الهلال وصفقات النصر
اولاََ مساء الخير و تقبل الله صيامكم ..
ثانياََ دخلت على منتدى النصر و شفت النصراويين يمجدون بـ كيلانهم
وكأنهم حققوا معه البطولات و صعدوا للمنصات ؟
قبل 4 سنوات عندما تولى زمام النصر قال بإن اللي سواه كله لا يساوي الا 20 % ! والان بعد 4 سنوات المفروض تصير 100 % ؟ واللي نشوفه هي خساير بـ 4 و5 و 3 و في نهايه يقفون بصفه ويصفقون له
كيلانهم جاب لهم الجيزاوي و ربيع سفياني و نور و الشهري ..
بعد صفقة الشهري و الجيزاوي اطلقوا هاشتاق في تويتر اسمه #تخيل_انك_هلالي ؟
ومواضيعهم في المنتدى مدح في فيصل بن تركي
و يكتبون ضد الهلال و يطقطقون ان الهلال كان يبي شهري و الجيزاوي ونبي السهلاوي !! .. بس ما نقدر وسبب كيلان ؟
بس انا مستغرب ؟
احد عنده ياسر و ناصر وسالم ويفكر برجيع * السهلاوي * ؟
احد عنده العابد وسالم وعزيز وشلهوب و نيفيز ويفكر بالمطرود * الجيزاوي * .. ؟
رغم صفقات الهلال
ناصر
سالم
الحافظ
نيفيز
هرماش
كاستلو
الكوري
ولد عطيف
البقعاوي
وتجديد مع العابد
وغيرها !!
نشاهد من يقلل من عمل الادآرة ! نشاهد من ينتقد الادارة ؟ من يحارب الادارة و سامي ؟ من يقف مع الاعلام ضد الهلال ويمشون مع تيار اللي يقول ان سامي يحارب ياسر !
حتى في المنتدى فيه انقسام ؟ بعض الجماهير تحسسك ان المنتدى , حقها وبس ؟ محد يتكلم محد يقترح محد يقول رايه بشئ ! انت مو معي يعني ضدي ؟ اذا تكلمنا عن ياسر , قالوا انت من جمهور ياسر ؟ ان تكلمت في سامي ؟ قالوا انت من جمهور سامي ؟ وانت انتقد في عبدالرحمن بن مساعد قالوا انت مندس ؟
ليه ما نطلق هاشتاق بإسم #تخيل_انك_مو_هلالي ؟
ونعدد صفقات الهلال و بطولاته بس عهد عبدالرحمن وانه لا مقارنه بينه و بين كحيلانهم َ!
جعلوا منه بطل لانه جاب لهم اثنين بس ؟
اجل تخيلوا لو ان عبدالرحمن هو رئيسهم !!
اتوقع بينهبلون ؟ بيجيهم انهيار عصبي !! مع هذي صفقات اللي ولا بالاحلام حتى تجي !!
وللامانه قبل فترة كتبت موضوع ضد الرئيس وقلت بإن الهلال في عهد بن مساعد في حاله انهيار .. لكن ما قام به الرئيس من عمل قلب الموازين وجعل من يقف ضده من اجل مصلحه الهلال ,, يقف معه .. لان مصلحه الهلال الان مع بن مساعد ..
ما كتبت هذا الكلام الا عشان اذكر الهلاليين بشكر لله ثم لعبدالرحمن بن مساعد .. قام بعمل جبار و كبير و الباقي على الله سبحانه ..
واخيرا وليس اخرا ..
"أن أصبت فمن الله وأن أخطأت فمن نفسي والشيطآن "
قفله في نهايه
ارفعوا رؤوسكم وآرفعوا آصوآتكم وقولوا بأنكم هلاليون ؟
وتذكروا تلك المقولة
هلاليون وشربوا من مآء البحر ..
رد مع اقتباس
