حرف ماهو كلمةوهو هاج بالأول ..

المرحلة الرابعة ..راح نروح لخطاط ويكتب لنا يافطة مكتوب عليها
(رجاءاً ممنوع الأقتراب لأنه انا في فترة روقان وصمت )
علشان الباشا يرفعها ...ولا نجلس نحاتي وناكل في اعمارنا ولا تهناء لنا عيشة ولا لقمة ولا نعسة ..
والسبب نقلب جميع تصرفاتنا ذات اليمين وذات الشمال لعل وعسى زل لسانا ولا زلت يدنا ..


ياخي يقول لها وش رأيك تروحين لأهلك تونسين عندهم ..وبلاش من مقابل وجهي لأنه أنا (مشغول..بلاش يصدمها ويقول أنا مأبي اكلم أحد وخاصة أنتي لأنه هذه المقاطعة عليها بس ولا أخوياه لسانه متعدي أذانيه )..

تعرف أني الحين حقدت وبقوووة وحنا بعدنا ماوصلنا هالمرحلة .بمرااحل عديدة.!!


يالمسافر ..تعرف الأسبان ..أسبانيا ..

يقولون سلمك الله ..

إذا أردت أن تبع حريتك تزوج <<<==لا تضحك فهو موجه أيضاً للنساء ....


أما ..محمد مندور ..يقول

الرجال يحلمون قبل الزواج ويستيقظون بعده (قال يحب يصمت )


أما مي زيادة ..شوف بس وش تقول:

ليس الزواج مقبرة الحب ، فكم من حب جاء ثمرة للزواج ..(عاد لاطال صمته وش بأقول حزتها؟؟؟)


ولا اسمع ..توفيق الحكيم ..

يقول : الزواج نقله مفاجئة من التدليل إلى التذليل <<<<--- ايه بالحيل صادق جالسة أحاتي واذل عمري وبالأخير ماله مزاج..!!!!!!


المهم ....
اسمع هالنشمي ...
فولتر ..


أساس الزواج الصحيح التفاهم المتبادل ..

***
إذا :

أسعد الأزواج من يطلع زوجته على كل شيء ويلقى منها تقبلاً وتفهماً ...






والف من الشكر الخالص لك ولطرحك وكشف سر من أسراركم ...
ولا تبطي علينا بالثاني ..والذي بعده ...

[دفء البوح]

يهرب الزوج من زوجته بسبب رغيها و ثرثرتها فى كل شىء

سواء هام أو تافه فما أن يدخل إلى المنزل حتى تبدأ وصلات من الرغى المتواصل و الحديث عن الناس

و أمورهم و شؤنهم و لا تقدر أنه يعود من عمله منهكا لا يستطيع حتى أن يأكل من شدة إرهاقه

و إذا لم يجارها فى حديثها تلقى عليه اللوم بأنه لا يستجيب لها

و أنه لا يقدر الوحدة التى تعيش فيها طوال النهار لا تتحدث مع أحد منتظره عودته بفارغ الصبر

حتى تحكى له ما حدث فلا تجد منه إلا عدم المبالاة و عدم الرد مع أنها


لكن نجد في النهايه ان
الرجل و المرأة ، النصف الحلو و النصف الخشن ، القطب الموجب و القطب السالب

مختلفان لكنهما منجذبان لا يستطيع أى طرف أن يستغنى عن الآخر.

فالمرأة لها طبيعة خاصة و قدرة كبيرة على القيام بأكثر من دور فى آن واحد بشرط أن تجد المقابل و لا يشترط أن يكون المقابل ماديا فالتقدير المعنوى أهم بكثير من التقدير المادى و اللمسة الحانية الرقيقة قد يكون لها مفعول السحر أكثر من هدية من الماس

اشكرك عل طرحك الجميل والشيق


لك تحيتي

[المسافر؟]

[align=center] شكرا (نور الإيمان . أهداب . دفء البوح) على المرور


ويااهداب شكلك معصبة مرة


أنصحك بعصير الليمون



وشكرررررررررررررا[/align]

[السُّلمي]

[grade="8B0000 FF0000 FF7F50"]تعال تعال يالمسافر الله يهديك.


يعني انت تشوف الابتعاد افضل في أوقات للمرأه عن الرجل وان تقربها من زوجها فيه
وتتبعها له في نقص من شخصيتها .


أنا لا أعتقد ذلك بالعكس الابتعاد هو السجن وليس الحرية حيث يجعل الانسان يتضجر
مع حزنة وقلقه ويعيش في كوابيس لايعرفها إلا من عاشها .

فالحرية ليست في الانفلات ممن تحب بالعكس الحرية هي أن تكون في
مقربه مع من تحب ( الزوجة طال عمرك ههههه ) .

وهنا نفرق مابين اللزقه اللي مالها داعي واللزقه المعذورة التي يقودها الحب الصادق .

صحيح إن الابتعاد يزيد الحب والشوق ولكن لايجعل الشخص في حرية بالعكس هو يسجنه
لهذا الحب . ماتسمع دوماَ أسير الغربة .. السجين . رهين الألم . عناد الجرح ههههه.

بالله أخي الكريم ماالذي جعل هذه المسميات تخرج لنا ؟ هل تعتقد بأن الحزن والألم يجي
من الباب إلى الطاقه بدون اسباب لهؤلاء .

التواجد مع الحب الصادق يغني عن كل شيء يخرج الفرد من دائرة الحزن مهما كان إلى دائرة الفرح والمسرات
بمعنى إن تواجدك مع من تحب ينسيك الكثير من المتاعب .


وهذه وجهة نظر أخوك السُّلمي.

اتمنى ان تتقبلها وكل الشكر لروعة ماطرحتة لنا .


ودمت بالخير دوماً





[/grade]

[!! المتحـديـة !!]

!! اهداب !!

ههههههههههههههههههههههههه ههههههههههههههههههههههههه ههههههه

موتيني ضحك قسمن بالله انك تجننين ’’

تقبلي تعليقي ’’

فــالــ تحيـــأ اهداب كلنا معكي ’’

<== دخلت جوووووو الاخت مسويه مظاهرات

!! المتحدية !!

[*أهداب*]

8
8
ايه قهرني ..قال يبي صمت ...

شووفي يالمتحدية ..أنا مع أحترامي وتقديري للرجال ..

بس لما يصير زوج ..يجيك الدلع ...

نعنبوا ابليسه ..لو كنت مكان هالزوجة ..وتخيلي بس ..
أطبخ / اكنس / اغسل / أكوي ...وأدلل في حضرته ..

ثم أجلس واقول (يااربي ..وش..بلاه اليوم ؟؟ ياعسى ما قلت شيء يغضبه ؟؟؟
ياشري من عذاب ربي ز.إيما زوجة مات عنها زوجها وهو راضي دخلت الجنة ..
لا يكون ..ولا ما يكون ...صاكن بووز ..؟؟)


وتخيلي ..أطبخ وهو ياكل بصمت / ويلبس بصمت / ويروح ويجي بصمت ..
عاد هالحين الزوجة تاكل نفسها أكل ...



وتاليتها تكتشف أنه الشغلة شغلة مزاااااج ..

صراحه تخيلي بس أن صديقتك فجأة ما تحاكيك وش تسوين حزتها ؟؟؟

أجل كيف الزوج ؟؟؟

لو كنت محل هالزوجة لأوريه المزاج وشلون .وكيف ثم يحرم ساعتها حركة الصمت....!!

من زين الحلايا ...
لا واللي يقهر أكثر فيه أزواج ينتقدون زوجاتهم ..فيقول وراك يافلانة عقب ما جبتي العيال صرتي كبر علانة ..
عدال يالمزيون وورفيع المقام ...(ضعيفة الزوجة يالله متحملته ومتحمله عياله يجي بعدها يذم ولا ماعنده مزاج<<من جد قاهرتني هالحكاية




الله يسعدك يالمتحدية ..كوشنا أنا وأنتي على الموضوع ....بس ما أقوول غير الله يكون في عونهن ...